اِنجیلِ یوحنا 7:14 - کتاب مقدس به زبان مازندرانی - گویش شرقی

¹⁴ یه هفتهِ عید، نصف بَییه بییه، که عیسی یَهودیونِ مَعبِدِ دِله بییَمو و تَعلیم هِدائِنِ شِروع هاکارده.

گیله ماز

¹⁴ یک هفته یه عید نِصف هَبا با که عیسی یَهودیانِ مَعبَدِ دِلِه بوما و شُروع بِه تَعلیم هَدَئن هَکُردِه.

کتاب مقدس به زبان مازندرانی - گویش غربی

¹⁴ یَک هَفته ای عید نِصف بَوِه وِه گه عیسی یَهودیِنی مَعبَدی دِلِه بیمو و تَعلیم هادائَنِ شِرو هاکِردِه.

اِنجیلِ یوحنا 7:14 Iomraidhean Croise

اِنجیلِ مَتّی 21:12

عیسی مَعبِدِ حیاطِ دِله بُورده و همه اونایی که داد و سِتَد کاردِنه ره بیرون هاکارده. وه صَرافونِ میز و کوتِر روشِنِ صَندَلی ره له هِدا.

اِنجیلِ مَتّی 26:55

هَمون مووقه عیسی جَمیِّتِ بااوته: «مَگه من راهزِنِمه که شَمشیر و چوِ هِمراه، مِ بَییتِنه وِسه بییَمونی. مِن همه روزه مَعبِدِ دِله نیشته بیمه و تَعلیم دامه، مِ ره نَییتینی.

لوقا 19:47

عیسی هر روز مَعبِدِ دِله تَعلیم دائه. مَعبِدِ گَت گَتِ کاهِنون و توراتِ ملّمون و قومِ رئیسون وه بَکوشتِنِ دِمبال دَیینه،

اِنجیلِ یوحنا 18:20

عیسی جِواب هِدا: «مِن دِنیائه هِمراه عَلِنی گَب بَزومه و هَمِش عبادتگاه و مَعبِدِ دِله که تِمومِ یَهودیون جَمع بونِنه، تَعلیم هِدامه و خَلوتِ دِله هیچی نااوتِمه.

اِنجیلِ یوحنا 5:14

اَت کم بعد، عیسی وه ره مَعبدِ دِله پی دا هاکارده و وه ره بااوته: «هارِش دییه خوار بَئی! دییه گِناه نَکِن تا یه چی بَدتِر تِ سَر نَییه.»

اِنجیلِ یوحنا 7:2

خیمه‌هائه عید که یِتا از یَهودیون عید بییه، نَزیک بَییه،

اِنجیلِ یوحنا 7:28

اون وَخت عیسی تَعلیم هدائِنِ مووقه، مَعبِدِ دِله، بِلِندِ صِدائه هِمراه بااوته: «مِ ره اِشناسِنِنی و دوندِنی کِجه جِم اِمبه. ولی مِن شه نییَمومه. اونی که مِ ره بَفرِسیه، حقِّ و شِما وه ره نِشناسِنِنی.

اِنجیلِ یوحنا 7:37

عیدِ هفتهِ آخِرین روز که عیدِ گتتِرین روز بییه، عیسی بِلِند بَییه و بِلِندِ صِدائه هِمراه بااوته: «هر‌ کی تِشنائه، مِ پَلی بِیِّه و بَنوشه.

اِنجیلِ یوحنا 8:2

زودِ صِواحی، عیسی اَی دِواره مَعبِدِ دِله بُورده. تِمومِ مَردِم وه پَلی بییَمونه؛ وه هِنیشته و وِشونِ تَعلیم هِدا.

اِنجیلِ یوحنا 8:20

عیسی این گَبِ وَختی بَزو، که مَعبِدِ خَزانهِ دِله تَعلیم دائه، ولی هیچ کس وه ره دسگیر نَکارده، چوون وه وَخت هَمتی نَرِسی بییه.