اِنجیلِ یوحنا 12:42 - کتاب مقدس به زبان مازندرانی - گویش شرقی

⁴² با این وجود، حَتَّی قومِ گَت گَتِ جِم خَیلیا عیسی ره ایمون بیاردِنه، ولی فریسیون تَرسِ جِم، شه ایمونِ مِقِر نییَمونه، تا نِکِنه وِشونِ، عبادتگاه جِم بیرون هاکانِن.

گیله ماز

⁴² با این وجود حَتّی قومِ گَتِه شان جی خیلیان عیسی رِه ایمان بیاردِن، وَلی فَریسیِانِ تَرسِ جی خودِشانِ ایمانِ مُقُر نومَن تا نَکُنِه اوشان رِه عِبادَتگاهِ جی دِرگا هَکُنَن.

کتاب مقدس به زبان مازندرانی - گویش غربی

⁴² با هَین وجود حَتّی قومی گَت گَتِه ای جا خیلیا عیسی رِه ایمون بیاردِنِه، ولی فَریسیِنی تَرسی جا شی ایمونِ مِقِر نیمونِه تا نَکِنِه وِشونِه عِبادَتگاهی جا دیرگا هاکِنِن.

اِنجیلِ یوحنا 12:42 Iomraidhean Croise

اِنجیلِ مَتّی 10:32

«پَس هر کی مَردِمِ پَلی، شه ره مِ جِم دونده مِن هَم شه آسِمونی پییِرِ پَلی وه ره شه جِم دومبه.

لوقا 12:8

«شِما ره گامبه، هر کی مَردِمِ پَلی اِقرار هاکانه مِ دِمبالِروئه، اِنسانِ ریکا هم، وه ره خِدائه فرشته هائه پَلی اِقرار کانده.

لوقا 23:13

بعد پیلاتُس مَعبدِ گَت گَتِ کاهِنون و قومِ رئیسون و مَردِمِ شه پَلی صدا هاکارده

لوقا 6:22

«خِش به حال شِما، اون مووقه که مَردِم، اِنسانِ ریکائه اِسمِ خاطِری، شِمه جِم بیزار بَووِن و شِما ره شه جَمعِ جِم بیرون هاکانِن و فحش هادِن و تِهمت بَزِنِن.

اِنجیلِ یوحنا 11:45

پَس خَله از یَهودیون که مریِمِ هِمراه بییَمو بینه و عیسیِ کارِ بَدیئه بینه، وه ره ایمون بیاردِنه.

اِنجیلِ یوحنا 12:11

چوون باعث بَییه بییه خَله از یَهودیون بورِن و عیسی ره ایمون بیارِن.

اِنجیلِ یوحنا 16:2

شِما ره عبادتگاه هائه جِم بیرون کاندِنه و حَتَّی مووقه ای رِسِنه که هر کی شِما ره بَکوشه، خیال کانده خِدا ره خِدمِتِ هاکارده.

اِنجیلِ یوحنا 19:38

بعد از این اتفاقا، یوسِف، که اَهلِ رامه بییه، پیلاتُسِ جِم اِجازه بَخواسه تا عیسیِ جَسِدِ بَیره. یوسِف عیسیِ شاگرد بییه، ولی یِواشکی، چوون یَهودیونِ جِم تَرسیه. پیلاتُس وه ره اِجازه هِدا. پَس بییَمو، عیسیِ جَسِدِ بَییته.

اِنجیلِ یوحنا 3:2

وه یِتا شُو عیسی پَلی بییَمو و وه ره بااوته: «اِسّا، دومبی تِ مَلِّمی هسی که خِدائه طَرِفِ جِم بییَموئه، چوون هیچ کی نتونده این نِشونِها و معجِزاتی ره که تِ هاکاردی ره هاکانه، مگه این که خِدا وه هِمراه دَووه.»

اِنجیلِ یوحنا 7:13

ولی چوون یَهودیونِ جِم تَرسینه، وه خَوِری هیچ کی عَلِنی گَب نَزوئِه.

اِنجیلِ یوحنا 7:31

با این وجود، خَله از مَردِم وه ره ایمون بیاردِنه. وِشون گاتِنه: «مگه وَختی مَسیحِ موعود بِیّه، این مَردیِ جِم ویشتَر معجِزه کانده؟»

اِنجیلِ یوحنا 9:22

اون مَردیِ پییِرمار یَهودیونِ تَرسِ جِم این چیا ره بااوتِنه. چوون یَهودیون قَبلِاً هَمَدَس بَییه بینه هر کی اِقرار هاکانه که عیسی هَمون مَسیحِ موعود، وه ره عِبادَتگاهِ جِم بیرون هاکانِن.

اِنجیلِ یوحنا 9:34

وِشون وه جِواب بااوتِنه: «تِ که تِموماً گِناه دِله دِنیا بییَموئی. اِسا، اِما ره هَم دَرس دِنی؟» پَس وه ره بیرون هاکاردِنه.

اعمال رَسولان 5:41

پَس رَسولون شورائه وَرِ جِم بیرون بوردِنه و از اینکه اَنده لایق بِشمارِسه بَینه که عیسیِ اسمِ خاطِری بی حِرمتی بَوینِن، خِشال بینه.

رومی ایشون 10:10

چوون دلِ همراهِ که آدِم ایمون یارنه و صالح بِشمارِسه بونه، و زِوونِ هِمراهِ که اِعتراف کانده و نِجات گِرنه.

اوّل یوحنا 4:15

اونی که اِعتراف کانده عیسی خِدائه ریکائه، خِدا وه دِله موندِنه و وه خِدائه دِله.

اوّل یوحنا 4:2

خِدائه روحِ این‌طی اِشناسِمبی: هر روحی که اِعتراف هاکانه عیسی مَسیح آدِمِ جِسمِ دِله بییَمو، خِدائه جِم هَسه.