اِنجیلِ یوحنا 6:45 - کتاب مقدس به زبان مازندرانی - گویش شرقی

⁴⁵ پیغمبِرونِ بَنوِشته هائه دِله بییَمو که همه خِدائه جِم تَعلیم گِرنِنه.“ پَس هر کی خِدائه جِم بِشنُسه بوئه و وه جِم تَعلیم بَییته بوئه، مِ پَلی اِنه.

گیله ماز

⁴⁵ پِیغَمبَرانِ بَنویشته دِلِه بوما که ”همه خُدایِ جی تَعلیم گیرنَن.“ پَس هر کی خُدایِ جی بِشنَوِسِّه بو و اونه جی تَعلیم بِیتِه بو می وَرجه هَنه.

کتاب مقدس به زبان مازندرانی - گویش غربی

⁴⁵ پِیغَمبَرِنی بَنوِشتی دِلِه بیمو گه ”هَمه خِدایی جا تَعلیم گیرِنِه.“ پَس هر کی خِدایی جا بِشنُس وو و ویجا تَعلیم بَئیت وو، می وَر اِنِه.

اِنجیلِ یوحنا 6:45 Iomraidhean Croise

اِنجیلِ مَتّی 11:27

«مِ پییِر هَمِه چی ره مِ ره بِسپارِسه و هیچ کی به جِز پییِر، ریکا ره نِشناسِنه و هیچ کی پییِرِ نِشناسِنه، به جِز ریکا و اونایی که ریکا، بَخواد پییِرِ، وِشونِ بِشناسونه.

اِنجیلِ مَتّی 17:5

هَمتی پِطرسِ گَب تِموم نَییه بییه، یِتا پِر نورِ اَبر وِشونِ سَرِ ور سایه دِم هِدا و یِتا صِدا اَبرِ جِم بِشنُسه بَییه که گاته: «این مِ عَزیزِ ریکائه که وه جِم راضیمه، وهِ گَبِ گوش هاکانین.»

مَرقُس 1:2

اِشَعیائه پِیغَمبِرِ کتابِ دِله بَنوِشته بَییه: «اِسا مِن شه قاصِدِ تِ جِم جلوتَر فِرِسِندِمبه، وه تِ راهِ آماده کانده؛

لوقا 1:70

دِرِس هَمون طی که از قدیم شه مِقدَّسِ پِیغَمبِرونِ زِوونِ جِم وَعده هِدا که:

لوقا 18:31

بعد عیسی شه دِوازه شاگردِ یِتا گوشه بَکِشیه و وِشونِ بااوته: «اَلان اورشَلیم شومبی. اونجه هر چی پِیغَمبِرون، اِنسانِ ریکائه خَوِری بَنوشتِنه، اِتّفاق کَفِنه.

اِنجیلِ یوحنا 10:27

مِ گُسفِنا مِ صِدا ره گوش دِنِنه؛ مِن اونا ره اِشناسِمبه و اونا مِ دِمبال اِنِنه.

اِنجیلِ یوحنا 6:37

تِمومِ کِسایی که پییِر مِ ره دِنه، مِ پَلی اِنِنه؛ و هر کی که مِ پَلی اِنه، وه ره هیچ وَخت شه وَرِ جِم بیرون نَکامبه.

اِنجیلِ یوحنا 6:65

و بااوته: «اینِ وِسه شِما ره بااوتِمه هیچ کی نَتونده مِ پَلی بِیّه، به جِز این که آسِمونی پییِرِ طَرِفِ جِم وه ره هِدا بَووه بوئه.»

اعمال رَسولان 13:40

پَس مواظب بوئین پیغمبِرونِ این بَنوِشته شِمه سَر نَییه که گانه:

اعمال رَسولان 7:42

ولی خِدا شه دیمِ وِشونِ جِم بَردِگاردِنیه و وِشونِ شه ‌حال بییِشته تا آسِمونِ اِفتاب و ماه و سِتاره ها ره پَرَسِش هاکانِن؛ هَمون طی که پیغمبِرونِ کتابِ دِله بَنوِشته بَییه: «‌”ای یَعقوبِ تِوار، مگه اون چهل سالی که صَحرائه دِله دَئینی مِ وسه سَر بَوریه حیوونون و قِروونی ها بیاردینی؟

اِفِسُسیان 1:17

تا اَمه خِداوند عیسی مَسیحِ خِدا، اون پِرجلالِ پییِر، حِکمت و مکاشفهِ روحِ شِما ره هاده تا وه ره بِشناسین،

فیلیپیان 3:15

اونایی که اَمه میون بالِغِنه، وِنه این طی فکر هاکانِن؛ و اگه هر چیِ دِله، یه جور دییه فکر کاندینی، خِدا شِمه وِسه اینِ هم دیار کانده.

اوّل تِسالونیکیان 4:9

اِسا بِرارونه مِحبَّتِ خَوِری شِما نیاز نِدارنِنی که یه نَفِر یه چی شِمه وِسه بَنویسه، چوون شِما شه خِدائه جِم یاد بَییتِنی که هَمدییه ره دوس دارین،

نامِه مَسیحینی عبرانی نِژادی سِه 10:16

«خِداوند گانه، این اون عَهدیِ که بعد از اون روزا وِشونِ هِمراه وَندِمبه. شه شَریعتِ وِشونِ دلهائه دِله اییِلمه، و وِشونِ فکرائه سَر نِویسِمبه.»

اوّل یوحنا 2:27

ولی شِمه خَوِری وِنه بارِم اون مَسح که وه جِم بَییتِنی، شِمه دِله موندِنه و نیازی نِدارنِنی کِسی شِما ره تَعلیم هاده، بلکه وه مَسح، همه چیِ خَوِری شِما ره تَعلیم دِنه. اون مَسح، حَییقَتِ، نا دِراغ. پَس هَمون‌طی که شِما ره تَعلیم هِدا، وه دِله بَمونین.