اِنجیلِ یوحنا 4:46 - کتاب مقدس به زبان مازندرانی - گویش شرقی

⁴⁶ بعد اَت کَش دییه عیسی قانایِ جَلیلِ دِله بُورده، همونجه که اوه ره شِراب هاکارده بییه. اونجه یِتا از درباریون دَییه که یِتا مریضِ ریکا، کَفَرناحومِ شَهرِ دِله داشته.

گیله ماز

⁴⁶ ایما یِدَفِه دیگه عیسی قانای جَلیلِ دِلِه بَشَه هَموجِه که اُو رِه شَراب هَکُردهِ با. اوجِه ایتا اَز دَرباریِان دَبا که ایتا مَریضِ ریکا کَفَرناحومه شَهرِ دِلِه داشتِه.

کتاب مقدس به زبان مازندرانی - گویش غربی

⁴⁶ اَزما یَکَش دییَر عیسی قانای جَلیلی دِلِه بوردِه هَموجِه گه اُو رِه شَراب هاکِرد وِه. اوجِه یَتِه از دَرباریِن دَوِه گه یَتِه مَریضِ ریکا کَفَرناحومی شَهری دِلِه داشتِه.

اِنجیلِ یوحنا 4:46 Iomraidhean Croise

اِنجیلِ مَتّی 15:22

یِتا كنعانی زِنا که اون مَنطقه دِله زِندِگی کارده، عیسی پَلی بییَمو و دادِ هِمراه بااوته: «اِی آقا، اِی داوودِ ریکا، مِ ره رَحم هاکان! مِ کیجا بَد جور دِو بَزو بَییه.»

اِنجیلِ مَتّی 4:13

و ناصِرهِ شَهرِ دِله نَموندِسه، بلکه كَفَرناحوم بورده و اونجه زِندِگی هاکارده. کَفَرناحوم، جَلیلِ دریائه پَلی و زِبولون و نَفتالیِ مَنطقهِ دِله بییه.

اِنجیلِ مَتّی 9:18

عیسی هَمتی داشته گَب زوئه كه یِتا از یَهودیونِ رئیس وه پَلی بییَمو زانو بَزو بااوته: «مِ کیجا هَمین اَلان بَمِرده، ولی دومبه که اَگه تِ بِئی و وه سَرِ دَس بییِلی وه زنده بونه.»

لوقا 4:23

عیسی وِشونِ بااوته: «بی شَک این مَثِلِ مِ وِسه یارنِنی، ”اِی طَبیب شه ره شِفا هاده! اونچی که بِشنُسیمی کَفَرناحومِ دِله هاکاردی، اینجه شه زادگاهِ دِله هم هاکان»

لوقا 7:2

اونجه یِتا رومی اَفسِر دَییه که یِتا نوکِر داشته و خَله وه وِسه با ارزش بییه. وه نوکِر مَریض بییه و دَییه مِرده.

لوقا 8:42

چوون وه، یِتا کیجا که حدوداً دِوازده ساله بییه، دَییه مِرده. وَختی عیسی راهِ دِله دَییه، جَمیِّت هر طَرِفِ جِم وه ره فِشار یاردِنه.

اِنجیلِ یوحنا 2:12

بعد از اون شه مار و بِرارون و شاگِردونِ هِمراه کَفَرناحومِ شَهر بُورده، و چَن روز اونجه بَمونسِنه.

اِنجیلِ یوحنا 21:2

یِتا روز شَمعونِ پِطرُس، توما که وه ره دِقِلو گاتِنه، نَتَنائیل اَهل قانای جلیل، زِبدیِ ریکائون و دِتا شاگردِ دییه با هم دَینه.