اِنجیلِ یوحنا 7:31 - کتاب مقدس به زبان مازندرانی - گویش شرقی

³¹ با این وجود، خَله از مَردِم وه ره ایمون بیاردِنه. وِشون گاتِنه: «مگه وَختی مَسیحِ موعود بِیّه، این مَردیِ جِم ویشتَر معجِزه کانده؟»

گیله ماز

³¹ با این وجود، خِیلی از مَردُم اونه ایمان بیاردِن. اوشان گونِه بان: «مَگِه وَختی مَسیحِ موعود بیه، این مَردَای یه جی بیشتر مُعجِزِه کانه؟»

کتاب مقدس به زبان مازندرانی - گویش غربی

³¹ با هَین وجود، خِیلی از مَردِن وِرِه ایمون بیاردِنِه. وِشون گِتِنِه: «مَگِه وختی مَسیحِ موعود بیِه، هَین مَردی ای جا ویشتَر مُعجِزِه کِنِّه؟»

اِنجیلِ یوحنا 7:31 Iomraidhean Croise

اِنجیلِ مَتّی 12:23

مَردِم بِهت هاکاردِنه بااوتِنه: «بونه این مَردی هَمون مَسیحِ موعود بوئه که قِرارِ داوودِ پادشاهِ نَسلِ جِم بِیّه؟»

لوقا 8:13

اون تیمایی که سنگلاخِ زِمینِ دِله کَفِنِنه اونایینه که وَختی خِدائه کِلامِ اِشنُنِنه، اونِ خِشالیِ هِمراه قبول کاندِنه، ولی بِنه نَوِندِنه. اینا مِدّتِ کمی ایمون دارنِنه، ولی آزمودِ مووقه، شه ایمونِ از دَس دِنِنه.

اِنجیلِ یوحنا 11:45

پَس خَله از یَهودیون که مریِمِ هِمراه بییَمو بینه و عیسیِ کارِ بَدیئه بینه، وه ره ایمون بیاردِنه.

اِنجیلِ یوحنا 12:11

چوون باعث بَییه بییه خَله از یَهودیون بورِن و عیسی ره ایمون بیارِن.

اِنجیلِ یوحنا 12:42

با این وجود، حَتَّی قومِ گَت گَتِ جِم خَیلیا عیسی ره ایمون بیاردِنه، ولی فریسیون تَرسِ جِم، شه ایمونِ مِقِر نییَمونه، تا نِکِنه وِشونِ، عبادتگاه جِم بیرون هاکانِن.

اِنجیلِ یوحنا 2:11

این طی عیسی شه اَوِّلین نِشونه و معجِزه ره قانایِ جَلیلِ دِله اِنجام هِدا و شه جِلالِ ظاهر هاکارده و وه شاگِردون وه ره ایمون بیاردِنه.

اِنجیلِ یوحنا 3:2

وه یِتا شُو عیسی پَلی بییَمو و وه ره بااوته: «اِسّا، دومبی تِ مَلِّمی هسی که خِدائه طَرِفِ جِم بییَموئه، چوون هیچ کی نتونده این نِشونِها و معجِزاتی ره که تِ هاکاردی ره هاکانه، مگه این که خِدا وه هِمراه دَووه.»

اِنجیلِ یوحنا 4:29

«بِئین یِتا مَردی ره بَوینین که هر اون چی تا اَلان هاکارده بیمه ره، مِ ره بااوته. مُمکن نییه وه مَسیحِ موعود بوئه؟»

اِنجیلِ یوحنا 4:39

اون زِنائه شِهادتِ خاطری که بااوته بییه «هر اون چی تا‌ اَلان هاکارده بیمه ره مِ ره بااوته» یَته خَله سامریون که اون شَهرِ دِله زندگی کاردِنه عیسی ره ایمون بیاردِنه.

اِنجیلِ یوحنا 6:2

یته خَله جَمیِّت وه دِمبال راه دَکِتِنه چوون نشونه و معجِزایی ره که مریضونِ شِفا هِدائِنِ مووقه اِنجام دائه ره بَدیئه بینه.

اِنجیلِ یوحنا 7:26

وه اینجه دَره و دَره عَلِنی گَب زَنده و وِشون وه ره هیچی نارِنه! ممکنه قُومِ گَت گَتِ راس راسی بِفَهمِسه بوئِن که وه هَمون مَسیحِ موعودِ؟

اِنجیلِ یوحنا 9:16

فَریسیونِ جِم بعضیا بااوتِنه: «اون مَردی خِدائه طَرِفِ جِم نییه، چوون یَهودیونِ مِقَدَّسِ شنبهِ قانونِ به جا نیارنه.» ولی بَعضی دییه بااوتِنه: «کِسی که گِناهکارِ چی طی تونده این طی نِشونه و معجزایی هاکانه؟» و وِشونِ میون اختلاف دَکِته.

اعمال رَسولان 8:13

حَتَّی شَمعون هم ایمون بیارده و بعد از اینکه تَعمید بَییته هَمِش فیلیپُسِ هِمراه دَییه و گَتِ معجزات و نشونه هائه بَدیئِنِ جِم که اِنجام بونِسه، مات و مبهوت بییه.

یعقوبِ نامه 2:26

هَمون طی که تَن روحِ جِم سیوا بَمِرده، ایمون هم اَعمالِ جِم سیوا بَمرده.