اِنجیلِ یوحنا 8:15 - کتاب مقدس به زبان مازندرانی - گویش شرقی

¹⁵ شِما آدِمیزادِ فِکرِ هِمراه داوِری کاندینی، ولی مِن هیچ کسِ داوِری نَکامبه.

گیله ماز

¹⁵ شُما آدَمیزادِ فِکرِ هَمرَه داوَری کانید، وَلی مَن هیچکَسِ داوَری نُکانَم.

کتاب مقدس به زبان مازندرانی - گویش غربی

¹⁵ شِما آدَمیزادی فِکری هَمرا داوَری کِنِنی، ولی مِن هیچکسِ داوَری نَکِمِّه.

اِنجیلِ یوحنا 8:15 Iomraidhean Croise

لوقا 12:14

ولی عیسی وه ره بااوته: «ای مَردی، کی مِ ره شِمه میون اِرث رَسِدگَر هاکارده؟»

اِنجیلِ یوحنا 12:47

اگه کِسی مِ گَب ها ره بِشنُئه، ولی اونا ره به جا نیاره، مِن وه ره داوِری نَکامبه؛ چوون نییَمومه تا این دِنیائه مَردِمِ داوِری هاکانِم، بلکه بییَمومه تا وِشونِ نِجات هادِم.

اِنجیلِ یوحنا 18:36

عیسی بااوته: «مِ پادشاهی این دِنیائه جِم نییه. اگه مِ پادشاهی این دِنیائه جِم بییه، مِ نوکِرون جَنگ کاردِنه تا یَهودیونِ دَس گرفتار نَووِم، ولی مِ پادشاهی این دِنیائه جِم نییه.»

اِنجیلِ یوحنا 3:17

چوون خِدا شه ریکا ره دِنیائه دِله نَفرِسیه تا دِنیائه مَردِمِ مَحکوم هاکانه، بلکه بَفرِسیه تا دِنیا وه طَریقِ جِم نِجات بَیره.

اِنجیلِ یوحنا 7:24

ظاهرِ جِم داوِری نَکِنین، بلکه به حَق داوِری هاکانین.»

اِنجیلِ یوحنا 8:11

زِنا بااوته: «هیچ کی، آقا.» عیسی وه ره بااوته: «مِن هم تِ ره مَحکوم نَکامبه. بور و دییه گِناه نَکِن.»

رومی ایشون 2:1

پَس تِ ای آدِمی که یه نَفِر دییه ره قِضاوت کاندی، هر کی که بوئی هیچ عذرِ بهونه ای نِدارنی. چوون وَختی که یه نَفِر دییه ره قِضاوِت کاندی، شه ره مَحکوم هاکاردی؛ چوون تِ، اِی که قِضاوِت کاندی، شه هَمون کارِ کاندی.

اوّلین نامِه قُرنتیانی سِه 2:15

آدِمی که خِدائه روحِ دارنه همه چیِ خَوِری داوِری کانده، ولی هیچ‌کی نَتونده وه خَوِری داوِری هاکانه.

دوّمین نامه قرنتیانِ وَسین 5:16

پَس اِما دییه بعد از این هیچ کسِ طبقِ جِسم نِشناسِمبی. هر چَن قبلاً مَسیحِ طبقِ جِسم اِشناسی بیمه، اِسا دییه این طی نییه.

یعقوبِ نامه 2:4

مگه شه شِما، شه میون فرق نییِشتینی و پلیدِ فِکرِ هِمراه قِضاوِت نَکاردینی؟