اِنجیلِ یوحنا 16:30 - کتاب مقدس به زبان مازندرانی - گویش شرقی

³⁰ اِسا دییه دُومبی همه چیِ جِم خَوِر دارنی و نیاز نِدارنی کِسی تِ جِم سِئالی بَپِرسه. اینِ وِسه، باوِر دارمی که خِدائه طَرِفِ جِم بییَموئی.»

گیله ماز

³⁰ اَسِه دانیم هَمِه چی یه جی خَبِر داری و نیاز نِداری کَسی تی جی سوال بَپُرسِه. اینِه وَسین باوَر داریم که خدایِ طَرفِ جی بومَیی.»

کتاب مقدس به زبان مازندرانی - گویش غربی

³⁰ اِسا دِ دِمّی هَمه چی ای جا خَوَر دارنی و نیاز نارنی کَسی تیجا سوالی بَپُرسِه. هَینِسه باوَر دارمی گه خدایی طَرفی جا بیموئی.»

اِنجیلِ یوحنا 16:30 Iomraidhean Croise

اِنجیلِ یوحنا 16:17

اون وَخت وه شاگِردونِ جِم بعضیا هَمدییه ره بااوتِنه: «وه منظور چیه که گانه”اَت کم دییه، دییه مِ ره نَویندِنی، و اَت کم دییه، اَی دِواره مِ ره ویندِنی“؟ یا اینکه گانه”چوون پییِرِ پَلی شومبه“؟»

اِنجیلِ یوحنا 16:23

اون روز، دییه هیچی مِ جِم نِخوانِنی. حَییقَتاً، شِما ره گامبه، هر چی آسِمونی پییِرِ جِم مِ اسمِ هِمراه بِخوائین، اونِ شِما ره دِنه.

اِنجیلِ یوحنا 16:26

اون روز، مِ اسم هِمراه دَرخواس کاندینی. و شِما ره نارمه که مِن شِمه طَرِفِ جِم دَرخواس کامبه،

اِنجیلِ یوحنا 16:31

عیسی وِشونِ بااوته: «اَلان، باوِر دارنِنی؟

اِنجیلِ یوحنا 17:8

چوون کِلامی ره که مِ ره هِدایی، وِشونِ هِدامه، و وِشون اونِ قَبول هاکاردِنه و حَییقَتاً بِفَهمِسِنه که تِ طَرِفِ جِم بییَمومه، و باور هاکاردِنه که تِ مِ ره بَفرِسی ای.

اِنجیلِ یوحنا 2:11

این طی عیسی شه اَوِّلین نِشونه و معجِزه ره قانایِ جَلیلِ دِله اِنجام هِدا و شه جِلالِ ظاهر هاکارده و وه شاگِردون وه ره ایمون بیاردِنه.

اِنجیلِ یوحنا 21:17

سِوّمین کَش عیسی وه ره بااوته: «ای شَمعون، یوحنائه ریکا، مِ ره دوس دارنی؟» پِطرُس از اینکه عیسی سه کَش وه جِم بَپِرسیه، «مِ ره دوس دارنی؟» نارِحَت بَییه و بااوته: «آقا، تِ همه چیِ جِم خَوِر داری؛ تِ که دوندی تِ ره دوس دارمه.» عیسی بااوته: «مِ گُسفِنا ره خِراک هاده.»

اِنجیلِ یوحنا 5:20

چوون پییِر، ریکا ره دوس دارنه و هر چی شه کانده ره وه ره سِراغ دِنه و این کارائه جِم گَتتِر هم وه ره سِراغ دِنه تا شِما بِهت هاکانین.

اِنجیلِ یوحنا 8:42

عیسی وِشونِ بااوته: «اگه خِدا شِمه پییِر بییه، مِ ره دوس داشتینی، چوون مِن خِدائه طَرِفِ جِم بییَمومه و اَلان اینجه دَرِمبه. مِن سَر خِد نییَمومه، بلکه وه مِ ره بَفرِسیه.

نامِه مَسیحینی عبرانی نِژادی سِه 4:13

هیچ خَلق بَییه ای خِدائه چِشِ جِم جا هِدا نییه، بلکه همه چی وه چِشائه روب رو که اِما وِنه وه ره حِساب پَس هادیم، لِختِ پتی و دیارِ.