اِنجیلِ یوحنا 17:13 - کتاب مقدس به زبان مازندرانی - گویش شرقی

¹³ ولی اِسا تِ پَلی اِمبه و این گبا ره مووقه ای زَمبه که هَمتی این دِنیائه دِله دَرِمبه، تا مِ خِشالی ره شه دلِ دِله کامل دارِن.

گیله ماز

¹³ وَلی اَسِه تی وَرجه هَنَم و این گَبارِه موقِه ایی زَنَم که هَلَه این دُنیایِ دِلِه دَرِم، تا می خُشحالی رِه خودِشانِه دِلِ میَن کامِل بِدارِن.

کتاب مقدس به زبان مازندرانی - گویش غربی

¹³ ولی اِسا تی وَر اِمِه و هَین گَبارِه موقِه ای زَمِّه گه حَلا هَین دِنیایی دِلِه دَرمِه، تا می خِشالی رِه شی دِلی دِلِه کامِل دارِن.

اِنجیلِ یوحنا 17:13 Iomraidhean Croise

اِنجیلِ یوحنا 13:3

عیسی که دونِسه پییِر همه چی ره وه دَس بِسپارِسه و خِدائه طَرِفِ جِم بییَمو و خِدائه پَلی شونه،

اِنجیلِ یوحنا 15:11

این چیا ره شِما ره بااوتِمه تا مِ خِشالی، شِمه دِله دَووه و شِمه خِشالی کامل بَووه.

اِنجیلِ یوحنا 16:33

اینا ره شِما ره بااوتِمه تا مِ دِله آرامش دارین. دِنیائه دِله زَحمِت و عِذاب، شِمه وِسه دَره؛ ولی شِمه دِل قِرص بوئه، چوون مِن دِنیا ره پیروز بَیمه.»

اِنجیلِ یوحنا 17:11

ویشتر از این دییه دِنیائه دِله نَموندِمبه، ولی وِشون دِنیائه دِله دَرِنه؛ مِن تِ پَلی اِمبه. ای قدّوسِ پییِر، اونایی که مِ ره هِدایی ره شه اسمِ هِمراه حِفظ هاکان، تا یِتا بَووِن، هَمون طی که اِما یِتا هَسیمی.

اِنجیلِ یوحنا 3:29

آروس، دومادِ وِسه هَسه، دومادِ رَفِق که اِیست هاکارده و وه ره گوش دِنه، دومادِ صِدائه جِم خَله خِشالی کانده. مِ خِشالی هم همین طی کامل بَییه .

اِنجیلِ یوحنا 7:33

اون وَخت عیسی بااوته: «یه چَن وَخت دییه شِمه هِمراه دَرِمبه، و بعد شه بَفرِسیهِ پَلی شومبه.

اعمال رَسولان 13:52

شاگِردون روح القدس و خِشالیِ جِم پِر بینه.

رومی ایشون 14:17

چوون خِدائه پادشاهی، بَخُردِن و بَنوشییِن نییه، بلکه صالحی، صِلح و سِلامتی و خِشالی، روح‌القدسِ دِله ئه.

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

نامِه مَسیحینی عبرانی نِژادی سِه 12:2

و اَمه چِش فِقَط عیسی ره بوئه که اَمه ایمونِ پِی هَسه و اَمه ایمونِ کامل کانده و اون خِشالیِ خاطِری که وه پیش رو دَییه، صَلیبِ تِحَمُّل هاکارده، وه ننگ و عارِ نَدید بَییته و خِدائه راسِ دَسِ تَختِ وَر نیشته.

اوّل یوحنا 1:4

اِما اینِ شِمه وِسه نِویسِمبی تا اَمه خِشالی کامل بَووه.

دوم یوحنا 1:12

هر چَن خَله چیا دارمه که شِمه وِسه بَنِویسِم، ولی نِخوامبه مِرَکَّب و کاغذِ هِمراه بوئه. بلکه امید دارمه شِمه پَلی بِیِّم و رو در رو گَب بَزِنیم تا اَمه خِشالی کامل بَووه.