اِنجیلِ یوحنا 15:14 - کتاب مقدس به زبان مازندرانی - گویش شرقی

¹⁴ اگه اونچی شِما ره حِکم کامبه ره اِنجام هادین، مِ رَفِقونِنی.

گیله ماز

¹⁴ اَگِه اونچه شِمِره حُکم کانَم رِه عَمل هَکُنید، می رَفیقانید.

کتاب مقدس به زبان مازندرانی - گویش غربی

¹⁴ اگه اونچی شِمارِ حِکم کِمِّه رِه عَمل هاکِنین، می رَفِقِنِنی.

اِنجیلِ یوحنا 15:14 Iomraidhean Croise

اِنجیلِ مَتّی 12:50

هر کی مِ آسِمونی پییِرِ خواسه ره اِنجام هاده، وه مِ بِرار و خواخِر و مارِ.»

لوقا 12:4

«مِ رَفِقون، شِما ره گامبه از اونایی که توندِنه فِقَط شِمه تَنِ بَکوشِن و بَعد از اون دییه نَتوندِنه، کارِ دییه ای هاکانِن نَتِرسین.

اِنجیلِ یوحنا 13:17

اِسا که اینا ره دوندِنی، خِش به حالِ شِما اگه اینا ره اِنجام هادین.

اِنجیلِ یوحنا 14:15

«اگِه مِ ره دوس دارنِنی، مِ اَحکامِ به جا بیارین.

اِنجیلِ یوحنا 14:21

اونی که مِ اَحکامِ دارنه و اونا ره به جا یارنه، وه هَمون تائه که مِ ره دوس دارنه؛ و اونی که مِ ره دوس دارنه، مِ پییِر وه ره دوس دارنه و مِنِم وه ره دوس دارمه و شه ره وه ره سِراغ دِمبه.»

اِنجیلِ یوحنا 14:28

بِشنُسِنی که شِما ره بااوتِمه، ”مِن شُومبه، ولی اَی هم شِمه پَلی اِمبه.“ اگه مِ ره دوس داشتینی، مِ هِمراه خِشالی کاردینی، اینِ وِسه که پییِرِ پَلی شومبه، چوون پییِر مِ جِم گَت تِرِ.

اِنجیلِ یوحنا 2:5

وه مار نوکِرونِ بااوته: «هر چی شِما ره گانه، هاکانین.»

یعقوبِ نامه 2:23

و اون تورات حییقت بَرِسیه که گانه: «اِبراهیم خِدا ره ایمون بیارده و این وه وِسه صالحی بِشمارِسه بَییه،» و وه خِدائه رَفِق بااوته بَییه.

اوّل یوحنا 5:3

چوون خِدائه دوس داشتن اینِ که وه اَحکامِ عَمِل هاکانیم و وه اَحکام سنگین نییه.