اِنجیلِ یوحنا 19:38 - کتاب مقدس به زبان مازندرانی - گویش شرقی

³⁸ بعد از این اتفاقا، یوسِف، که اَهلِ رامه بییه، پیلاتُسِ جِم اِجازه بَخواسه تا عیسیِ جَسِدِ بَیره. یوسِف عیسیِ شاگرد بییه، ولی یِواشکی، چوون یَهودیونِ جِم تَرسیه. پیلاتُس وه ره اِجازه هِدا. پَس بییَمو، عیسیِ جَسِدِ بَییته.

گیله ماز

³⁸ بعد از این اِتِّفاقان، یوسِف که رامه جی با، پیلاتُسِ جی اِجازه بِخَسِّه تا عیسی یه جَسَدِ هَگیره. یوسِف، عیسی یه شاگِرد با، وَلی یَواشکی، چون یَهودیِانِ جی تَرسِنِه با. پیلاتُس اونه اجازِه هَدَه. پس بوما عیسی یه جَسَدِ بِیته.

کتاب مقدس به زبان مازندرانی - گویش غربی

³⁸ بعد از هَین اِتِّفاقا، یوسِف گه اَهلِ رامَه وِه، پیلاتُسی جا اِجازه بَخوایسِه تا عیسایی جَسَدِ بَیرِه. یوسِف، عیسایی شاگِرد وِه، ولی یَواشکی، چون یَهودیِنی جا تَرسی وِه. پیلاتُس وِرِه اجازِه هادا. پس بیمو عیسایی جَسَدِ بَیتِه.

اِنجیلِ یوحنا 19:38 Iomraidhean Croise

اِنجیلِ یوحنا 12:42

با این وجود، حَتَّی قومِ گَت گَتِ جِم خَیلیا عیسی ره ایمون بیاردِنه، ولی فریسیون تَرسِ جِم، شه ایمونِ مِقِر نییَمونه، تا نِکِنه وِشونِ، عبادتگاه جِم بیرون هاکانِن.

اِنجیلِ یوحنا 7:13

ولی چوون یَهودیونِ جِم تَرسینه، وه خَوِری هیچ کی عَلِنی گَب نَزوئِه.

اِنجیلِ یوحنا 9:22

اون مَردیِ پییِرمار یَهودیونِ تَرسِ جِم این چیا ره بااوتِنه. چوون یَهودیون قَبلِاً هَمَدَس بَییه بینه هر کی اِقرار هاکانه که عیسی هَمون مَسیحِ موعود، وه ره عِبادَتگاهِ جِم بیرون هاکانِن.

اعمال رَسولان 13:29

و وَختی تِموم اونچی ره که وه خَوِری بَنوِشته بَییه بییه ره اِنجام هِدانه، وه ره صلیبِ جِم جِر بیاردِنه، مَقبَره دِله بییِشتِنه.

فیلیپیان 1:14

و مِ زندون دَکِتِنِ باعث بَییه که ویشتر بِرارون، خِداوندِ دِله وِشونِ دِل، قَویتر بَووه تا تِمومِ جِرأتِ هِمراه، بی تَرس خِدائه کِلامِ بارِن.