اِنجیلِ یوحنا 15:26 - کتاب مقدس به زبان مازندرانی - گویش شرقی

²⁶ «ولی وَختی اون پِشتیبون که اونِ پییِرِ طَرِفِ جِم شِمه وِسه رِسِندِمبه، بِیّه، یعنی حَییقِتِ روح که پییِرِ جِم اِنه، وه مِ خَوِری شِهادت دِنه.

گیله ماز

²⁶ «وَلی وَختی اون پُشتیبان که پیَر طَرفِ جی شِمِره روانه کانَم بییِه، یَعنی روحِ راسّی که پیَرِ طَرَفِ جی هَنه، اون خودِش می بارِه شَهادَت دَنِه.

کتاب مقدس به زبان مازندرانی - گویش غربی

²⁶ «ولی وختی هون پِشتیبون گه اونِه پیری طَرفی جا شِمِسِه رَسامِّه بیِه، یَعنی حَیقَتی روح گه پیری جا اِنِه، وی می خَوَری شَهادَت دِنِه.

اِنجیلِ یوحنا 15:26 Iomraidhean Croise

لوقا 24:49

اِسا مِن اونچی ره که مِ آسِمونی پییِر شِما ره وَعده هِدا بییه ره شِمه وِسه رِسِندمبه؛ ولی این شَهرِ دِله بَمونین تا مووقه ای که خِدائه قِوَّتِ اَعلیِ جِم، شه تَن دَکُنین.»

اِنجیلِ یوحنا 14:26

ولی اون پِشتیبون، یعنی روح‌القُدُس، که پییِر وه ره مِ اسمِ هِمراه رِسِندِنه، وه همه چی ره شِما ره یاد دِنه و هر چیِ که مِن شِما ره بااوتِمه ره شِمه یاد یارنه.

اِنجیلِ یوحنا 16:7

با این وجود حَییقَتِ شِما ره گامبه، شِمه نَفعِ که مِن بُورِم. چوون اگه نَشوئِم، اون پِشتیبون شِمه پَلی نِننه؛ ولی اگه بُورِم وه ره شِمه پَلی رِسِندِمبه.

اِنجیلِ یوحنا 8:42

عیسی وِشونِ بااوته: «اگه خِدا شِمه پییِر بییه، مِ ره دوس داشتینی، چوون مِن خِدائه طَرِفِ جِم بییَمومه و اَلان اینجه دَرِمبه. مِن سَر خِد نییَمومه، بلکه وه مِ ره بَفرِسیه.

اعمال رَسولان 1:4

عیسی وَختی رَسولونِ هِمراه دَییه وِشونِ دَستور هِدا که: «اورشَلیمِ شَهرِ جِم نَشوئِن، بلکه آسِمونی پییِرِ اون وعدهِ اِنتِظارِ بَکِشِن. و بااوته هَمون طی که مِ جِم بِشنُسِنی:

اعمال رَسولان 15:8

و خِدایی که دلِ جِم خَوِر دارنه، وِشونِ وِسه شِهادت هِدا و روح القُدُسِ وِشونِ هِدا، هَمون طی که اِما ره هِدا.

اعمال رَسولان 5:32

و اِما این جَریانِ شاهِدیمی، هَمون طی که روح‌القدس هم شاهِدِ، هَمون روحی که خِدا وه ره شه مُطیعون بِبَخشیه.»

اوّلین نامِه قُرنتیانی سِه 1:6

حَتّی اون طی که اَمه گِواهی، مَسیحِ خَوِری شِمه میون تأیید بَییه.

نامِه مَسیحینی عبرانی نِژادی سِه 2:4

هَمون طی که خِدا هم جورواجورِ نشونه ها و عجیب غَریبِ معجزات، و روح‌القدسِ عطاها، که طبقِ شه اِراده دِنه، اون، نِجاتِ گواهی هِدا.

یوحنایِ مکاشفه 22:1

بعد اون فرشته زندگیِ رودخانهِ اوه ره مِ ره سِراغ هِدا که بلورِ واری شفاف بییه و خِدا و وَرهِ تَختِ جِم سَرازیر بونِسه