اِنجیلِ یوحنا 7:4 - کتاب مقدس به زبان مازندرانی - گویش شرقی

⁴ چوون هر کی بِخوائه مَعروف بَووه، پنهونی کار نَکانده. تِ که این کارا ره کاندی، شه ره دِنیا ره سِراغ هاده.»

گیله ماز

⁴ چون هر کی بِخواد مَعروف هَبو، پِنهانی کار نُکانه. تو که این کارانِ کانی، تِرِه دُنیا رِه نِشان هَدِه.»

کتاب مقدس به زبان مازندرانی - گویش غربی

⁴ چون هر کی بَخواد مَعروف بَوو، پِنهونی کار نَکِنِّه. تو گه هَین کارارِ کِنّی، شِرِه دِنیارِه هَم هادِه.»

اِنجیلِ یوحنا 7:4 Iomraidhean Croise

اِنجیلِ مَتّی 23:5

هَرکاری کاندِنه اینِ وِسه هَسه که مَردِم، وِشونِ بَوینِن: چوون وِشون شه آیه دونِ گَت تِر کاندِنه و شه بال و جَبینِ کَش وَندِنه و شه قَوائه بِنِ گِشادتَر گِرنِنه.

اِنجیلِ مَتّی 4:6

وه ره بااوته: «اَگه تِ خدائه ریکائی، شه ره اینجه جِم جِر دِم هاده، چوون مزامیرِ کتابِ دِله بَنوِشته بَییه: خِدا شه فِرشته ها ره دَستور دِنه و وِشون تِ ره شه دَسِ سَر گِرننه تا نَکِنه تِ لینگ سَنگِ کَش بَخُرِه.'»

اِنجیلِ مَتّی 6:16

«وَختی روزِه گِرنی دِرویونِ واری، شه ره تِرش رو نَکِنین. وِشون شه قیافِه ره عَوِض کاندِنه تا شه روزه داری ره مَردِم دید بیارِن. حَییقَتِن شِما ره گامبه وِشون شه اَجرِ بَییتِنه!

اِنجیلِ مَتّی 6:5

«وَختی دِعا کاندی دِرویونِ واری نَواش. وِشون دوس دارنِنه یَهودیونِ عبادتگاه و کَر و کوچِهِ سَر اِیست هاکانِن و دِعا هاکانِن تا مَردِم وِشونِ بَوینِن. حَییقَتِن شِما ره گامبه وِشون شه اَجرِ بَییتِنه!

لوقا 6:45

خارِ مَردی شه دلِ، خوارِ اِمباریِ جِم، خواری بار یارنه، و بَدِ مَردی شه دِلِ، بَدِ اِمباریِ جِم بَدی بار یارنه. چوون زِوون اونچی که دلِ دِله سَر مَشتِ جِم، گَب زَنده.

اِنجیلِ یوحنا 18:20

عیسی جِواب هِدا: «مِن دِنیائه هِمراه عَلِنی گَب بَزومه و هَمِش عبادتگاه و مَعبِدِ دِله که تِمومِ یَهودیون جَمع بونِنه، تَعلیم هِدامه و خَلوتِ دِله هیچی نااوتِمه.

اِنجیلِ یوحنا 7:3

پَس عیسیِ بِرارون وه ره بااوتِنه: «اینجه ره ترک هاکان و یهودیه بور تا تِ شاگِردون هم کاراییِ که کاندی ره بَوینِن،

اِنجیلِ یوحنا 7:5

چوون حَتّی وه بِرارون هم وه ره ایمون نیارده بینه.