اِنجیلِ یوحنا 5:36 - کتاب مقدس به زبان مازندرانی - گویش شرقی

³⁶ ولی مِن شِهادتی یحییِ شِهادتِ جِم گَت تِر دارمه، چوون کارایی که پییِر مِ ره بِسپارِسه تا اِنجام هادِم، یعنی همین کارایی که کامبه، مِ خَوِری شِهادت دِنه که پییِر مِ ره بَفرِسیه.

گیله ماز

³⁶ وَلی مَن شَهادَتی یَحیی یِه شَهادَت جی گَت تَردارَم. چون کارایی که پیَر مَرِه بِسپارِسِّه تا اَنجام هَدَم، یعنی هَمین کارایی که کانَم، می خَبَری شَهادَت دَنَن که پیَر مَرِه روانه هَکوردِه.

کتاب مقدس به زبان مازندرانی - گویش غربی

³⁶ ولی مِن شهادتی، یَحیایی شَهادَتی جا گَت تَر دارمِه. چون کارایی گه پیر مِنِه بِسپارِسِه تا اَنجام هادَم، یَعنی هَمین کارایی گه کِمِّه، می خَوَری شَهادَت دِنِنِه گه پیر مِنِه بَرسانیِه.

اِنجیلِ یوحنا 5:36 Iomraidhean Croise

اِنجیلِ مَتّی 11:4

عیسی وه جِواب بااوته: «بُورین و هر اون چی ره كه اِشنُنِنی و ویندِنی ره یحیی ره بارین:

لوقا 2:49

ولی عیسی وِشونِ بااوته: «چه مِ دِمبال گِردِسِنی؟ مَگه نَدونِسِنی مِن وِنه شه پییِرِ سِرهِ دِله دَووِم؟»

اِنجیلِ یوحنا 10:25

عیسی جِواب هِدا: «شِما ره بااوتِمه، ولی باوِر نَکاندینی. کارایی که مِن شه پییِرِ اسمِ هِمراه کامبه، مِ وِسه شِهادِت دِنِنه.

اِنجیلِ یوحنا 11:37

ولی وِشونِ جِم بعضیا بااوتِنه: «کِسی که اون کورِ مَردیِ چِشا ره واز هاکارده، نَتونسه ایلعازَرِ بَمِردِنِ دَمِ بَیره؟»

اِنجیلِ یوحنا 15:24

اگه وِشونِ دِله، کارایی نَکارده بیمه که جِز مِن هیچ کس نَکارده، گِناه نِداشتِنه؛ ولی، با اینکه اون کارا ره بَدینه، هم مِ جِم و هم مِ پییِرِ جِم بیزارِنه.

اِنجیلِ یوحنا 17:4

مِن کاریِ که تِ مِ ره بِسپارِسی ره اِنجام هِدامه، و این طی زِمینِ سَر تِ ره جِلال هِدامه.

اِنجیلِ یوحنا 2:23

مِدّتی که وه پِسَخِ عیدِ وِسه اورشَلیمِ دِله دَییه، خَیلیا وَختی نشونه ها و معجِزهایی ره که وه کارده ره بَدینه، وه اسمِ ایمون بیاردِنه.

اِنجیلِ یوحنا 3:17

چوون خِدا شه ریکا ره دِنیائه دِله نَفرِسیه تا دِنیائه مَردِمِ مَحکوم هاکانه، بلکه بَفرِسیه تا دِنیا وه طَریقِ جِم نِجات بَیره.

اِنجیلِ یوحنا 3:2

وه یِتا شُو عیسی پَلی بییَمو و وه ره بااوته: «اِسّا، دومبی تِ مَلِّمی هسی که خِدائه طَرِفِ جِم بییَموئه، چوون هیچ کی نتونده این نِشونِها و معجِزاتی ره که تِ هاکاردی ره هاکانه، مگه این که خِدا وه هِمراه دَووه.»

اِنجیلِ یوحنا 4:34

عیسی وِشونِ بااوته: «مِ غِذا اینِ که شه بَفرِسیهِ اِراده ره به‌جا بیارِم و وه کارِ اِنجام هادِم.

اِنجیلِ یوحنا 5:32

یه نَفِر دییه دَره که مِ خَوِری شِهادت دِنه و مِن دومبه شِهادتی که مِ خَوِری دِنه اعتبار دارنه.

اعمال رَسولان 2:22

«ای یَهودیون، اینِ بشنُئین: عیسیِ ناصری، اون که خِدا، معجزات و عجیبِ چیا و نِشونه هایی که وه دَسِ هِمراه شِمه میون ظاهر هاکارده، وه حَییقَتِ گِواهی هِدا، هَمون طی که شه دوندِنی.

اوّل یوحنا 5:9

اگه اِما آدِمونِ گِواهی ره قبول کامبی، خِدائه گِواهی گَت تِرِ، چوون گِواهی ایه که شه خِدا، شه ریکائه خَوِری هِدا.