اِنجیلِ یوحنا 15:16 - کتاب مقدس به زبان مازندرانی - گویش شرقی

¹⁶ شِما مِ ره انتخاب نَکاردینی، بلکه مِن شِما ره اِنتخاب هاکاردِمه و بَفرِسیمه تا بُورین و میوه بیارین و شِمه میوه بَمونه، تا هر چی پییِرِ جِم مِ اسمِ هِمراه بَخواین شِما ره هاده.

گیله ماز

¹⁶ شُما مَرِه اِنتِخاب نَکُردِین، بلکه مَن شِمِره اِنتِخاب هَکُردَم و روانه هَکوردَم تا بیشین و میوِه بیارین و شِیمی میوِه بُمانه، تا هر چی پیَرِ جی می اِسمِ هَمرَه بِخواین شِمِره هَدِه.

کتاب مقدس به زبان مازندرانی - گویش غربی

¹⁶ شِما مِنِه اِنتِخاب نَکِردِنی، بَلگی مِن شِمارِ اِنتِخاب هاکِردِمِه و بَرِسانیمِه تا بورین و میوِه بیارین و شِمِه میوِه بَمونِّه، تا هر چی پیری جا می اِسمی هَمرا بَخواین شِمارِ هادِه.

اِنجیلِ یوحنا 15:16 Iomraidhean Croise

اِنجیلِ مَتّی 21:22

هَر چی دِعائه دِله بِخوائین، به دَس یارنِنی، به شَرطی که ایمون دارین.»

اِنجیلِ مَتّی 7:7

«بَخواین، که شما ره هِدا بونه. بَگِردین، که پی دا کاندینی. در بَزِنین، که در شِمه رو واز بونه.

لوقا 6:13

زودِ صِواحی شه شاگِردونِ صدا هاکارده، و وِشونِ دِله دِوازدَه نَفِرِ اِنتخاب هاکارده و وِشونِ اِسمِ رَسول بییِشته:

اِنجیلِ یوحنا 13:18

«اونچی گامبه شِما همهِ خَوِری نییه. مِن، اوناییِ که اِنتخاب هاکاردِمه ره اِشناسِمبه. ولی مِقَدّس نوِشته هائه این گَب وِنه حَییقت بَرِسه که گانه ”اونی که مِ نونِ بَخُرده مِ هِمراه دِشمِنی هاکارده.“

اِنجیلِ یوحنا 15:19

اگه شِما دِنیائه وِسه بینی، دِنیا شِما ره شه آدِمون واری دوس داشته. ولی چوون دِنیائه وِسه نینی، بلکه مِن شِما ره دِنیائه جِم اِنتخاب هاکاردِمه، دِنیا شِمه جِم بیزارِ.

اِنجیلِ یوحنا 15:5

«مِن اَنگور دارِمه و شِما مِ رَزِنی. کِسی که مِ دِله موندِنه و مِن وه دِله، وه اونیِ که خَله میوه یارنه؛ چوون مِ جِم سیوا، هیچ کاری نَتوندِنی هاکانین.

اِنجیلِ یوحنا 6:70

عیسی وِشونِ جِواب هِدا: «مَگه شِما دِوازدِه نَفِرِ مِن اِنتخاب نَکاردِمه؟ با این وجود، یه نَفِر از شِما یِتا ابلیسِ.»

اعمال رَسولان 1:24

بعد این طی دِعا هاکاردِنه و بااوتِنه: «اِی خِداوند، تِ تِمومِ آدِمونِ دلِ جِم خَوِر دارنی. تِ شه اِما ره سِراغ هاده این دِتائه جِم کِدوم یِتا ره انتخاب هاکاردی

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 10:41

ولی نا هَمهِ مَردِمِ وِسه، بلکه اَمه وِسه که خِدائه طَرِفِ جِم انتخاب بَییه بیمی که شاهِدون بوئیم، اِمایی که بعد از اینکه مِرده هائه جِم زنده بَییه، وه هِمراه بَخُردیمی و بَنوشیمی.

اعمال رَسولان 22:14

«حنانیا بااوته: ”اَمه پییِرونِ خِدا تِ ره انتخاب هاکارده تا وه اِراده ره بَدونی و اون صالح ره بَوینی و وه دِهونِ جِم گَب هایی ره بِشنُئی.

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 1:5

خِدا مَسیحِ طریق، اِما ره فِیض هِدا تا وه رسولون بوئیم و تِموم قوم ها ره راهنِمایی هاکانیم که مَسیحِ اسمِ ایمون بیارِن و وه جِم اِطاعت هاکانِن.

