اِنجیلِ یوحنا 20:19 - کتاب مقدس به زبان مازندرانی - گویش شرقی

¹⁹ هَمون روز نِماشون، که هفته اَوِّلین روز بییه، شاگِردون دور هم جَمع بینه و یَهودیونِ تَرسِ جِم درا ره قفل هاکارده بینه، عیسی بییَمو و وِشونِ میون، اِیست هاکارده و بااوته: «سِلام بر شِما!»

گیله ماز

¹⁹ همون روز نِمایِ سَر، که هَفتِه اوَّلین روز با، وقتیکه شاگِردان دُورِ هَم جَم بان و یَهودیانِ تَرسِ جی دَرِشانِ کیلیت هَکُردِه بان، عیسی بوما و اوشانِ میَن بییَسَه و باَگوته: «سَلام بر شُما!»

کتاب مقدس به زبان مازندرانی - گویش غربی

¹⁹ هَمون روزی غروب دَم، گه هفته ای اوَّلین روز وِه، شاگِردِن هی وَر جَم وِنِه و یَهودیِنی تَرسی جا دَریشونِه کِلی هاکِرد وِنِه، عیسی بیمو و وِشونی میِن هِرِسا و بُتِه: «سَلام بَر شِما!»

اِنجیلِ یوحنا 20:19 Iomraidhean Croise

اِنجیلِ مَتّی 10:13

اَگه اون سِره لایق بوئه، شِمه سِلام وه سَر موندِنه ولی اَگه لایق نَبوئه، شِمه سِلام شِما ره بَرگِردِنه.

اِنجیلِ مَتّی 18:20

چوونکِه هَر جا که دِ یا سه نَفِر مِ اسمِ هِمراه جَمع بَووِن، مِن اونجه وِشونِ میون دَرِمبه.»

مَرقُس 16:14

وَختی که اون یازده شاگرد سِفرهِ سَر نیشته بینه، عیسی وِشونِ ظاهر بَییه، عیسی وِشونِ، بی‌ایمونی و سَنگ دِلیِ وِسه سَراکو هاکارده، چوون وِشونِ گَبِ، که وه ره بَعد از زنده بَیِّن بَدی بینه ره باوِر نَکاردِنه.

اِنجیلِ یوحنا 14:27

شِمه وِسه آرامش و سِلامتی به‌جا اییِلمه؛ شه آرامش و سِلامتی ره شِما ره دِمبه. اونچی مِن شِما ره دِمبه، نا اون طیِ که دِنیا شِما ره دِنه. شِمه دِل پَریشون نَبوئه و نییِلین شِمه دِل تَرس دَکِفه.

اِنجیلِ یوحنا 16:22

همین طی هم، شِما هم اَلان غم و غُصه دارنِنی؛ ولی اَی دِواره شِما ره ویمبه و شِمه دِل خِشال بونه و هیچ کی شِمه خِشالی ره شِمه جِم نَینه.

اِنجیلِ یوحنا 16:33

اینا ره شِما ره بااوتِمه تا مِ دِله آرامش دارین. دِنیائه دِله زَحمِت و عِذاب، شِمه وِسه دَره؛ ولی شِمه دِل قِرص بوئه، چوون مِن دِنیا ره پیروز بَیمه.»

اِنجیلِ یوحنا 20:21

عیسی اَی دِواره وِشونِ بااوته: «سِلام بر شِما! هَمون‌طی که پییِر مِ ره بَفرِسیه، مِنِم شِما ره فرِسِندِمبه.»

اِنجیلِ یوحنا 20:26

هشت روزِ دییه عیسیِ شاگِردون اَی دِواره سِره دِله دَینه و توما وِشونِ هِمراه دَییه. با وجودِ اینکه درا قفل بینه، عیسی بییَمو و وِشونِ میون اِیست هاکارده و بااوته: «سِلام بر شِما!»

اِنجیلِ یوحنا 21:1

بَعدِ از این اتّفاقا، عیسی اَت کَش دییه تیبِریهِ دریائه پَلی که هَمون جَلیلِ دریا بییه، شه ره شاگِردونِ وِسه دیار هاکارده. وه این طی شه ره دیار هاکارده:

اِنجیلِ یوحنا 21:14

این سِوّمین کَشی بییه که عیسی بعد از زنده بَییِن، شه ره شاگِردونِ دیار کارده.

اِنجیلِ یوحنا 7:13

ولی چوون یَهودیونِ جِم تَرسینه، وه خَوِری هیچ کی عَلِنی گَب نَزوئِه.

اعمال رَسولان 1:3

عیسی بعد از اینکه زَجر بَکِشیه، شه ره رسولونِ سِراغ هِدا و خَله کارائه هِمراه ثابت هاکارده که زِنده بَییه. پَس چهل روزِ اِندا شه ره وِشونِ ظاهر کارده و خِدائه پادشاهیِ خَوِری وِشونِ هِمراه گَب زوئه.

رومی ایشون 15:33

خِدائه صِلح و سِلامتی شِما همه ئه هِمراه دَووه. آمین.

اوّلین نامِه قُرنتیانی سِه 15:5

و اینکه شه ره کیفائه مَعروف به پطرسِ ظاهر هاکارده و بعد اون دِوازده شاگردِ وِسه.

اِفِسُسیان 2:14

چوون مَسیح شه اَمه صِلح و سِلامتیِ، وه که اِما هر دِتا ره یعنی یَهود و غیرِیَهودِ یِتا هاکارده، و شه جِسمِ دِله سیواییِ دیفارِ که دِشمِنیِ باعث بییه ره له هِدا

اِفِسُسیان 6:23

خِدائه پییِرِ طَرِف جِم و خِداوند عیسیِ مَسیحِ طَرِفِ جِم، بِرارونِ وِسه صِلح و سِلامتی و با ایمونِ مِحَبَّت بوئه.

فیلیپیان 1:2

فِیض و صِلح و سِلامتی، اَمه پییِر، خِدا و خِداوندْ عیسی مَسیحِ طَرِفِ جِم، شِمه وِسه بِیّه.

دوّم تِسالونیکیان 3:16

اِسا، خداوندِ صِلح و سِلامتی، شه، هر مووقه و هر وضعِ دِله شِما ره صِلح و سِلامتی دِنه. خِداوند شِما همهِ هِمراه دَووه.

نامِه مَسیحینی عبرانی نِژادی سِه 7:2

و اِبراهیم هر چی که داشتهِ جِم، وه ره ده‌ یک هِدا. وه اسم مَعنی، اَوِّل «صالحیِ پادشاه» و بعد «سالیمِ پادشاه»، یعنی «صِلح و سِلامتیِ پادشاه» هَسه.

سوّم یوحنا 1:14

امید دارمه خَله زود تِ ره بَوینِم و رو در رو گَب بَزِنیم.

یوحنایِ مکاشفه 1:4

یوحنائه طَرِف جِم، هفتا کلیسائه وِسه که آسیائه منطقهِ دِله دَرِنه: فِیض و صِلح و سِلامتی شِمه وِسه بِیّه، وه طَرِفِ جِم که دَره و دَییه و اِنه، و هفتا روحِ طَرِف جِم که وه پادشاهیِ تَختِ روب رو دَرِنه،