اِنجیلِ یوحنا 12:47 - کتاب مقدس به زبان مازندرانی - گویش شرقی

⁴⁷ اگه کِسی مِ گَب ها ره بِشنُئه، ولی اونا ره به جا نیاره، مِن وه ره داوِری نَکامبه؛ چوون نییَمومه تا این دِنیائه مَردِمِ داوِری هاکانِم، بلکه بییَمومه تا وِشونِ نِجات هادِم.

گیله ماز

⁴⁷ اَگه کَسی می گَبِ بِشنوئهِ، وَلی اونِه بِجا نیارِه، مَن اونه داوَری نُکانَم؛ چون نومَم این دُنیایِ مردُم رِه داوَری هَکُنَم، بلکه بومَم تا اوشانه نِجات هَدَم.

کتاب مقدس به زبان مازندرانی - گویش غربی

⁴⁷ اگه کَسی می گَبِ بِشنُئِه، ولی اونِه بِجا نیارِه، مِن وِرِه داوَری نَکِمِّه؛ چون نیمومِه هَین دِنیایی مَردِنِ داوَری هاکِنِم، بَلگی بیمومِه تا وِشونِه نِجات هادِم.

اِنجیلِ یوحنا 12:47 Iomraidhean Croise

اِنجیلِ مَتّی 18:10

«هیچ وَخت این کِچیکِ وَچونِ کِچیک نِشمارین. چوون شِما ره گامبه وِشونِ فِرِشته ها، آسِمونِ دِله هَمِش مِ آسِمونی پییِرِ دیمِ ویندِنه.

اِنجیلِ مَتّی 18:11

چوون اِنسانِ ریکا، بییَموئه تا گوم بَییه ها ره نِجات هاده.

اِنجیلِ مَتّی 20:28

حَتّی اِنسانِ ریکا هَم نییَمو تا وه ره خِدمِت هاکانِن، بلکه بییَمو خِدمِت هاکانه و شه جانِ، خَیلیائه نِجاتِ وِسه فِدا هاکانِه.

لوقا 19:10

چوون اِنسانِ ریکا بییَمو تا گوم بَیّه ره پی دا هاکانه و نِجات هاده.»

لوقا 9:56

چوون اِنسانِ ریکا نییَمو تا مَردِمِ جانِ هِلاک هاکانه بلکه بییَمو تا اونِ نِجات هاده.»] بعد عیسی و وه شاگِردون یِتا دییه روستا بُوردِنه.

اِنجیلِ یوحنا 12:48

اونیِ وِسه که مِ ره رد هاکانه و مِ گَب ها ره قَبول نَکِنه، یِتا دییه داوِر دَره؛ هَمون گَب هایی که بَزومه قیامِتِ روز وه ره داوِری کانده.

اِنجیلِ یوحنا 3:17

چوون خِدا شه ریکا ره دِنیائه دِله نَفرِسیه تا دِنیائه مَردِمِ مَحکوم هاکانه، بلکه بَفرِسیه تا دِنیا وه طَریقِ جِم نِجات بَیره.

اِنجیلِ یوحنا 5:45

خیال نَکِنین مِنِمه که پییِرِ پَلی شِما ره مِتّهم کامبه؛ شِمه مِتّهم کُنِنده موسیِ پِیغَمبِرِ، هَمونی که وه ره امید دَوِسینی.

اِنجیلِ یوحنا 8:26

خَله چیا دارمه که شِمه خَوِری بارِم و شِما ره مَحکوم هاکانِم. ولی اونی که مِ ره بَفرِسیه، حَقِّ و مِن اونچی که وه جِم بُشنِسِمه ره دِنیا ره اِعلام کامبه.»

پطرسی دِوّمین نامِه 3:15

و اَمه خداوندِ صبرِ، نِجات بَدونین، هَمون‌ طی که اَمه عزیزِ بِرار پولُس هم طِبق اون حکمتی که وه ره هِدا بَییه، شِمه وِسه بَنوِشته.

اوّل یوحنا 4:14

و اِما بَدیمی و گِواهی دِمبی که پییِر، شه ریکا ره بَفرِسیه تا دِنیائه نِجات دَهِنده بوئه.