اِنجیلِ یوحنا 2:16 - کتاب مقدس به زبان مازندرانی - گویش شرقی

¹⁶ و کوتِر روشِنِ بااوته: «اینا ره اینجه جِم بیرون بَوِرین و مِ پییِرِ سِره ره کَسب و کارِ محل نَکِنین!»

گیله ماز

¹⁶ وَ کَفتَر فُروشانِ باَگوته: «ایشانِ ایجه یه جی دِرگا بَبِرین و می پیَرِه سِرِه رِه کاسِبی مُحل نَکُنین!»

کتاب مقدس به زبان مازندرانی - گویش غربی

¹⁶ و کِتَر روشِنِه بُتِه: «اینِنِه هَیجه ای جا دیرگا بَوِرین و می پیری خِنِه رِه کَسب و کاری مَحَل نَکِنین!»

اِنجیلِ یوحنا 2:16 Iomraidhean Croise

اِنجیلِ مَتّی 21:12

عیسی مَعبِدِ حیاطِ دِله بُورده و همه اونایی که داد و سِتَد کاردِنه ره بیرون هاکارده. وه صَرافونِ میز و کوتِر روشِنِ صَندَلی ره له هِدا.

اِنجیلِ مَتّی 21:13

عیسی وِشونِ بااوته: «مِقدَّسِ بَنوِشته هائه دِله بَنوِشته بَییه: 'مِ سِره، دِعا سِرِه بااوته بونه، ولی شِما اونِ ’دِزدِ کِلی‘ هاکاردینی.'»

اِنجیلِ مَتّی 22:5

ولی وِشون اِعتنا نَکاردِنه و هر کِدوم شه کارِ پِی بُوردِنه. یِتا شه زِمینِ سَر بورده و یِتا دییه شه كَسب و کارِ دِمبال.

مَرقُس 11:17

بعد وِشونِ تَعلیم هِدا و بااوته: «مَگه مِقدَّسِ نوشته هائه دِله بَنوِشته نَییه که، «مِ سِره، تِمومِ قومائه وِسه دِعائه سِره بااوته بونه“ ولی شِما اونِ ”دِزدِ کِلی“ هاکاردینی.

لوقا 2:49

ولی عیسی وِشونِ بااوته: «چه مِ دِمبال گِردِسِنی؟ مَگه نَدونِسِنی مِن وِنه شه پییِرِ سِرهِ دِله دَووِم؟»

اِنجیلِ یوحنا 10:29

مِ پییِر که اونا ره مِ ره هِدا همه جِم گَت تِرِ، هیچ کی نَتونده اونا ره پییِرِ دَسِ جِم تَپ بَزنه و بَیره.

اِنجیلِ یوحنا 2:15

پَس رَسِنِ جِم یِتا شِلّاق بِساته و همـهِ وِشونِ، گُسفِن ها و گو هائه هِمراه، مَعبِدِ جِم بیرون هاکارده. و صَرّافونِ سکّه‌ها ره بِنه سَر دَشِندیه و وِشونِ میزا ره له هِدا،

اِنجیلِ یوحنا 20:17

عیسی وه ره بااوته: «مِ کَش نَخُر، چوون هَمتی پییِرِ پَلی بالا نَشیمه. ولی مِ بِرارونِ پَلی بور و وِشونِ بار که مِن شه پییِر و شِمه پییِر و شه خِدا و شِمه خِدائه پَلی شومبه.»

اِنجیلِ یوحنا 5:17

ولی عیسی وِشونِ جِواب هِدا «مِ پییِر هَمتی دَره کار کانده، مِن هم کار کامبه.»

اِنجیلِ یوحنا 8:49

عیسی جِواب هِدا: «مِن دِو نِدارمه، بلکه شه پییِرِ حِرمت اییِلمه، ولی شِما مِ ره بی‌ حِرمَتی کاندینی.

اول تیموتائوس 6:5

و هَمش مَردِمِ میون جَنگ و جِدالِ باعث بونه که وِشونِ فکر فاسد بَییه و حَییقَتِ جِم بی نَصیب بونِنه، خیال کاندِنه، دینداری یِتا وسیله منفعتِ وِسه هَسه.

پطرسی دِوّمین نامِه 2:3

و شه طِمَعِ راهِ دِله، دِراغی گَب هائه هِمراه، شِما ره غارِت کاندِنه. وِشونِ محکومیت که قبلتر تعیین بَییه بییه، بیکار نَنیشته و وِشونِ نابودی نَخواته!