اِنجیلِ یوحنا 2:2 - کتاب مقدس به زبان مازندرانی - گویش شرقی

² عیسی و وه شاگِردون هم آروسی دَعوِت بَییه بینه.

گیله ماز

² عیسی و اونه شاگِردان هَم عَروسی دَعوَت هَبا بان.

کتاب مقدس به زبان مازندرانی - گویش غربی

² عیسی و وی شاگِردِن هَم عَروسی دَعوَت بَوِه وِنِه.

اِنجیلِ یوحنا 2:2 Iomraidhean Croise

اِنجیلِ مَتّی 12:19

وه هیچ کَسِ هِمراه دَعوا نَکانده و داد نَزِنده، و هیچ کی وه صِدا ره کوچهِ دِله نِشنُنه.

اِنجیلِ مَتّی 25:40

پادشاه وِشونِ گانه: ”حَییقتاً شِما ره گامبه، اونچی که یِتا مِ کِچیکترین بِرارونِ وِسه هاکاردینی، مِ وِسه هاکاردینی.“

اِنجیلِ مَتّی 25:45

وِشونِ جِواب گانه: ”حَییقَتِن شِما ره گامبه، اون چی که یِتا این کِچیکونِ وِسه نَکاردینی، در حَییقَت مِ وِسه نَکاردینی.“

اِنجیلِ یوحنا 2:12

بعد از اون شه مار و بِرارون و شاگِردونِ هِمراه کَفَرناحومِ شَهر بُورده، و چَن روز اونجه بَمونسِنه.

اِنجیلِ یوحنا 2:17

اون وَخت وه شاگِردون یاد بیاردِنه که مَزامیرِ کِتابِ دِله بَنوِشته بَییه بییه: «غیرتی که تِ سِرهِ وِسه دارمه مِ ره تش دِنه و کِلین کانده.»

اِنجیلِ یوحنا 2:22

پَس وَختی که مِرده هائه جِم بِلِند بَییه، وه شاگِردون وه این گَبِ یاد بیاردِنه و مِقدَّسِ نوِشته ها و وه گَبِ ایمون بیاردِنه.

اِنجیلِ یوحنا 2:3

وَختی شِراب تِموم بَییه، عیسیِ مار وه ره بااوته: «وِشون دییه شِراب نِدارنِنه!»

اِنجیلِ یوحنا 3:22

بَعدِ از اون، عیسی و وه شاگِردون، یَهودیهِ مَنطقهِ دِهاتِ دورِ اَطرِاف بُوردِنه. وه چَن وَخت وِشونِ هِمراه اونجه دَییه و مَردِمِ تَعمید دائه.

اِنجیلِ یوحنا 4:2

هر چَن- عیسیِ شاگِردون تَعمید دانه نا شه -

اِنجیلِ یوحنا 4:33

شاگِردون هَمدییه ره بااوتِنه: «مَگه کِسی وه وِسه غِذا بیارده؟»

اِنجیلِ یوحنا 4:8

چوون وه شاگِردون غِذا بَخریِنِ وِسه شَهر بُورده بینه.

اِنجیلِ یوحنا 6:12

وَختی سیر بَینه، عیسی شه شاگِردونِ بااوته: «اضافه تیکه نونا ره جَمع هاکانین تا چیزی هَدِر نَشوئه.»

اِنجیلِ یوحنا 6:16

نِماشونِ مووقه، عیسیِ شاگِردون، دریائه سَمت بُوردِنه

اِنجیلِ یوحنا 6:60

خَله از عیسیِ شاگِردون وَختی این گَبِ بِشنُسِنه بااوتِنه: «این گَب سنگینِ، کی تونده اونِ قبول هاکانه؟»

اِنجیلِ یوحنا 6:66

بعد، خَله از وه شاگِردون، بَردَگِردِسنه و دییه وه ره همراهی نَکاردِنه.

اِنجیلِ یوحنا 6:67

پَس عیسی اون دِوازه شاگردِ بااوته: « شِما هم خوانِنی بُورین؟»

اِنجیلِ یوحنا 6:70

عیسی وِشونِ جِواب هِدا: «مَگه شِما دِوازدِه نَفِرِ مِن اِنتخاب نَکاردِمه؟ با این وجود، یه نَفِر از شِما یِتا ابلیسِ.»

اِنجیلِ یوحنا 6:71

عیسی، یَهودا، شَمعونِ اَسْخَریوطی ریکا ره اشاره کارده، چوون وه که یِتا از اون دِوازه نَفِر بییه، خواسه عیسی ره دِشمِنِ تَسلیم هاکانه.

اِنجیلِ یوحنا 6:8

یِتا از وه شاگِردون که وه اسم آندریاس و شَمعونِ پِطرُسِ بِرار بییه، بااوته:

اِنجیلِ یوحنا 7:3

پَس عیسیِ بِرارون وه ره بااوتِنه: «اینجه ره ترک هاکان و یهودیه بور تا تِ شاگِردون هم کاراییِ که کاندی ره بَوینِن،

اعمال رَسولان 11:26

و وَختی وه ره پی دا هاکارده، وه ره اَنطاکیه بیارده. وِشون اونجه یَک سالِ تِموم، کلیسائه آدِمونِ هِمراه جَمع بونِسِنه و یِتا گَتِ جَمیَّتِ تَعلیم دانه. اَنطاکیهِ دِله بییه که اَوِّلین کَش عیسیِ شاگِردونِ «مَسیحی» بااوتِنه.

اعمال رَسولان 11:29

پَس شاگِردون تَصمیم بَییتِنه هر کِدوم، شه تِوانِ اِندا، یَهودیهِ بِرارونِ وِسه کُمِک بَفرِسِن.

اوّلین نامِه قُرنتیانی سِه 10:31

پَس هر چی خوارنِنی و هر چی نوشِنِنی یا هر کاری که کاندینی، همه ره خِدائه جِلالِ وِسه هاکانین.

اوّلین نامِه قُرنتیانی سِه 7:39

یِتا زِنا تا وَختی که وه مَردی زندِئه، وه پایبنده. ولی اگه وه مَردی بَمِرده، آزادِ تا هر کی که خوانهِ هِمراه آروسی هاکانه، فِقَط خِداوندِ دِله.

کولُسیان 3:17

و هر کاری که کاندینی، چه بااوتِنِ دِله و چه رفتارِ دِله، همه ره خِداوندْ عیسیِ اسمِ هِمراه هاکانین، و وه طریق خِدائه پییِرِ شکر‌ هاکانین.

نامِه مَسیحینی عبرانی نِژادی سِه 13:4

بییِلین ازدواج همهِ میون حِرمت داره، و زِنا مَردیِ رابطه پاک بوئه، چوون خِدا بی‌عفتون و زِناکارونِ داوِری کانده.

یوحنایِ مکاشفه 3:20

هارِش درِ پِشت اِیست هاکارده و دَره دَر زَمبه. اَگه کِسی مِ صِدا ره بِشنُئه و دَرِ مِ وِسه واز هاکانه، دِله اِمبه و وه هِمراه شوم خارمه و وه هم مِ هِمراه.