اِنجیلِ یوحنا 7:34 - کتاب مقدس به زبان مازندرانی - گویش شرقی

³⁴ مِ دِمبال گِردِنِنی، ولی مِ ره پی دا نَکاندینی؛ اونجه که مِن دَرِمبه، شِما نَتوندِنی بِئین.»

گیله ماز

³⁴ می دُمّال گَردِنِین، وَلی مَرِه پیدا نُکانین؛ اوجِه که مَن دَرِم، شُما نَتَّنید بیئِین.»

کتاب مقدس به زبان مازندرانی - گویش غربی

³⁴ می دِمال گِردِنِنی، ولی مِنِه نَنگیرِنی؛ اوجِه گه مِن دَرمِه، شِما نَتِنِّنی بیئِین.»

اِنجیلِ یوحنا 7:34 Iomraidhean Croise

اِنجیلِ مَتّی 23:39

چوون که شِما ره گامبه بَعدِ از این دییه مِ ره نَویندِنی تا روزی که بارین: ' مِوارَک بوئه اونتا که خِداوندِ اسمِ هِمراه اِنه'.»

اِنجیلِ یوحنا 14:3

اَگه بُورِم و یِتا جا شِمه وِسه حاضر هاکانِم، اون مووقه اَی دِواره اِمبه و شِما ره شه پَلی وَرمه، تا اونجه که مِن دَرِمبه شِما هم دَووین.

اِنجیلِ یوحنا 14:6

عیسی وه ره بااوته: «مِن راه و راستی و زِندِگی هَسِمه؛ هیچ کی جِز مِ طَریقِ جِم، آسِمونی پییِرِ پَلی نِنّه.

اِنجیلِ یوحنا 17:24

ای پییِر، خوامبه اونایی که مِ ره هِدایی مِ هِمراه دَووِن، هَمون‌جه که مِن دَرِمبه، تا مِ جِلالِ بَوینِن، جِلالی که تِ مِ ره هِدایی؛ چوون قَبل اَز اینکه دِنیا شِروع بَووه مِ ره دوس داشتی.

اِنجیلِ یوحنا 7:36

وه منظور چی بییه که بااوته "مِ دِمبال گِردِنِنی، ولی مِ ره پی دا نَکاندینی؛ و اونجه که مِن دَرِمبه، شِما نَتوندِنی بِئین“؟