اِنجیلِ یوحنا 18:28 - کتاب مقدس به زبان مازندرانی - گویش شرقی

²⁸ بعد زود صِواحی، عیسی ره قیافائه وَرِ جِم، فرموندارِ کاخِ دِله بَوِردِنه. وِشون شه، فرموندارِ کاخِ دِله نَشینه تا نَجس نَووِن و بَتونِن پِسَخِ عیدِ شومِ بَخُرِن.

گیله ماز

²⁸ عیسی رِه قیافایِ وَرِ جی فَرمانداری کاخِ دِلِه بَبِردَن. اوشان خودشان، فَرمانداری کاخِ دِلِه نَشَن تا نَجِس نَبون و بَتِّنَن پِسَخِ عیدِ شامِ بُخارَن.

کتاب مقدس به زبان مازندرانی - گویش غربی

²⁸ اَزما، صِبحِ دَم عیسی رِه قیافایی وَری جا فَرمونداری کاخی دِلِه بَوِردِنِه. وِشون شِه فَرمونداری کاخی دِلِه نَشینِه تا نَجِس نَووئِن و بَتِنَّن پِسَخی عیدی شُومِ بَخارِن.

اِنجیلِ یوحنا 18:28 Iomraidhean Croise

اِنجیلِ مَتّی 27:27

سَربازون اَوِّل عیسی ره فَرموندارِ کاخِ حیاط دِله بَوِردِنه و هَمهِ دییه سَربازون هم وه دور جَمع بَینه.

مَرقُس 15:16

بعد سَربازون، عیسی ره فَرموندارِ کاخِ حیاطِ دِله بَوِردِنه و همهِ سربازونِ هم یه جا جَمع هاکاردِنه.

لوقا 22:66

وَختی هِوا رووشِن بَییه، قومِ مشایخِ شورا، یعنی گَت گَتِ کاهِنون و توراتِ مَلِّمون، هَمدییه هِمراه جَلِسه بَییتِنه و عیسی ره شورائه پَلی بیاردِنه.

اِنجیلِ یوحنا 11:55

یَهودیونِ پِسَخِ عید نزیک بییه، قبل از عید، خَیلیا از دُورِ اَطراف اورشَلیم بُوردِنه تا قبل از اینکه عید بَرِسه شه رَسمِ رُسومِ پاکی ره به جا بیارِن.

اِنجیلِ یوحنا 18:13

و اَوِّل وه ره حَنّائه پَلی بَوِردِنه. چوون حَنّا قیافائه زَن پییِر بییه. و قیافا اون سال، قومِ کاهِنِ اَعظِم بییه.

اِنجیلِ یوحنا 18:15

شَمعونِ پِطرُس و یِتا دییه شاگِرد، عیسیِ دِمبال بُوردِنه. چوون اون شاگرد کاهِنِ اَعظِمِ آشنا بییه. پَس عیسیِ هِمراه، کاهِنِ اعظمِ سِره حیاط دِله بُورده.

اِنجیلِ یوحنا 18:33

اَی دِواره پیلاتُس کاخِ دِله بَردَگِردِسه و دَستور هِدا عیسی ره، وه پَلی بیارِن و وه ره بااوته: «تِ یَهودیونِ پادشاهی؟»

اِنجیلِ یوحنا 18:39

ولی شِمه رَسم اینِ که پِسَخِ عیدِ دِله وِنه یِتا زِندونی ره شِمه وِسه آزاد هاکانِم؛ خوانِنی یَهودیونِ پادشاه ره شِمه وِسه آزاد هاکانِم؟»

اِنجیلِ یوحنا 19:11

عیسی بااوته: «اگه خِدا، این اِختیارِ تِ ره نِدا بییه تِ هیچ اِختیاری مِ سَر نِداشتی؛ اینِ وِسه، اونی که مِ ره تِ تَحویل هِدا، وه گِناه ویشتَرِ.»

اِنجیلِ یوحنا 19:14

اون روز، یِتا روز قبل از پِسَخِ عید بییه، که یَهودیون شه ره پِسَخِ عیدِ وِسه حاضر کاردِنه، نَزیکِ ظِهر بییه. پیلاتُس یَهودیونِ بااوته: «هارِشین این هم شِمه پادشاه!»

اِنجیلِ یوحنا 19:9

اَی دِواره کاخِ دِله بَردَگِردِسه و عیسیِ جِم بَپِرسیه: «تِ کجایی هَسی؟» ولی عیسی هیچی جِواب نِدا.

اعمال رَسولان 10:28

پِطرُس وِشونِ بااوته: «شِما شه دوندِنی که یَهودیونِ وِسه جایز نییه که یِتا دییه قومِ هِمراه معاشرت هاکانِن یا وِشونِ سِره بورِن. ولی خِدا مِ ره سِراغ هِدا که نَوِسه هیچ کسِ نَجس یا ناپاک بارِم.

اعمال رَسولان 10:32

اِسا چَن نَفِرِ یافا بَفرِس و شَمعونِ مَعروف به پِطرُسِ اینجه بیار. وه شَمعونِ دَبّاغِ پَلی که وه سِره دریالو هَسه مهمونه.“

اعمال رَسولان 11:3

«تِ ختنه‌نَییه هائه سِره دِله بوردی و وِشونِ هِمراه غِذا بَخُردی»

اعمال رَسولان 3:13

ابراهیمِ خِدا و اِسحاقِ خِدا و یَعقوبِ خِدا، اَمه پییِرونِ خِدا، شه خادِم عیسی ره جِلال هِدا، همونی که شِما وه ره تَسلیم هاکاردینی و پیلاتُسِ فرموندارِ پَلی وه ره اِنکار هاکاردینی، هرچَن پیلاتُسِ نَظِر این بییه که وه ره آزاد هاکانه.

اعمال رَسولان 4:27

راس راسی که این شَهرِ دِله، هیرودیسِ حاکم و پُنتیوس پیلاتُس، غیرِ یَهودیون و یَهودِ مَردِمِ هِمراه تِ مِقدَّسِ خادم عیسیِ علیه که وه ره مَسح هاکاردی، هَمدَس بَینه،