اِنجیلِ یوحنا 6:26 - کتاب مقدس به زبان مازندرانی - گویش شرقی

²⁶ عیسی جِواب هِدا: «حَییقَتاً، شِما ره گامبه، مِ دِمبال گِردِنِنی نا نشونه و معجزایی خاطِری که بَدینی، بلکه اون نونی خاطِری که بَخوردینی و سیر بَینی.

گیله ماز

²⁶ عیسی جَواب هَدَه: «راس راسی شِمِره گونَم، می دُمّال گَردِنِین نه نِشانه و مُعجِزات خاطِری که بدییَین، بلکه اون نانِ خاطِری که بُخاردین و سیر هَبَین.

کتاب مقدس به زبان مازندرانی - گویش غربی

²⁶ عیسی جِواب هادا: «حَیقَتاً شِمارِ گِمِه، می دِمال گِردِنِنی نا نِشونِه و مُعجِزاتی خاطری گه بَئینی، بَلگی هون نونی خاطری گه بَخاردِنی و سِئر بَوِنی.

اِنجیلِ یوحنا 6:26 Iomraidhean Croise

اِنجیلِ یوحنا 3:3

عیسی وه جِواب بااوته: «حَییقَتاً، تِ ره گامبه، تا یه نَفِر از نُو دِنیا نَییه، نَتونده خِدائه پادشاهی ره بَوینه.»

اِنجیلِ یوحنا 3:5

عیسی جِواب هِدا: «حَییقَتاً، تِ ره گامبه تا یه نَفِر اوه و روحِ جِم دِنیا نَییه، نَتونده خِدائه پادشاهیِ دِله بُوره.

اِنجیلِ یوحنا 6:14

وَختی مَردِم این نشونه و معجِزه که عیسی هاکارده بییه ره بَدینه، بااوتِنه: «حَییقَتاً وه هَمون پِیغمبِریِ که وِنه دِنیائه دِله بِیِّه.»

اِنجیلِ یوحنا 6:15

عیسی وَختی بِفَهمِسه که مَردِم خوانِنه، بِیِّن و وه ره زور زوری بَیرِن و پادشاه هاکانن، اونجه ره تَرک هاکارده و اَت کَش دییه تیناری کوهِ سَر بُورده.

اِنجیلِ یوحنا 6:2

یته خَله جَمیِّت وه دِمبال راه دَکِتِنه چوون نشونه و معجِزایی ره که مریضونِ شِفا هِدائِنِ مووقه اِنجام دائه ره بَدیئه بینه.

اِنجیلِ یوحنا 6:24

پَس وَختی جَمیِّت بِفَهمِسِنه که نا عیسی اونجه دره و نا وه شاگِردون، وِشون لَتکاها ره سِوار بَینه و عیسیِ پی دا هاکاردِنِ وِسه کَفَرناحوم بُوردِنه.

اِنجیلِ یوحنا 6:30

وِشون عیسی ره بااوتِنه: «پَس چه نِشونه و معجزه ای اَمه وِسه کاندی تا بَوینیم و تِ ره ایمون بیاریم؟ چه نشونه ای اِما ره سِراغ دِنی؟

اِنجیلِ یوحنا 6:36

ولی هَمون طی که شِما ره بااوتِمه، هر چَن مِ ره بَدینی، ولی هَمتی ایمون نیارنِنی.

اِنجیلِ یوحنا 6:47

حَییقَتاً، شِما ره گامبه، هر کی ایمون داره، اَبدی زندگی ره دارنه.

اِنجیلِ یوحنا 6:53

عیسی وِشونِ بااوته: «حَییقَتاً، شِما ره گامبه، تا اِنسانِ ریکائه تَنِ نَخُرین و وه خونِ نَنوشین، شه دِله زندگی نِدارنِنی.

اِنجیلِ یوحنا 6:64

ولی شِمه جِم بعضیا دَرِنه که ایمون نیارنِنه.» چوون عیسی از اَوِّل دونِسه چه کِسایی ایمون نیارنِنه و اون کیِ که وه ره دِشمنِ تَسلیم کانده.

رومی ایشون 16:18

چوون این‌طی آدِمون اَمه خِداوند مَسیحِ، خِدمِت نَکاندِنه، بلکه شه اِشکمِ سیر هاکاردِنِ دِمبال دَرِنه و قَشنگِ گَب ها و چاپلوسیِ هِمراه ساده آدِمونِ گول زَندِنه.

فیلیپیان 2:21

هَمهِ وِشون شه نفعِ دِمبال دَرِنه، نا عیسی مَسیحِ نفعِ دِمبال.

فیلیپیان 3:19

وِشونِ آخِر عاقبت هِلاکتِ. وِشونِ خِدا، وِشون اِشکِمه، و ننگ آوِرِ چیا ره اِفتخار کاندِنه، وِشون زِمینی چیائه خَوِری فکر کاندِنه.

اول تیموتائوس 6:5

و هَمش مَردِمِ میون جَنگ و جِدالِ باعث بونه که وِشونِ فکر فاسد بَییه و حَییقَتِ جِم بی نَصیب بونِنه، خیال کاندِنه، دینداری یِتا وسیله منفعتِ وِسه هَسه.