رومی ایشون 15:4

چوون هر چی که قَدیم نَدیما بَنوِشته بَییه، اَمه تَعلیمِ وِسه بییه تا پایداری و اون دلگرمی ای هِمراه که مِقدَّسِ نوِشته ها دِنه ره امید داریم.

رومی ایشون 9:21

مگه یِتا پیلکا ساز اختیار نِدارنه که یِتا میس گِلِ جِم، یِتا ظَرف، مهمِ کارهائه وِسه و یِتا دییه ظَرف، اون کارهایی که مهم نییهِ وِسه، بَسازه؟

اوّلین نامِه قُرنتیانی سِه 10:11

این کار، نمونهِ واری وِشونِ وِسه اِتّفاق دَکِته و بَنوِشته بَییه تا اَمه وِسه دَرسِ عبرتی بوئه که اون دورهِ دِله زندگی کامبی که آخِرِ زِمونِ.

غَلاطیان 1:15

ولی وَختی اون که مِ ره حَتَّی مِ مارِ اِشکمِ دِله، شه کارِ خاطری وَقف هاکارده بییه و شه فیضِ طریق مِ ره دَعوِت هاکرده، اونِ خِشالی اینِ دِله بییه

اِفِسُسیان 2:10

چوون اِما خِدائه دَسِ کاریمی، و مَسیحْ عیسیِ دِله خَلق بَیمی تا خوارِ کارا هاکانیم، اون کارایی که خِدا قبلتر آماده هاکارده تا اونائه دِله قَدِم بییِلیم.

کولُسیان 1:23

اگه راس راسی شِما ایمونِ دِله، محکم و پابرجا بوئین و اون انجیلِ امیدِ جِم تِکون نَخُرین، هَمون انجیل که آسمونِ بِنِ تِمومِ خلقتِ وِسه اِعلام بَییه، و مِن، پولُس، اونِ نوکِر بَیمه.

کولُسیان 1:6

اِنجیلی که شِما ره بَرِسیه و هَمون طی که تِمومِ دِنیائه دِله هم بَرِسیه ثَمِر یارنه و زیاد بونه، جوری که شِمه میون هم، اون روزِ جِم که اونِ بِشنُسینی و خِدائه فیضِ حَییقَتِ دِله بِفَهمِسِنی، کار هاکارده.

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

دوم تیموتائوس 1:11

که مِن اونِ وِسه انتخاب بَیمه تا این انجیلِ رسول و مَلِّم بووِم و موعظه هاکانِم.

دوم تیموتائوس 2:2

و اون چیایی که خَله شاهِدونِ روب رو مِ جِم بِشنُسی ره، وِفادارِ آدِمونِ بِسپار که توندِنی بَقیه ره هم یاد هادین.

تیتوس 1:5

اینِ وِسه تِ ره کْرتِ جزیرهِ دِله سَر اییِشتِمه تا نصف و نیمه کارا ره سَرسامون هادی و هَمون‌ طی که تِ ره بااوتِمه، هر شهری دِله مشایخی ره بییِلی.

نامِه مَسیحینی عبرانی نِژادی سِه 11:4

ایمونِ هِمراه بییه که هابیل، قِروونی ای پیشکش هاکارده که قائِنِ قروونیِ جِم ویشتر قبول بَییه که این وِسه وه خَوِری گِواهی هِدا. که وه صالحِ. خِدا وه هَدیه هائه قبول هاکاردِنِ هِمراه وه خَوِری شهادت هِدا. و هر چَن وه بَمِرده، ایمونِ خاطری هَمتی گَب زَنده.

یعقوبِ نامه 3:18

صالحی، محصولیِ که صِلح و صِفائه دِله، اونایی که صلحِ دِمبال دَرِنهِ دَسِ هِمراه، دَکاشته بونه.

اول پِطرُس 3:15

بلکه شه دلِ دِله خِداوند مَسیحِ، قُدّوس بِشمارین و وه ره اِحترام بییِلین و هَمِش آماده بوئین تا هر کی اون امیدِ دلیلِ، که شِمه دِله دَره ره، بَپِرسه، وه ره جِواب هادین، البته اِحترام و نرمیِ هِمراه.

اول پِطرُس 3:2

وَختی که وِشون شِمه پاک و محترمانه رفتارِ ویندِنه.

اوّل یوحنا 4:10

مِحَبَّت همینِ، نا اون که اِما خِدا ره مِحَبَّت هاکاردیمی، بلکه وه اِما ره مِحَبَّت هاکاردو شه ریکا ره بَفرِسیه تا اَمه گِناهونِ کَفّاره بوئه.

اوّل یوحنا 4:19

اِما مِحَبَّت کامبی چوون اَوِّل وه اِما ره مِحَبَّت هاکارده.