اِنجیلِ یوحنا 18:4 - کتاب مقدس به زبان مازندرانی - گویش شرقی

⁴ عیسی، با اون که دونِسه چی وه سَر اِنه، جلو بُورده و وِشونِ بااوته: «کِنه دِمبال گِردِنِنی؟»

گیله ماز

⁴ عیسی با اونکِه دَانِسِّه چی اونه سَر هَنِه، پِیش بَشَه و اوشانه باَگوته: «کِیه دُمّال گَردِنِین؟»

کتاب مقدس به زبان مازندرانی - گویش غربی

⁴ عیسی با اونگِه دِنِّسِه چی وی سَر اِنِه، پِش بوردِه و وِشونِه بُتِه: «کِنی دِمال گِردِنِنی؟»

اِنجیلِ یوحنا 18:4 Iomraidhean Croise

اِنجیلِ مَتّی 16:21

اَزون بعد، عیسی شه شاگِردونِ گاته که وه اورشَلیم شونه، اونجه مَشایخ و مَعبِدِ گَت گَتِ کاهِنون و توراتِ مَلِّمون وه ره آزار دِنِنه و کُشِنِنه، ولی گاته که سِومین روز زِنده بونه

اِنجیلِ مَتّی 26:2

دوندِنی دِ روز دییه پِسَخِ عیدِ و اِنسانِ ریکا ره تَسلیم کاندِنه تا مَصلوب بَووه.

اِنجیلِ مَتّی 26:21

شوم بَخُردِنه مووقه عیسی بااوته حَییقَتاً شِما ره گامبه: «یِتا اَز شِما مِ ره دِشمِنِ تَسلیم کانده»

اِنجیلِ مَتّی 26:31

اون وَخت عیسی وِشونِ بااوته: «اِمشو شِما هَمه مِ ره تینا اییِلنِنی. چوون که زکریائه پیغمبرِ کتابِ دِله بَنوِشته بَییه: «”چَپونِ زَمبه و رَمهِ گُسفِنا پخش و پِلا بونِنه.“

لوقا 24:44

بعد وِشونِ بااوته: «این هَمونِ که وَختی شِمه هِمراه دَیمه، گاتِمه؛ اِسا تِموم اونچی موسیِ تورات و پِیغَمبِرونِ کِتاب و مزامیرِ دِله مِ خَوِری بَنوشت بَییه هَسه، وِنه اِنجام بَرِسه.»

اِنجیلِ یوحنا 13:1

قبل از پِسَخِ عید، عیسی دونِسه وه ساعت بَرِسیه تا این دِنیائه جِم پییِرِ پَلی بُوره، شه شاگِردونِ که این دِنیائه دِله دوس داشته ره کاملاً مِحَبَّت هاکارده.

اِنجیلِ یوحنا 13:11

چوون دونِسه کی وه ره دِشمِنِ تَسلیم کانده، اینِ وِسه بااوته: «تِمومِ شِما پاک نینی.»

اِنجیلِ یوحنا 18:5

وِشون بااوتِنه: «عیسیِ ناصری.» بااوته: «مِنِ وه هَسِمه.» یَهودا، کِسی که وه ره خیانت هاکارده بییه هم وِشونِ هِمراه اِیست هاکارده بییه.

اِنجیلِ یوحنا 18:7

عیسی اَت کَش دییه وِشونِ جِم بَپِرسیه: «کِنه دِمبال گِردِنِنی؟» وِشون بااوتِنه: «عیسیِ ناصری.»

اِنجیلِ یوحنا 19:28

بَعد از اون عیسی که دونِسه دییه همه چی تِموم بَییه، اونِ وِسه که مِقدَّسِ نوِشته اِنجام بَرِسه، بااوته: «مِ ره تِشنائه.»

اِنجیلِ یوحنا 6:64

ولی شِمه جِم بعضیا دَرِنه که ایمون نیارنِنه.» چوون عیسی از اَوِّل دونِسه چه کِسایی ایمون نیارنِنه و اون کیِ که وه ره دِشمنِ تَسلیم کانده.

اعمال رَسولان 2:28

تِ زندگیِ راهها ره مِ ره یاد هِدایی، تِ شه حِضور هِمراه مِ ره شادیِ جِم پِر کاندی.“

اول پِطرُس 4:1

پَس از اونجه که مَسیح جِسمِ دِله عِذاب بَکِشیه، شِما هم، شه ره این طرزِ فِکرِ هِمراه حاضر و آماده هاکانین، چوون هر کس که جِسمِ دِله عذاب بَکِشیه، دییه گِناهِ هِمراه کاری نِدارنه.