اِنجیلِ یوحنا 5:37 - کتاب مقدس به زبان مازندرانی - گویش شرقی

³⁷ و هَمون پییِری که مِ ره بَفرِسیه، شه مِ خَوِری شِهادت هِدا. شِما هیچ وَخت وه صِدائه نِشنُسینی و هیچ وَخت وه ره نَدینی

گیله ماز

³⁷ وَ همون پیَری که مَرِه روانه هَکوردِه خودش می خبَری شَهادَت دَنِه. شُما هیچ وَخت اونه صِدا رِه نِشنَوِسِّین و هیچ وَخت اونه دیمِ نَدییَین.

کتاب مقدس به زبان مازندرانی - گویش غربی

³⁷ و هَمون پیری گه مِنِه بَرِسانیِه شِه می خَوَری شَهادَت هادا. شِما هیچ وَخت وی اَوازِ نِشنُسِنی و هیچ وَخت وِرِه نَئینی.

اِنجیلِ یوحنا 5:37 Iomraidhean Croise

اِنجیلِ مَتّی 17:5

هَمتی پِطرسِ گَب تِموم نَییه بییه، یِتا پِر نورِ اَبر وِشونِ سَرِ ور سایه دِم هِدا و یِتا صِدا اَبرِ جِم بِشنُسه بَییه که گاته: «این مِ عَزیزِ ریکائه که وه جِم راضیمه، وهِ گَبِ گوش هاکانین.»

اِنجیلِ مَتّی 3:17

بعد یِتا صدا آسِمونِ جِم بِشنُسه بَییه كه گاته: «این مِ جانِ ریکائه كه وه جِم خِشالمِه.»

مَرقُس 1:11

و یِتا صِدا آسِمونِ جِم بییَمو که «تِ مِ عزیزِ ریکائی و مِن تِ جِم راضیمه.»

لوقا 24:27

عیسی، موسی و تِمومِ پِیغَمبِرونِ جِم شِروع هاکارده و اونچیِ که تِمومِ مِقدَّسِ نوِشته هائه دِله وه خَوِری بااوته بَییه ره وِشونِ وِسه توضی هِدا.

لوقا 3:22

و روح‌القدس جِسمِ دِله، کوتری واری وه سَر جِر بییَمو، و یِتا صِدا آسِمونِ جِم بییَمو که «تِ مِ عزیزِ ریکایی، و مِن تِ جِم راضیمه.»

اِنجیلِ یوحنا 1:18

هیچ کس هیچ وَخت خِدا ره نَدیئه. ولی اون یِتا ریکا که پییِرِ پَلی دَره، وه خِدا ره اِما ره بِشناسِندیه.

اِنجیلِ یوحنا 14:9

عیسی وه ره بااوته: «فیلیپُس، خَله وَختِ شِمه هِمراه دَرِمبه و هَمتی مِ ره نِشناسی ای؟ کِسی که مِ ره بَدیئه، آسِمونی پییِرِ بَدیئه؛ پَس چی طیِ که گانی ”آسِمونی پییِرِ اِما ره سِراغ هاده“؟

اِنجیلِ یوحنا 15:24

اگه وِشونِ دِله، کارایی نَکارده بیمه که جِز مِن هیچ کس نَکارده، گِناه نِداشتِنه؛ ولی، با اینکه اون کارا ره بَدینه، هم مِ جِم و هم مِ پییِرِ جِم بیزارِنه.

اِنجیلِ یوحنا 5:32

یه نَفِر دییه دَره که مِ خَوِری شِهادت دِنه و مِن دومبه شِهادتی که مِ خَوِری دِنه اعتبار دارنه.

اِنجیلِ یوحنا 6:27

کار هاکانین، ولی نا خِراکی وِسه که از بین شونه، بلکه خِراکی وِسه که تا اَبدی زندگی به جا موندنه، خِراکی که اِنسانِ ریکا شِما ره دِنه. چوون خِدائه پییِر وه سَر مُهرِ تایید بَزو.»

اِنجیلِ یوحنا 8:18

مِن شه، شه وِسه شِهادت دِمبه، و پییِری هم که مِ ره بَفرِسیه، مِ وِسه شِهادت دِنه.»

اول تیموتائوس 1:17

اِسا، اون پادشاه دوران، اون که تا اَبد دَره و نَوونه اونِ بَدیئِن، اون یِتا خِدا ره تا اَبد و تا اَبد حِرمت و جِلال بوئه؛ آمین!

اول تیموتائوس 6:16

فِقَط وه هَسه که اَبدیِ، وه که یِتا نورِ دِله دَره که نَوونه وه ره نزیک بَیِّن، و هیچکس وه ره نَدیه و نَتونده بَوینه، حِرمت و سلطنِت تا اَبد وه هِمراه دَووه. آمین.

اوّل یوحنا 4:12

هیچ کی هیچ وَخت خِدا ره نَدیئه؛ اگه هَمدییه ره مِحَبَّت هاکانیم، خِدا اَمه دِله موندِنه و وه مِحَبَّت اَمه دِله کامل بَییه.

اوّل یوحنا 4:20

اگه کِسی گانه که خِدا ره دوس دارمه و شه بِرارِ جِم بیزارِ، اون آدِم دِراغ زَنه. چوون اون کِسی که شه بِرار که وینده ره دوس نِدارنه، نَتونده خِدایی که نَدیئه ره دوس داره.

اوّل یوحنا 5:9

اگه اِما آدِمونِ گِواهی ره قبول کامبی، خِدائه گِواهی گَت تِرِ، چوون گِواهی ایه که شه خِدا، شه ریکائه خَوِری هِدا.