اِنجیلِ یوحنا 6:60 - کتاب مقدس به زبان مازندرانی - گویش شرقی

⁶⁰ خَله از عیسیِ شاگِردون وَختی این گَبِ بِشنُسِنه بااوتِنه: «این گَب سنگینِ، کی تونده اونِ قبول هاکانه؟»

گیله ماز

⁶⁰ خِیلی از عیسی یه شاگِردان وَختی این گَبِ بِشنَوِسَّن باگوتَن: «این گَب سنگینِ، کی تانِه اونِه قَبول هَکونه؟»

کتاب مقدس به زبان مازندرانی - گویش غربی

⁶⁰ خِیلی از عیسایی شاگِردِن وختی هَین گَبِ بِشنُسِنِه بُتِنِه: «هَین گَب سنگینِ، کی بَتِنِّه اونِه قَبول هاکِنِه؟»

اِنجیلِ یوحنا 6:60 Iomraidhean Croise

اِنجیلِ مَتّی 11:6

خِش به حال اونی که مِ خَوِری شَک نَکِنه.»

اِنجیلِ یوحنا 2:2

عیسی و وه شاگِردون هم آروسی دَعوِت بَییه بینه.

اِنجیلِ یوحنا 5:25

حَییقَتاً، شِما ره گامبه، مووقه ای رِسِنه، بلکه همین اَلانِ که مِرده ها خِدائه ریکائه صِدا ره اِشنُنِنه و اونایی که اِشنُنِنه، زنده بونِنه.

اِنجیلِ یوحنا 6:52

پَس یَهودیونِ میون بحث دَکِته و گاتِنه «چی طی این مَردی تونده شه تَنِ اِما ره هاده تا بَخُریم؟»

اِنجیلِ یوحنا 6:64

ولی شِمه جِم بعضیا دَرِنه که ایمون نیارنِنه.» چوون عیسی از اَوِّل دونِسه چه کِسایی ایمون نیارنِنه و اون کیِ که وه ره دِشمنِ تَسلیم کانده.

اِنجیلِ یوحنا 6:66

بعد، خَله از وه شاگِردون، بَردَگِردِسنه و دییه وه ره همراهی نَکاردِنه.

اِنجیلِ یوحنا 7:3

پَس عیسیِ بِرارون وه ره بااوتِنه: «اینجه ره ترک هاکان و یهودیه بور تا تِ شاگِردون هم کاراییِ که کاندی ره بَوینِن،

اِنجیلِ یوحنا 8:31

بعد عیسی یَهودیونی که وه ره ایمون بیارده بینه ره بااوته: «اگه مِ کِلامِ دِله بَمونین، حَییقَتاً مِ شاگردِنی.

اِنجیلِ یوحنا 8:43

دوندِنی چه وِسه مِ گَبِ نِفَهمِنِنی؟ اینِ وسه که شما نَتوندِنی اونچی که گامبه ره تِحَمُّل هاکانین.

نامِه مَسیحینی عبرانی نِژادی سِه 5:11

اینِ خَوِری، خَله چیا دارمی که باریم، ولی اونائه بااوتِن سَختِ، چوون که شِمه گوشا کَتِل بَییه.

پطرسی دِوّمین نامِه 3:16

وه شه تِمومِ نامه‌هائه دِله وَختی که این چیائه جِم گَب زَنده نِویسِنه. وه نامه‌هائه دِله چیزایی بَنوشت بَییه که اونائه بِفَهمِسِن سَختِ و نادونِ آدِمون و سِس ایمونون اونِ دِله دَس وَرنِنه، هَمون‌ طی که دییه مِقدَّسِ نوِشته هائه هِمراه این طی کاندِنه، و این وِشونِ نابودیِ باعث بونه.