اِنجیلِ یوحنا 4:6 - کتاب مقدس به زبان مازندرانی - گویش شرقی

⁶ یَعقوبِ چاه اونجه بییه و عیسی سَفِرِ جِم خَسّه بَییه و چاهِ پَلی هِنیشته. ساعت حُدوداً دِوازده ظِهر بییه.

گیله ماز

⁶ یَعقوبِ چاه اوجِه دَبا و عیسی سَفرِ جی خَسِّه با و چاهِ وَرجه بِنیشتِه. ساعت حُدوداً دَوازدَهِ ظهر با.

کتاب مقدس به زبان مازندرانی - گویش غربی

⁶ یَعقوبی چاه اوجِه وِه و عیسی سَفری جا خَسِّه بَوِه و چاهی وَر هِنیشتِه. ساعت حِدوداََ دِوازِهِ ظِهر وِه.

اِنجیلِ یوحنا 4:6 Iomraidhean Croise

اِنجیلِ مَتّی 27:45

اون روز اَز ظِهر تا ساعتِ سه بَعد از ظِهر ظِلِماد تِمومِ سَرزَمینِ بَیتِه.

اِنجیلِ مَتّی 4:2

عیسی چِهل شو و چِهل روز، روزِه بَییتِه و سَرآخِر وِشنا بَییه.

اِنجیلِ مَتّی 8:24

یهویی دریا ره گَتِ طوفان بَییته، کِلاک اَنده گَت بییه که داشته لَتکا ره غَرق کارده، ولی عیسی خو دِله دَییه.

لوقا 2:7

مریم شه اَوِّلین وَچه که ریکا بییه ره دِنیا بیارده. وه ره قِنداقِ دِله دَپیته و آخورِ دِله بَخواسِندیه، چوون مسافِرخانهِ دِله وِشونِ وِسه جا دَنی بییه.

لوقا 9:58

عیسی جِواب هِدا: «شالها کِلی و پَرِنده ها لونه دارنِنه، ولی اِنسانِ ریکا حَتَّی جایی نِدارنه شه سَرِ بییِلّه.»

اِنجیلِ یوحنا 11:9

عیسی جِواب هِدا: «مَگه روز، دِوازده ساعت نیه؟ اگه کِسی روزِ دِله راه بوره، وه لینگ جایی نَینه و بنه نَخارنه، چوون این دِنیائه نُورِ وینده.

اِنجیلِ یوحنا 4:12

مگه تِ اَمه جَد یَعقوبِ جِم گَت تِری؟ وه این چاهِ اِما ره هِدا، و شه و وه ریکائون و وه گلّه ها اون چاهِ جِم بَخُردِنه؟»

اِنجیلِ یوحنا 4:5

پَس سامِرهِ یِتا شَهرِ دِله که وه اسم سوخار بییه بَرسیه، اونجه یِتا قَواره زِمینِ نَزیکی بییه که یَعقوب، شه ریکا یوسِفِ هِدا بییه.

اِنجیلِ یوحنا 4:7

یِتا سامری زِنا بییَمو تا چاهِ جِم اوه بَکِشه. عیسی وه ره بااوته: «اَت کم مِ ره اوه هاده،»

دوّمین نامه قرنتیانِ وَسین 8:9

چوون اَمه خِداوند عیسی مَسیحِ فیضِ جِم باخَوِرِنی که هر چَن دولتمند بییه، شِمه خاطِری فقیر بَییه تا شِما وه فقرِ دِله دولتمند بَووین.

نامِه مَسیحینی عبرانی نِژادی سِه 2:17

پَس لازم بییه که وه هر لحاظِ جِم شه بِرارونِ واری بَووه تا این طی خِدائه خِدمتِ دِله یِتا وِفادار و بخشنده کاهِن اَعظِم بوئه تا مَردِمِ گِناهونِ بَخشیده بَیِّنِ وِسه کَفّاره هاده.

نامِه مَسیحینی عبرانی نِژادی سِه 4:15

چوون اَمه کاهِن اَعظِم جوری نییه که نَتونِسه بوئه اَمه ضعفائه هِمراه هَمدردی هاکانه، بلکه کِسی که اَمه واری هر طَرِفِ جِم آزمود بَییه، بدون اینکه گِناه هاکانه.