اِنجیلِ یوحنا 7:30 - کتاب مقدس به زبان مازندرانی - گویش شرقی

³⁰ پَس وِشون اینِ دِمبال دَینه وه ره دستگیر هاکانِن، ولی هیچ کی وه سَمت دَس بِلِند نَکارده، چوون هَمتی وه وَخت نَرِسی بییه.

گیله ماز

³⁰ پس اوشان اینهِ دُمّال دَبان اونه دَسگیر هَکُنَن، وَلی هیچکَس اونه سَمت دَس بُلَند نَکُردِه، چون هَلَه اونه وَخت نَرِسییِه با.

کتاب مقدس به زبان مازندرانی - گویش غربی

³⁰ پس وِشون هَینی دِمال دَوِنِه وِرِه هَماسَن، ولی هیچکَی وی سَمت دَس بِلَن نَکِردِه، چون حَلا وی وَخت نَرِسی وِه.

اِنجیلِ یوحنا 7:30 Iomraidhean Croise

اِنجیلِ مَتّی 12:14

ولی عُلِمائه فِرقه فَریسی عِبادَتگاهِ جِم بیرون بوردِنه وعیسیِ بَکوشتِنِ وِسه نخشه بَکِشینه.

اِنجیلِ مَتّی 21:46

پَس وِشون یِتا راهِ دِمبال گِردِسِنه تا عیسی ره دَسگیر هاکانِن، ولی مَردِمِ جِم تَرسینه چوون که مَردِم عیسی ره پِیغمبِر دونِسِنه.

مَرقُس 11:18

مَعبِدِ گَت گَتِ کاهِنون و توراتِ مَلِّمون وَختی اینِ بِشنُسِنه، یِتا راهِ دِمبال گِردِسِنه تا عیسی ره از بین بَوِرِن، چوون وه جِم تَرسینه، چوون تِمومِ جَمیِّت وه تَعلیم هِدائِنِ جِم حیروون بینه.

لوقا 20:19

توراتِ ملّمون و مَعبِدِ گَت گَتِ کاهِنون وَختی بِفَهمِسِنه این مَثِلِ وِشونِ خَوِری گانه، خواسِنه هَمون لَحظه عیسی ره بَیرِن، ولی مَردِمِ جِم تَرسینه.

لوقا 22:53

مِن هر روز شِمه مَعبِدِ دلِه دَیمه ولی شِما مِ دَسگیریِ وِسه حَتّی شه دَسِ هم دراز نَکاردینی. ولی اَلان، شِمه وَختِ و ظِلِمادِ قِدرَتِ وَختِ.»

اِنجیلِ یوحنا 10:31

اون وَخت اَت کَش دییه یَهودیون سَنگ بَییتِنه تا وه ره سَنگسار هاکانِن.

اِنجیلِ یوحنا 10:39

اون وَخت اَت کَش دییه خواسِنه وه ره دسگیر هاکانِن، ولی عیسی وِشونِ دَسِ جِم دَر بُورده.

اِنجیلِ یوحنا 11:57

ولی مَعبدِ گَت گَتِ کاهِنون و عُلِمائه فِرقهِ فریسی دَستور هِدا بینه هر کی که دونده عیسی کجه دَره، خَوِر هاده تا وه ره دَسگیر هاکانِن.

اِنجیلِ یوحنا 7:19

مگه موسیِ پیغمبِر، شَریعتِ شِما ره نِدا؟ ولی هَمتی هَم شِمه جِم هیچ‌ کِدوم، اونِ عَمِل نَکانده. چه مِ بَکوشتِنِ دِمبال دَرِنی؟»

اِنجیلِ یوحنا 7:32

فریسیونِ گوش بَرِسیه که جَمیِّت عیسی خَوِری این طی گَب هایی زَندِنه. پَس مَعبِدِ گَت گَتِ کاهِنون و عُلِمائه فِرقه فریسی، مَعبِدِ نگهوونونِ بَفرِسینه تا وه ره دَسگیر هاکانِن.

اِنجیلِ یوحنا 7:6

عیسی وِشونِ بااوته: «هَمتی مِ وَخت نَرِسیه، ولی شِمه وسه هر وَختی مناسِبِ.

اِنجیلِ یوحنا 7:8

شِما، عیدِ وِسه بُورین، مِن این عیدِ وِسه نِمبه، چوون هَمتی مِ وَخت ‌نَرسیه.»

اِنجیلِ یوحنا 8:20

عیسی این گَبِ وَختی بَزو، که مَعبِدِ خَزانهِ دِله تَعلیم دائه، ولی هیچ کس وه ره دسگیر نَکارده، چوون وه وَخت هَمتی نَرِسی بییه.

اِنجیلِ یوحنا 8:37

«دومبه که ابراهیمِ پیغمبِرِ‌ وچونِنی، با این وجود اَی هم مِ بَکوشتِنِ دِمبال دَرِنی، چوون مِ کِلام شِمه دلِ دِله جایی نِدارنه.

اِنجیلِ یوحنا 8:59

پَس وِشون سَنگ بَییتِنه تا وه ره سَنگسار هاکانِن، ولی عیسی شه ره قایِم هاکارده و مَعبِدِ جِم بیرون بُورده.

اِنجیلِ یوحنا 9:4

تا روزِ وِنه بَفرِسیهِ کارا ره اِنجام هادیم؛ دَره شو بونه، که اونِ دِله کِسی نَتونده کار هاکانه.