اِنجیلِ یوحنا 7:1 - کتاب مقدس به زبان مازندرانی - گویش شرقی

¹ بعد از اون، یه چَن وَخت، عیسی جَلیلِ مَنطقهِ دِله گِردِسه، چوون نِخواسه یهودیه مَنطقهِ دِله دَووه، چوون یَهودیون خواسِنه وه ره بَکوشِن.

گیله ماز

¹ بعدِ اون، یِه چَن وَخت عیسی جَلیلِ مَنطَقِه یه دِلِه گَردِنه با، اون نَخَسِّه یَهودیِه مَنطَقِه یه دِلِه دَبو، چون یَهودیِان اونه بَکوشتَنِ دُمّال دَبان.

کتاب مقدس به زبان مازندرانی - گویش غربی

¹ بعد از اون یَه چَن وَخت عیسی جَلیلی مَنطَقِه ای دِلِه گِرِسِه، وی نَخوایسِه یَهودیِه ای مَنطَقِه ای دِلِه دَوو، چون یَهودیِن خوایسِنِه وِرِه بَکوشَن.

اِنجیلِ یوحنا 7:1 Iomraidhean Croise

اِنجیلِ مَتّی 10:23

هَر وَخت شِما ره یِتا شَهرِ دِله ظِلم بَرِسانینه یِتا دییه شَهر، پِناه بَوِرین. چوون حَییقَتِن شِما ره گامبه قبل اَز اون که اِسرائیلِ تِمومِ شَهرا ره بُورین، اِنسانِ ریکا، اِنه.

اِنجیلِ مَتّی 21:38

ولی وَختی که باغبونون، ریکا ره بَدینه، هَمدییه ره بااوتِنه: 'وه این باغِ وارثِ. بِئین وه ره بَکوشیم و وه اِرثِ صاحاب بَوویم.'

مَرقُس 11:18

مَعبِدِ گَت گَتِ کاهِنون و توراتِ مَلِّمون وَختی اینِ بِشنُسِنه، یِتا راهِ دِمبال گِردِسِنه تا عیسی ره از بین بَوِرِن، چوون وه جِم تَرسینه، چوون تِمومِ جَمیِّت وه تَعلیم هِدائِنِ جِم حیروون بینه.

اِنجیلِ یوحنا 1:19

اینِ یحییِ تَعمید دَهِنده شِهادت، اون مووقه که یَهودیون، مَعبدِ کاهِنون و مَعبدِ خادِمونِ، اورشَلیمِ شَهرِ جِم وه پَلی بَفرِسینه تا وه جِم بَپِرسِن که «تِ کی هسی؟»

اِنجیلِ یوحنا 4:3

یَهودیهِ مَنطقه ره ترک هاکارده و اَت کَش دییه جَلیلِ مَنطقه بُورده.

اِنجیلِ یوحنا 4:54

این دِوّمین نِشونه و معجزه ای بییه که عیسی، مووقه ای که یَهودیهِ جِم، جلیل بییَمو، اِنجام بَرِسانیه.

اِنجیلِ یوحنا 6:1

چَن وَختِ دییه، عیسی جَلیلِ دریائه اون دَس که هَمون تیبِریهِ دریا بییه، بُورده.

اِنجیلِ یوحنا 7:11

یَهودیون، عیدِ مووقه وه دِمبال گِردِسِنه، گاتِنه: «اون مَردی کِجه دَره؟»

اِنجیلِ یوحنا 7:13

ولی چوون یَهودیونِ جِم تَرسینه، وه خَوِری هیچ کی عَلِنی گَب نَزوئِه.

اِنجیلِ یوحنا 7:19

مگه موسیِ پیغمبِر، شَریعتِ شِما ره نِدا؟ ولی هَمتی هَم شِمه جِم هیچ‌ کِدوم، اونِ عَمِل نَکانده. چه مِ بَکوشتِنِ دِمبال دَرِنی؟»

اِنجیلِ یوحنا 7:25

پَس، اورشَلیمِ مَردِمِ جِم بعضیا بااوتِنه: «مگه این همونتا نییه که وه بَکوشِتِنِ دِمبال دَرِنه؟

اِنجیلِ یوحنا 7:35

پَس یَهودیون هَمدییه ره گاتِنه: «این مَردی کَجه خوانه بُوره که اِما نَتومبی وه ره پی دا هاکانیم؟ خوانه یَهودیونِ پَلی که یونانِ دِله پخشِ پِلانه بوره و یونانیونِ تَعلیم هاده؟

اِنجیلِ یوحنا 8:37

«دومبه که ابراهیمِ پیغمبِرِ‌ وچونِنی، با این وجود اَی هم مِ بَکوشتِنِ دِمبال دَرِنی، چوون مِ کِلام شِمه دلِ دِله جایی نِدارنه.

اِنجیلِ یوحنا 8:40

ولی شِما مِ بَکوشتِنِ دِمبال دَرِنی؛ و مِن اونیمه که حَییقتیِ که خِدائه جِم بِشنُسِمه ره شِما ره بااوتِمه. اِبراهیم این طی کاری نَکارده.

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.