اِنجیلِ یوحنا 21:7 - کتاب مقدس به زبان مازندرانی - گویش شرقی

⁷ اون شاگِردی که عیسی وه ره دوس داشته، پِطرُسِ بااوته: «خِداوندِ!» شَمعونِ پِطرُس وَختی بِشنُسه خِداوندِ، شه جِمه ره دَپوشیه - چوون جِمه ره کارِ وِسه شه تَن جِم دَر بیارده بییه - و شه ره دریائه دِله دِم هِدا بییه.

گیله ماز

⁷ اون شاگِردی که عیسی اونه دوس داشتِه پِطرُسِ باَگوته: «خُداوَندِ!» شَمعونِ پِطرُس وَختی بِشنَوِسِّه خُداوَندِ، خودشه پیرَنِ رِه دَکُردِه، - چون پیرَن رِه کارِ وَسین خودشه تَنِ جی دَر بیاردِه با- و خودِشِ دَریایِ دِلِه تُووادَه.

کتاب مقدس به زبان مازندرانی - گویش غربی

⁷ هون شاگِردی گه عیسی وِرِه دوس داشتِه پِطرُسِ بُتِه: «خِداوَندِ!» شَمعونِ پِطرُس وختی بِشنُسِه خِداوَندِ، شی جِمِه رِه دَکِردِه، - چون جِمِه رِه کاری سِه شی تَنی جا دَر بیارد وِه - و شِرِه دَریایی دِلِه دیم بَدا.

اِنجیلِ یوحنا 21:7 Iomraidhean Croise

مَرقُس 11:3

اگه کِسی شِمه جِم بَپِرسیه: ”چه این طی کاندینی؟“ بارین: ”خِداوند اونِ احتیاج دارنه و دَرجا خر کِره ره شِما ره برگِردندِنه»

لوقا 12:35

«شه کَمِرِ دَوِندین و خِدمِتِ وِسه آماده بوئین و شه لَمپا ره رووشِن دارین.

لوقا 2:11

اَمروز داوودِ زادگاهِ دِله، یِتا نِجات دَهنده شِمه وسه دِنیا بییَمو. وه خِداوندْ مَسیحِ موعودِ.

لوقا 7:47

پَس تِ ره گامبه، اینِ وِسه وه مِحَبَّتِ ویشتری نِشون دِنه، چوون وه تِمومِ گِناهون که خله بییه آمِرزیده بَییه. ولی اونی که کَمتِر بَخشیده بَییه، کمتِر هم مِحَبَّت کانده.»

اِنجیلِ یوحنا 13:23

یِتا از شاگِردون، که عیسی وه ره دوس داشته، وه پَلیهِ نَزیکی لَم هِدا بییه.

اِنجیلِ یوحنا 19:26

وَختی عیسی شه مار و اون شاگِردی که وه ره دوس داشته ره بَدیئه وه پَلی اِیست هاکارده، شه مارِ بااوته: «ای زَن هارِش، این تِ ریکا».

اِنجیلِ یوحنا 20:2

پَس دووِ هِمراه شَمعونِ پِطرُس و اون شاگِردی که عیسی وه ره دوس داشتهِ پَلی، بُورده و وِشونِ بااوته: اَمه سَرورِ مقبره جِم بَوِردِنه و نَدومبی کجه بییِشتِنه.»

اِنجیلِ یوحنا 20:20

وَختی اینِ بااوته، شه دَس و پَلی ره وِشونِ سِراغ هِدا. شاگِردون وَختی خِداوندِ بَدینه خِشال بَینه.

اِنجیلِ یوحنا 20:28

توما وه ره بااوته: «مِ خِداوند و مِ خِدا!»

اِنجیلِ یوحنا 21:20

اون وَخت پِطرُس بَردَگردِسه و بَدیئه اون شاگِردی که عیسی وه ره دوس داشته وِشونِ دِمبال اِنه. وه هَمونتا بییه که شُومِ سَر، عیسیِ پلیه وَر تَکیه هِدا بییه و وه جِم بَپِرسی بییه، «آقا، کی تِ ره دِشمِنِ تَسلیم کانده؟»

اِنجیلِ یوحنا 21:24

این هَمون شاگردِ که این چیا ره شِهادت دِنه و اینا ره بَنوِشته. اِما دومبی که وه شِهادت راسِ.

اِنجیلِ یوحنا 21:8

دییه شاگِردون هَمون طی که تورِ پِر از مائی ره شه دِمبال کَشینه لَتکائه هِمراه بییَمونه، چوون وِشون دریالوِ جِم دور نَبینه و حدودِ صد متر فاصله داشتِنه.

اعمال رَسولان 10:36

خِدا طبقِ شه کِلام که یَهودِ قومِ وِسه بَفرِسیه، صِلح و سِلامتیِ خَوِرِ خِشِ، عیسی مَسیحِ طریق که همهِ خِداوندِ، اِعلام هاکارده.

اعمال رَسولان 2:36

«پَس اِی یَهودِ قوم همه یقینِ هِمراه بَدونِن که خِدا این عیسی ره که شِما وه ره صلیب بَکِشینی، هم خِداوند و هم مَسیحِ موعود هاکارده.»

اوّلین نامِه قُرنتیانی سِه 15:47

اَوِّلین انسان زِمین و خاکِ جِم بییه؛ دِوّمین انسان آسمونِ جِم هَسه.

دوّمین نامه قرنتیانِ وَسین 5:14

چوون مَسیحِ مِحَبَّت اِما ره کنترل کانده، چوون بَفِهمِسیمی: که یه نَفِر همهِ وِسه بَمِرده، پَس همه بَمِردِنه.

یعقوبِ نامه 2:1

مِ بِرارون، شِما ها که اَمه خِداوند عیسی مَسیح، اون خِداوندِ جِلالِ ایمون دارنِنی، آدِمونِ میون فرق نییِلین.