اِنجیلِ یوحنا 7:26 - کتاب مقدس به زبان مازندرانی - گویش شرقی

²⁶ وه اینجه دَره و دَره عَلِنی گَب زَنده و وِشون وه ره هیچی نارِنه! ممکنه قُومِ گَت گَتِ راس راسی بِفَهمِسه بوئِن که وه هَمون مَسیحِ موعودِ؟

گیله ماز

²⁶ اون ایجه عَلَنی دَرِه گَب زَنه و اوشان اونه هیچی نَگونَن! مُمکِنِه قومِ گَتِشان راس راسی بِفَهمِسَّن که اون همون مَسیحِ موعودِ؟

کتاب مقدس به زبان مازندرانی - گویش غربی

²⁶ وی هَیجِه دَرِه و دِ عَلَنی گَب زَنِّه و وِشون وِرِه هیچی نُنِنِه! مُمکِنِه قومی گَت گَتِ راس راسی بِفَهمِس وون گه وی هَمون مَسیحِ موعودِ؟

اِنجیلِ یوحنا 7:26 Iomraidhean Croise

اِنجیلِ مَتّی 22:16

وِشون شه شاگِردونِ هیرودیسِ هِوادارونِ هِمراه، عیسی پَلی بَفرِسینه و بااوتِنه: «اِسّا، اِما دومبی که تِ راسگوِ مَردی ای و خِدائه راهِ دِرِسیِ هِمراه یاد دِنی و تِ وِسه مُهم نییه مَردِم چی گانِنه، چوون که ظاهرِ گولِ نَخارنی.

لوقا 23:13

بعد پیلاتُس مَعبدِ گَت گَتِ کاهِنون و قومِ رئیسون و مَردِمِ شه پَلی صدا هاکارده

لوقا 7:30

ولی عُلِمائه فِرقه فریسی و توراتِ مَلِّمون یحییِ جِم تَعمید نَییته بینه و این طی خِدائه اِراده ره شه وسه رَد هاکاردِنه.

اِنجیلِ یوحنا 12:42

با این وجود، حَتَّی قومِ گَت گَتِ جِم خَیلیا عیسی ره ایمون بیاردِنه، ولی فریسیون تَرسِ جِم، شه ایمونِ مِقِر نییَمونه، تا نِکِنه وِشونِ، عبادتگاه جِم بیرون هاکانِن.

اِنجیلِ یوحنا 18:20

عیسی جِواب هِدا: «مِن دِنیائه هِمراه عَلِنی گَب بَزومه و هَمِش عبادتگاه و مَعبِدِ دِله که تِمومِ یَهودیون جَمع بونِنه، تَعلیم هِدامه و خَلوتِ دِله هیچی نااوتِمه.

اِنجیلِ یوحنا 3:1

یِتا مَردی، عُلِمائه فِرقه فریسیِ جِم دَییه که وه اسم نیقودیموس بییه، وه یِتا از یَهودِ گَت گَتِ بییه.

اِنجیلِ یوحنا 4:29

«بِئین یِتا مَردی ره بَوینین که هر اون چی تا اَلان هاکارده بیمه ره، مِ ره بااوته. مُمکن نییه وه مَسیحِ موعود بوئه؟»

اِنجیلِ یوحنا 7:25

پَس، اورشَلیمِ مَردِمِ جِم بعضیا بااوتِنه: «مگه این همونتا نییه که وه بَکوشِتِنِ دِمبال دَرِنه؟

اِنجیلِ یوحنا 7:31

با این وجود، خَله از مَردِم وه ره ایمون بیاردِنه. وِشون گاتِنه: «مگه وَختی مَسیحِ موعود بِیّه، این مَردیِ جِم ویشتَر معجِزه کانده؟»

اِنجیلِ یوحنا 7:48

قومِ گَت گَتِ یا فریسیون جِم هیچ کی دَره که وه ره ایمون بیارده بوئه؟

اِنجیلِ یوحنا 9:22

اون مَردیِ پییِرمار یَهودیونِ تَرسِ جِم این چیا ره بااوتِنه. چوون یَهودیون قَبلِاً هَمَدَس بَییه بینه هر کی اِقرار هاکانه که عیسی هَمون مَسیحِ موعود، وه ره عِبادَتگاهِ جِم بیرون هاکانِن.

اعمال رَسولان 4:13

وَختی وِشون پِطرُس و یوحنائه جِرأتِ بَدینه و بِفَهمِسِنه که وِشون بی سِواد و عادی هَسِنه، تَعجِب هاکاردِنه و بِفَهمِسِنه عیسیِ هِمراه دَینه.

فیلیپیان 1:14

و مِ زندون دَکِتِنِ باعث بَییه که ویشتر بِرارون، خِداوندِ دِله وِشونِ دِل، قَویتر بَووه تا تِمومِ جِرأتِ هِمراه، بی تَرس خِدائه کِلامِ بارِن.