اِنجیلِ یوحنا 19:41 - کتاب مقدس به زبان مازندرانی - گویش شرقی

⁴¹ اونجه که عیسی مَصلوب بَییه، یِتا باغ دَییه و اون باغِ دِله یِتا تازه مَقبره دَییه که هَمتی مِرده‌ای ره اونِ دِله نییِشته بینه.

گیله ماز

⁴¹ اوجِه که عیسی مَصلوب هَبا، ایتا باغ با و اون باغِ دِلِه ایتا تازِه مَقبَرِه دَبا که هنوز مُرده ایی رِه اونه دِلِه نَنَه بان.

کتاب مقدس به زبان مازندرانی - گویش غربی

⁴¹ اوجِه گه عیسی مَصلوب بَوِه، یَتِه باغ دَوِه و هون باغی دِلِه یَتِه تازِه مَقبَرِه دَوِه گه حَلا مِردِه ای رِه اونی دِلِه نِشت وِنِه.

اِنجیلِ یوحنا 19:41 Iomraidhean Croise

اِنجیلِ مَتّی 27:60

و یِتا سَنگِ مَقبرهِ دِله که تازِه شه وِسه بَتِراشی بییه، بییِشته. بعد یِتا گَتِ سَنگ، مَقبرِ جلو غَلت هِدا و بُورده.

لوقا 23:53

بعد عیسیِ جَسِدِ جِر بیارده و اونِ کَتونِ کَفِنِ دِله دَپیته و یِتا مَقبره‌ِ دِله که صخرهِ دِله بَتِراشی بییه، بییِشته که تا اون مووقه هیچ کَسِ اونِ دِله نییِشته بینه.

اِنجیلِ یوحنا 19:42

پَس چوون یَهودیون آماده بَیِّن روز، پِسَخِ عیدِ وِسه بییه و اون مقبره هم هَمون نَزیکی بییه، عیسیِ جَسِدِ وه دِله بییِشتِنه.

اِنجیلِ یوحنا 20:15

عیسی وه ره بااوته: «ای زِنا چه بِرمه کاندی؟ کِنه دِمبال گِردِنی؟» مریِم خیال هاکارده باغبونِ، بااوته: «آقا، اگه تِ وه ره بَییتی، مِ ره بار کجه بییِشتی تا بُورِم و وه ره بَیرِم.»