اِنجیلِ یوحنا 3:31 - کتاب مقدس به زبان مازندرانی - گویش شرقی

³¹ «وه که آسِمونِ جِم اِنه، همهِ جِم سَرتِرِ، ولی اونی که زمینِ جِم هَسه، زِمینیِ و زمینی چیائه جِم گَب زَنده. وه که آسِمونِ جِم اِنه، همهِ جِم سَرتِرِ.

گیله ماز

³¹ «اونکه آسِمانِ جی هَنهِ، هَمِه یه جی سَرتَرِه، وَلی اونیکه زَمینِ جییه، زَمینیِه و چیزایِ زَمینِی یه جی گَب زَنه. اونکه آسِمانِ جی هَنه هَمه یه جی سَرتَرِه.

کتاب مقدس به زبان مازندرانی - گویش غربی

³¹ «ویگِه آسِمونی جا اِنِه، هَمه ای جا سَرتَرِ، ولی اونیگه زَمینی جائِه، زَمینیِه و زَمینی چیایی جا گَب زَنِّه. ویگِه آسِمونی جا اِنِه هَمه ای جا سَرتَرِ.

اِنجیلِ یوحنا 3:31 Iomraidhean Croise

اِنجیلِ مَتّی 28:18

اون وَخت عیسی جلو بییَمو و وِشونِ بااوته: «تِمومِ قِوَّت آسِمونِ دِله و زِمین سَر مِ ره هِدا بَییه.

اِنجیلِ یوحنا 1:15

یحیی وه وِسه شِهادت دائه و جار زوئه و گاته: «این هَمون تائه که وه خَوری بااوتِمه: اون که بَعد از مِن اِنه مِ جِم سَر تِرِ، چوون مِ جِم قبلتِر دَییه“.»

اِنجیلِ یوحنا 1:27

وه هَمونیِ که بعد از مِن اِنه و مِن حَتَّی لایق نیمه وه کوشِ بَندِ واز هاکانِم.»

اِنجیلِ یوحنا 1:30

اینِ هَمونیِ که وه خَوِری بااوتِمه ”بعد از مِن یِتا مَردی اِنه که مِ جِم سَرتِرِ، چوون مِ جِم قبلتر دَییه.“

اِنجیلِ یوحنا 3:30

وه وِنه گَت بَووه و مِن وِنه کِچیک بَووِم.

اِنجیلِ یوحنا 6:33

چوون خِدائه نون، اونیِ که آسِمونِ جِم اِنه و دِنیا ره زندگی بَخشِنه.»

اِنجیلِ یوحنا 6:51

مِن اون نونی هَسِمه که زندگی بَخشِنه و آسِمونِ جِم اِنه. هر کی این نونِ جِم بَخُره، تا اَبِد زنده موندِنه. مِ تَن اون نونیِ که دِمبه تا دِنیائه مَردِم زندگی دارِن.»

اِنجیلِ یوحنا 8:23

عیسی وِشونِ بااوته: «شِما زِمینینی، مِن آسِمونیمه. شِما این دِنیائه جِم هَسینی، ولی مِن این دِنیائه جِم نیمه.

اعمال رَسولان 10:36

خِدا طبقِ شه کِلام که یَهودِ قومِ وِسه بَفرِسیه، صِلح و سِلامتیِ خَوِرِ خِشِ، عیسی مَسیحِ طریق که همهِ خِداوندِ، اِعلام هاکارده.

رومی ایشون 9:5

و اجداد هم وِشونِ جِم هَسِنه و مَسیح هم جسماً وِشونِ نَسلِ جِم هسه، خدایی که همهِ جِم بالاترِ وه ره تا اَبد شِکر بوئه. آمین.

نامِه مَسیحینی عبرانی نِژادی سِه 9:1

اِسا حَتَّی اَوِّلین عَهد، عبادت هاکاردِنِ وِسه قَوانینی داشته و زِمینِ سَر هم یِتا مِقدَّسِ جا داشته.

اول پِطرُس 3:22

هَمون عیسی مَسیح که آسِمون بورده و اِسا خِدائه راسِ دَس وَر دَره و فرشته ها و قِدرتها و قِوَّت ها وه مطیع بَینه.

اوّل یوحنا 4:5

وِشون دِنیائه جِم هَسِنه اینِ وِسه اونچی گانِنه دِنیائه جِم هَسه و دِنیا وِشونِ گوش دِنه.

یوحنایِ مکاشفه 19:16

یِتا اسم وه قَوا و رونِ سَر بَنوِشته بَییه: «شاهِ شاهون و خِداوندِ خِداوندون.»