اِنجیلِ یوحنا 5:35 - کتاب مقدس به زبان مازندرانی - گویش شرقی

³⁵ یحیی یِتا لَمپائه واری سُوته و نور دائه، و شِما خواسینی یه لَحظه وه نورِ دِله خِش بووئین.

گیله ماز

³⁵ یَحیی ایتا لَمپایه مِثان سوتِه و نور دَنِه با و شُما خَسّین یه لَحظِه اونه نور دِلِه خوش هَبین.

کتاب مقدس به زبان مازندرانی - گویش غربی

³⁵ یَحیی یَتِه لَمپایی تَرا سوتِه و نور داوِه و شِما خوایسِنی یَه لَحظِه وی نوری دِلِه خِش ووئین.

اِنجیلِ یوحنا 5:35 Iomraidhean Croise

اِنجیلِ مَتّی 11:11

حَییقَتِن شِما ره گامبه که هیچ کی یحییِ تَعمید دَهِندهِ جِم گَت تِر، مارِ جِم بِزائه نَییه. با این وجود، اونی که آسِمونِ پادشاهیِ دِله همه جِم کِچیک تَرِ وه جِم گَت تِرِ.

اِنجیلِ مَتّی 21:26

و اَگه باریم آدِمِ جِم بییه، مَردِم جِم تَرسِمبی، چوون که هَمه یحیی ره پِیغَمبِر دوندِنه.»

مَرقُس 1:5

تِمومِ یَهودیهِ مَنطقهِ مَردِم و تِمومِ اورشَلیمِ مَردِم، یحیی پَلی شینه و شه گِناهونِ اِعتراف کاردِنه و وه جِم اُردن رودخانهِ دِله تَعمید گِتِنه.

مَرقُس 6:20

چوون هیرودیس یحییِ جِم تَرسیه، چوون که دونِسه یحیی صالح و مِقدَّسِ مَردیه، اینِ وِسه بییه که وه جِم محافظت کارده. هر وَخت یحییِ گَبِ اِشنُسه، خَله پریشون بونِسه. ولی هَمتی هم خِشالیِ هِمراه وه گَب ها ره گوش دائه.

لوقا 7:28

شِما ره گامبه یحییِ جِم گَت تِر کِسی مارِ جِم بِزا نَییه؛ ولی کِچیکترین، خِدائه پادشاهیِ دِله، وه جِم گَت تِرِ.»

اِنجیلِ یوحنا 6:66

بعد، خَله از وه شاگِردون، بَردَگِردِسنه و دییه وه ره همراهی نَکاردِنه.

پطرسی دِوّمین نامِه 1:19

و اِما پِیغَمبِرونِ گَب ها ره که بونه اِطمینان هاکاردِ، دارمی که خوارِ شِمه یاد دَووه، یِتا لمپائه واری که ظِلِمادِ دِله تابِنه تا وَختی که صِواحی دَم بَووه و صِواحی دَمِ سِتاره شِمه دلهائه دِله رووشِن بَووه.