اِنجیلِ یوحنا 5:15 - کتاب مقدس به زبان مازندرانی - گویش شرقی

¹⁵ اون مَردی بُورده و یَهودیونِ بااوته: «اونی که مِ ره شِفا هِدا، عیسی ئه.»

گیله ماز

¹⁵ اون مَردَای بَشَه و یَهودیِانِ باَگوته: «اونیکه مَرِه شَفا هَدَه، عیسائِه.»

کتاب مقدس به زبان مازندرانی - گویش غربی

¹⁵ هون مَردی بوردِه و یَهودیِنِ بُتِه: «اونیگه مِنِه شَفا هادا، عیسائِه.»

اِنجیلِ یوحنا 5:15 Iomraidhean Croise

مَرقُس 1:45

ولی اون مَردی بیرون بُورده، همه جا این جَریانِ گَبِ بَزو و اونِ خَوِرِ پَخش هاکارده. اینِ وِسه عیسی دییه نَتونِسه عَلِنی شَهرِ دِله بِیّه، بلکه شَهرِ بیرون، خلوتِ جائه دِله موندِسه. و مَردِم از همه جا عیسیِ پَلی اییَمونه.

اِنجیلِ یوحنا 1:19

اینِ یحییِ تَعمید دَهِنده شِهادت، اون مووقه که یَهودیون، مَعبدِ کاهِنون و مَعبدِ خادِمونِ، اورشَلیمِ شَهرِ جِم وه پَلی بَفرِسینه تا وه جِم بَپِرسِن که «تِ کی هسی؟»

اِنجیلِ یوحنا 4:29

«بِئین یِتا مَردی ره بَوینین که هر اون چی تا اَلان هاکارده بیمه ره، مِ ره بااوته. مُمکن نییه وه مَسیحِ موعود بوئه؟»

اِنجیلِ یوحنا 5:10

پَس یَهودیون اون مَردی که شِفا بَییته بییه ره بااوتِنه: «اَمروز شنبه هَسه و تِ شَرعاً اِجازه نِدارنی که شه لا ره بَیری و یِتا جائه جِم، دییه جا بَوِری.»

اِنجیلِ یوحنا 5:12

وه جِم بَپِرسینه: «اونی که تِ ره بااوته شه لا ره جَمع هاکان و راه دَکِف، کیِ؟»

اِنجیلِ یوحنا 5:16

اینِ وِسه بییه که یَهودیون عیسی ره اَذیِّت کاردِنه، چوون مِقدَّسِ شنبه دِله این طی کارا ره کارده.

اِنجیلِ یوحنا 5:18

اینِ وِسه، یَهودیون قَبلِ جِم ویشتر خواسِنه وه ره بَکوشِن، چوون نا فِقَط مِقدَّسِ شنبهِ قانونِ اِشکِسه، بلکه حَتَّی خِدا ره شه پییِر گاته و شه ره خِدائه هِمراه بِرابر دونِسه.

اِنجیلِ یوحنا 9:15

پَس فَریسیون اَی دِواره وه جِم سِئال هاکاردِنه که چی طی وه چِشا سُو دَکِته. وه وِشونِ جِواب بااوته: مِ چِشائه سَر تیل بِمالسه، بَشُسِمه و اِسا ویمبه.»

اِنجیلِ یوحنا 9:25

اون مَردی جِواب هِدا: «نَدومبه وه گِناهکارِ یا نا. فِقَط یه چی دومبه، و اون اینکه کور بیمه، و اَلان ویمبه.»

اِنجیلِ یوحنا 9:30

اون مَردی وِشونِ جِواب بااوته: «این دییه خَله عَجیبِ! با اینکه مِ چِشا ره واز هاکارده، هَمتی هم نَدوندِنی کِجه جِم بییَمو.

اِنجیلِ یوحنا 9:34

وِشون وه جِواب بااوتِنه: «تِ که تِموماً گِناه دِله دِنیا بییَموئی. اِسا، اِما ره هَم دَرس دِنی؟» پَس وه ره بیرون هاکاردِنه.