اِنجیلِ یوحنا 4:40 - کتاب مقدس به زبان مازندرانی - گویش شرقی

⁴⁰ وَختی اون سامریون عیسیِ پَلی بییَمونه، وه جِم بَخواسِنه وِشونِ پَلی بَمونه. پَس عیسی دِ روز اونجه بَمونِسه.

گیله ماز

⁴⁰ وَختی اون سامِریان عیسی یه وَرجه بومَن اونه جی بِخَسَّن اوشانه وَرجه بُمانه. پَس عیسی دو روز اوجِه بُمانسِّه.

کتاب مقدس به زبان مازندرانی - گویش غربی

⁴⁰ وختی هون سامِریِن عیسایی وَر بیمونِه ویجا بَخوایسِنِه وِشونی وَر بَمونِّه. پَس عیسی دِ روز اوجِه بَمونِسِه.

اِنجیلِ یوحنا 4:40 Iomraidhean Croise

لوقا 10:39

مارتا یِتا خواخر داشته که وه اِسم مَریِم بییه. مَریِم عیسیِ لینگِ پَلی نیشته بییه و وه گَبِ گوش دائه.

لوقا 24:29

وِشون خَله اصرار هاکاردِنه و بااوتِنه: «اَمه هِمراه بَمون، چوون روز دَره تِموم بونه و نزیکِ شو بَووه.» پَس عیسی دِله بُورده تا وِشونِ پَلی بَمونه.

لوقا 8:38

اون مَردی که دِوها وه جِم بیرون بییَمو بینه، عیسی جِم خواهش تَمِنّا هاکارده تا بییِلّه وه هِمراه دَووه، ولی عیسی وه ره اِجازه نِدا و بااوته:

اِنجیلِ یوحنا 4:39

اون زِنائه شِهادتِ خاطری که بااوته بییه «هر اون چی تا‌ اَلان هاکارده بیمه ره مِ ره بااوته» یَته خَله سامریون که اون شَهرِ دِله زندگی کاردِنه عیسی ره ایمون بیاردِنه.

اِنجیلِ یوحنا 4:41

و خَیلیائه دییه، وه گَبِ خاطِری ایمون بیاردِنه.

اِنجیلِ یوحنا 4:43

دِ روز بعد، عیسی اونجه جِم، جَلیلِ مَنطقه بُورده،

اعمال رَسولان 16:15

وَختی لیدیه شه خانِواده هِمراه غسلِ تَعمید بَییته، خَله اِصرار هاکارده و اِما ره بااوته: «اگه باوِر دارنِنی که خِداوندِ ایمون بیاردِمه، بِئین و مِ سِره دِله بَمونین.» سَرآخِر وه خواسهِ تَسلیم بَیمی.

اعمال رَسولان 8:8

اینِ وِسه اون شَهر، خِشالیِ جِم پِر بَییه.

یوحنایِ مکاشفه 3:20

هارِش درِ پِشت اِیست هاکارده و دَره دَر زَمبه. اَگه کِسی مِ صِدا ره بِشنُئه و دَرِ مِ وِسه واز هاکانه، دِله اِمبه و وه هِمراه شوم خارمه و وه هم مِ هِمراه.