اِنجیلِ یوحنا 4:1 - کتاب مقدس به زبان مازندرانی - گویش شرقی

¹ وَختی عیسی بِفَهمسه که عُلِمائه فِرقه فریسی بِشنُسِنه وه یحییِ جِم ویشتر دِمبالِ رو دارنه و وِشونِ غسلِ تَعمید دِنه

گیله ماز

¹ وَختی عیسی بِفَهمِسِّه که عُلَمایِ فِرقِه فَریسی بِشنَوِسَّن اون یَحییِ جی بیشتر دُمّالرو داره و غسل تَعمید دَنِه

کتاب مقدس به زبان مازندرانی - گویش غربی

¹ وختی عیسی بِفَهمِسِه گه عِلَمای فِرقِه فَریسی بِشنُسِنِه وی یَحیایی جا ویشتَر دِمالرُو دارنِه و غِسلِ تَعمید دِنِه

اِنجیلِ یوحنا 4:1 Iomraidhean Croise

لوقا 1:76

و تِ، ای وچه، خِدائه متعالِ پیغمبِر بااوته بونی؛ چوون خِداوندِ جِم جلوتر شونی تا وه راه ها ره، وه وِسه آماده هاکانی،

لوقا 19:31

اگه کِسی شِمه جِم بَپِرسیه: ”چه اونِ واز کاندینی؟“ بارین: ”خِداوند اونِ احتیاج دارنه»

لوقا 19:34

وِشون بااوتِنه: «خِداوند اونِ احتیاج دارنه.»

لوقا 2:11

اَمروز داوودِ زادگاهِ دِله، یِتا نِجات دَهنده شِمه وسه دِنیا بییَمو. وه خِداوندْ مَسیحِ موعودِ.

لوقا 7:13

عیسیِ خِداوند وَختی وه ره بَدیئه، وه دِل وه وِسه بَسوته و اون بیوه زِنا ره بااوته: «بِرمه نَکِن.»

لوقا 7:19

و این پِیغومِ هِمراه عیسیِ خِداوندِ پَلی بَفرِسیه و بااوته: «تِ همونی هَسی که وِنه بِیّه، یا یه نَفِرِ دییهِ اِنتِظارِ بَکِشیم؟»

اِنجیلِ یوحنا 3:22

بَعدِ از اون، عیسی و وه شاگِردون، یَهودیهِ مَنطقهِ دِهاتِ دورِ اَطرِاف بُوردِنه. وه چَن وَخت وِشونِ هِمراه اونجه دَییه و مَردِمِ تَعمید دائه.

اِنجیلِ یوحنا 3:26

وِشون یحییِ پَلی بییَمونه وه ره بااوتِنه: «اِسّا، اونی که تِ هِمراه اُردُنِ رودخانهِ اون دَس دَییه، و تِ وه ره شِهادِت هِدایی، اِسا شه تَعمید دِنه و همهِ مَردِم وه پَلی شونِنه.»

اعمال رَسولان 10:36

خِدا طبقِ شه کِلام که یَهودِ قومِ وِسه بَفرِسیه، صِلح و سِلامتیِ خَوِرِ خِشِ، عیسی مَسیحِ طریق که همهِ خِداوندِ، اِعلام هاکارده.

اوّلین نامِه قُرنتیانی سِه 1:17

چوون مَسیح مِ ره نَفرِسیه تا تَعمید هادِم بلکه تا انجیلِ موعظه هاکانِم، و نا دِنیائه حکیمونه گَب هائه هِمراه که قانع کانده، نَکِنه مَسیحِ صَلیبِ قِوَّت هیچ بَووه.

اوّلین نامِه قُرنتیانی سِه 15:47

اَوِّلین انسان زِمین و خاکِ جِم بییه؛ دِوّمین انسان آسمونِ جِم هَسه.

اوّلین نامِه قُرنتیانی سِه 2:8

این زِمونهِ حاکِمون هیچکِدوم این حِکمتِ نِفَهمِسِنه، چوون اگه اونِ فَهمِسِنه، خِداوندِ جِلالِ مَصلوب نَکاردِنه.

دوّمین نامه قرنتیانِ وَسین 4:5

چوون اِما شه ره موعظه نَکامبی، بلکه اِعلام کامبی که عیسی مَسیح خِداوندِ، و شه جِم فِقَط عیسیِ خاطِری و اون هم فِقَط شِمه نوکرونِ واری گَب زَمبی.

یعقوبِ نامه 2:1

مِ بِرارون، شِما ها که اَمه خِداوند عیسی مَسیح، اون خِداوندِ جِلالِ ایمون دارنِنی، آدِمونِ میون فرق نییِلین.

یوحنایِ مکاشفه 19:16

یِتا اسم وه قَوا و رونِ سَر بَنوِشته بَییه: «شاهِ شاهون و خِداوندِ خِداوندون.»