اِنجیلِ یوحنا 5:34 - کتاب مقدس به زبان مازندرانی - گویش شرقی

³⁴ نا اینکه مِن آدِمِ شِهادتِ قبول دارِم، بلکه اینِ وِسه این گبا ره زَمبه تا شِما نِجات بَیرین.

گیله ماز

³⁴ نه اینکه مَن آدَمی یه شَهادَتِ قَبول دارَم، بلکه اینِه وَسین این گَبارِه زَنَم تا شُما نِجات هَگیرین.

کتاب مقدس به زبان مازندرانی - گویش غربی

³⁴ نا هَینگه مِن آدَمی ای شَهادَتِ قَبول دارِم، بَلگی هَینِسه هَین گَبارِه زَمِّه تا شِما نِجات بَیرین.

اِنجیلِ یوحنا 5:34 Iomraidhean Croise

لوقا 13:34

ای اورشَلیم، ای اورشَلیم، ای پیغمبِرونِ قاتل و سَنگسار کُنِنده رَسولون که تِ پَلی بَفرسی بونِنه! چَن کَش بَخواسِمه کِچِ کِرکِ واری که شه چینیکاها ره شه پَر و بالِ بِن جَمع کانده، تِ وَچونِ یه جا جَمع ‌هاکانِم، ولی نِخواسی!

لوقا 19:10

چوون اِنسانِ ریکا بییَمو تا گوم بَیّه ره پی دا هاکانه و نِجات هاده.»

لوقا 24:47

و این که وه اسمِ هِمراه تووبه و گِناهونِ آمرزش، تِمومِ قومها ره هِدا بونه، که اونِ شِروع اورشَلیمِ جِم هَسه.

اِنجیلِ یوحنا 20:31

ولی اینا بَنوِشته بَییه تا باوِر هاکانین که عیسی، هَمون مَسیحِ موعود، خدائه ریکائه، تا این ایمونِ هِمراه، وه اسمِ دِله زندگی دارین.

اِنجیلِ یوحنا 5:32

یه نَفِر دییه دَره که مِ خَوِری شِهادت دِنه و مِن دومبه شِهادتی که مِ خَوِری دِنه اعتبار دارنه.

اِنجیلِ یوحنا 5:41

«آدِمون جِم جِلال قبول نَکامبه،

اِنجیلِ یوحنا 8:54

عیسی جِواب هِدا: «اگه مِن شه ره جِلال هادِم، مِ جِلال اَرزشی نِدارنه. اونی که مِ ره جِلال دِنه، مِ پییِرِ، هَمونتائه که شِما گانِنی، اَمه خِدائه.

رومی ایشون 10:1

ای بِرارون، اِسرائیلِ قومِ وِسه، مِ دلِ آرزو و مِ دعا، خِدائه پَلی، اینِ که نِجات بَیرِن.

رومی ایشون 10:21

ولی اِسرائیلِ قومِ خَوِری گانه: «تِمومِ روز شه دَسا ره نافرمون و سَرکشِ مَردِمِ سَمت دِراز هاکاردِمه.»

رومی ایشون 12:21

بدیِ تَسلیم نَواش، بلکه خواریِ هِمراه بَدیِ سَر مسلط بَواش.

رومی ایشون 3:3

اگه وِشونِ جِم بعضیا وِفادار نَبینه، چی بونِسه؟ مگه وِشونِ وِفادار نَبوئِن، خِدائه وفاداری ره باطل کانده؟

اوّلین نامِه قُرنتیانی سِه 9:22

ضَعیفونِ هِمراه، ضَعیف بَیمه تا ضَعیفونِ مَسیحِ وِسه به دَس بیارِم. همه کسِ وِسه همه چی بَیمه تا هر جور بونه بَعضیا ره نِجات هادِم.

اول تیموتائوس 4:16

خوار تِ حِواس، شه ره و اون تعلیمی که دِنی ره، بوئه. اینِ دِله پابرجا باش، چوون این کارِ هِمراه هم شه ره و هم اونایی که تِ گَبِ اِشنُنِنه ره نِجات دِنی.

اوّل یوحنا 5:9

اگه اِما آدِمونِ گِواهی ره قبول کامبی، خِدائه گِواهی گَت تِرِ، چوون گِواهی ایه که شه خِدا، شه ریکائه خَوِری هِدا.