اِنجیلِ یوحنا 2:14 - کتاب مقدس به زبان مازندرانی - گویش شرقی

¹⁴ مَعبِدِ حیاط دِله، چَن نَفِرِ بَدیئه که دَینه گو و گُسفِن و کُوتِر روتِنه، و صَرّافون هم نیشته بینه و دَینه کار کاردِنه.

گیله ماز

¹⁴ مَعبدِ حَیاطِ دِلِه، چَن نَفَرِ بَدییَه که دَبان گُو و گوسِند و کَفتَر بَروشَن، وَ صَرّافان هَم نیشته بان دَبان کاسِبی هَکونَن.

کتاب مقدس به زبان مازندرانی - گویش غربی

¹⁴ مَعبدی کَناپِش، چَن نَفِرِ بَئیِه گه دِ گُو و گِسَن و کِتَر روتِنِه، و صَرّافِن هَم نیشت وِنِه دِ کار کِردِنِه.

اِنجیلِ یوحنا 2:14 Iomraidhean Croise

مَرقُس 11:15

وَختی اورشَلیمِ شَهر بَرِسینه، عیسی مَعبِدِ دِله بُورده و اونایی که اونجه دَینه خرید و فروش کاردِنه ره بیرون هاکارده. وه صَرّافونِ تخت و کوتِر روشِنِ بَساطِ له هِدا

مَرقُس 11:17

بعد وِشونِ تَعلیم هِدا و بااوته: «مَگه مِقدَّسِ نوشته هائه دِله بَنوِشته نَییه که، «مِ سِره، تِمومِ قومائه وِسه دِعائه سِره بااوته بونه“ ولی شِما اونِ ”دِزدِ کِلی“ هاکاردینی.

اِنجیلِ یوحنا 2:15

پَس رَسِنِ جِم یِتا شِلّاق بِساته و همـهِ وِشونِ، گُسفِن ها و گو هائه هِمراه، مَعبِدِ جِم بیرون هاکارده. و صَرّافونِ سکّه‌ها ره بِنه سَر دَشِندیه و وِشونِ میزا ره له هِدا،