اِنجیلِ یوحنا 4:24 - کتاب مقدس به زبان مازندرانی - گویش شرقی

²⁴ خِدا روحِ، و وه پرسَندِه ها وِنه خِدا ره روح و حَقیقَتِ دِله پَرَسِش هاکانِن.»

گیله ماز

²⁴ خُدا روحِ و اونه پَرَسَّندگان بایسّی خدا رِه روح و حَقیقَتِ دِلِه پَرَسِّش هَکُنَن.»

کتاب مقدس به زبان مازندرانی - گویش غربی

²⁴ خِدا روحِ و وی پَرَستِشگَرِن وِنِه خِدارِه روح و حَیقَتی دِلِه پَرَسِش هاکِنِن.»

اِنجیلِ یوحنا 4:24 Iomraidhean Croise

اِنجیلِ یوحنا 4:23

ولی مووقه ای رِسِنه، و اَلان هم بَرِسیه، که حَییقی پَرَسَندِه ها، آسِمونی پییِرِ، روح و حییقتِ دِله پَرَسِش کاندنه، چوون آسِمونی پییِر این طی آدِمونِ دِمبال دَره تا وه ره پَرسش هاکانِن.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

دوّمین نامه قرنتیانِ وَسین 3:17

خِداوند، روحِ و هر جا خِداوندِ روح دَووه، اونجه آزادی دَره.

فیلیپیان 3:3

چوون ختنه‌ بَییه اِما هَسیمی که خِدائه روحِ هِمراه پَرَسِش کامبی، و مَسیحْ عیسیِ دِله اِفتخار کامبی، و اَمه تکیه جِسمِ سَر نییه -

اول تیموتائوس 1:17

اِسا، اون پادشاه دوران، اون که تا اَبد دَره و نَوونه اونِ بَدیئِن، اون یِتا خِدا ره تا اَبد و تا اَبد حِرمت و جِلال بوئه؛ آمین!