اِنجیلِ یوحنا 6:56 - کتاب مقدس به زبان مازندرانی - گویش شرقی

⁵⁶ کِسی که مِ تَنِ خارنه و مِ خونِ نوشِنه، مِ دِله موندِنه و مِن وه دِله موندِمبه.

گیله ماز

⁵⁶ اونیکه می تَنِ خارنِه و می خونِ نوشِنِه، می دِلِه ماندِنِه و من اونه دِلِه.

کتاب مقدس به زبان مازندرانی - گویش غربی

⁵⁶ اونیگه می تَنِ خارنِه و می خونِ نوشِنِه، می دِلِه مونِّه و مِن وی دِلِه مومِّه.

اِنجیلِ یوحنا 6:56 Iomraidhean Croise

اِنجیلِ یوحنا 14:20

اون روز فَهمِنِنی که مِن پییِرِ دِله دَرِمبه و شِما مِ دِله دَرِنی و مِن شِمه دِله دَرِمبه.

اِنجیلِ یوحنا 14:23

عیسی بااوته: «اگه کِسی مِ ره دوس داره، مِ کِلامِ به جا یارنه و مِ پییِر وه ره دوس دارنه، و اِما وه پَلی اِمبی و وه هِمراه زندگی کامبی.

اِنجیلِ یوحنا 6:55

چوون مِ تَن حَقیقی بَخُردَنی و مِ خون حَییقی نوشیدنی هَسه.

دوّمین نامه قرنتیانِ وَسین 6:16

و خِدائه معبد، بِتهائه هِمراه چه سازشی دارنه؟ چوون اِما زند‌ه خِدائه مَعبِدیمی. هَمون طی که خِدا تورات و پِیغَمبِرونِ کِتابِ دِله گانه: «مِن وِشونِ میون منزل کامبه و وِشون میون، راه شومبه، و مِن وِشونِ خِدا بومبه و وِشون مِ قوم بونِنه.»

اِفِسُسیان 3:17

تا مَسیح، ایمونِ طریق، شِمه دلهائه دِله بَمونه، و مِحبَّتِ دِله بِنه دَوِندین، پابرجا بَووین،

اوّل یوحنا 2:24

بییِلین اونچی که از اَوِّل بِشنُسینی شِمه دِله بَمونه؛ اگه اونچی از اَوِّل بِشنُسینی شِمه دِله بَمونه، شِما هم، پییِر و ریکائه دِله موندِنِنی.

اوّل یوحنا 3:24

هر کی وه اَحکامِ عَمِل هاکانه، خِدائه دِله مُوندِنه و خِدا هم وه دِله موندِنه. اینجه جِم دومبی وه اَمه دِله موندِنه یعنی اون روحِ هِمراه که اِما ره هِدا.

اوّل یوحنا 4:12

هیچ کی هیچ وَخت خِدا ره نَدیئه؛ اگه هَمدییه ره مِحَبَّت هاکانیم، خِدا اَمه دِله موندِنه و وه مِحَبَّت اَمه دِله کامل بَییه.

یوحنایِ مکاشفه 3:20

هارِش درِ پِشت اِیست هاکارده و دَره دَر زَمبه. اَگه کِسی مِ صِدا ره بِشنُئه و دَرِ مِ وِسه واز هاکانه، دِله اِمبه و وه هِمراه شوم خارمه و وه هم مِ هِمراه.