اِنجیلِ یوحنا 19:42 - کتاب مقدس به زبان مازندرانی - گویش شرقی

⁴² پَس چوون یَهودیون آماده بَیِّن روز، پِسَخِ عیدِ وِسه بییه و اون مقبره هم هَمون نَزیکی بییه، عیسیِ جَسِدِ وه دِله بییِشتِنه.

گیله ماز

⁴² پس چون یَهودیان آماده هَبوسَّن روز، پِسَخِ عیدِ وَسین با و اون مَقبَرِه هَم همون نَزّیکی با، عیسی یه جَسَدِ اونه دِلِه بَنَن.

کتاب مقدس به زبان مازندرانی - گویش غربی

⁴² پس چون یَهودینی آمادِه بَووئَنی روز، پِسَخی عیدی سِه وِه، و هون مَقبَرِه هَم هَمون نَزیکی وِه، عیسایی جَسَدِ وی دِلِه بِشتِنِه.

اِنجیلِ یوحنا 19:42 Iomraidhean Croise

اِنجیلِ مَتّی 12:40

هَمون طی كه یونس سه شو و سه روز یِتا گَتِ ماهیِ اِشکِمِ دِله بَمونِسه بییه، اِنسانِ ریکا هَم، سه شو و سه روز زِمینِ دلِ دِله موندِنه.

اِنجیلِ یوحنا 19:14

اون روز، یِتا روز قبل از پِسَخِ عید بییه، که یَهودیون شه ره پِسَخِ عیدِ وِسه حاضر کاردِنه، نَزیکِ ظِهر بییه. پیلاتُس یَهودیونِ بااوته: «هارِشین این هم شِمه پادشاه!»

اِنجیلِ یوحنا 19:20

یَته خَله یَهودیون اون کَتیبه ره بَخوندِسِنه، چوون جایی که عیسی ره مَصلوب هاکاردِنه شَهرِ نَزیکی بییه و اون کتیبه، آرامی و لاتینی و یونانیِ زِوون بَنوِشته بَییه بییه.

اِنجیلِ یوحنا 19:31

چوون اون روز، پِسَخِ عیدِ آماده بَیِّنِ روز بییه، و روز بَعد، یَهودیونِ گَتِ مِقدَّسِ شنبه بییه. یَهودیونِ گَت گَتِ نِخواسِنه جَسِدا تا فِردا صَلیبِ سَر بَمونه، پیلاتُسِ جِم بَخواسِنه تا اون سه نَفِرِ لینگِ ساقِ بِشکِنِن، تا بَتونِن وِشونِ جَسِدِ صلیبِ جِم جِر بیارِن.

اِنجیلِ یوحنا 19:41

اونجه که عیسی مَصلوب بَییه، یِتا باغ دَییه و اون باغِ دِله یِتا تازه مَقبره دَییه که هَمتی مِرده‌ای ره اونِ دِله نییِشته بینه.

اعمال رَسولان 13:29

و وَختی تِموم اونچی ره که وه خَوِری بَنوِشته بَییه بییه ره اِنجام هِدانه، وه ره صلیبِ جِم جِر بیاردِنه، مَقبَره دِله بییِشتِنه.

اوّلین نامِه قُرنتیانی سِه 15:4

و اینکه دَفن بَییه، و اینکه سِوّمین روزِ دِله مِرده هائه جِم زِنده بَییه هَمون طی که مِقدَّسِ نوشته هائه دِله بیَمو،

کولُسیان 2:12

وه هِمراه غسلِ تعمیدِ دِله، دَفن بَینی، و ایمونِ طریق که خِدائه قِوَّتِ هِمراه عمل کانده که مَسیحِ مِرده هائه جِم زنده هاکارده، وه هِمراه زنده بَینی.