اِنجیلِ یوحنا 12:17 - کتاب مقدس به زبان مازندرانی - گویش شرقی

¹⁷ اون جَمیِّتی که ایلعازَرِ صدا هاکاردِن مووقه، مَقبره جِم و وه زنده هاکاردِن، مَرگِ جِم عیسیِ هِمراه دَینه، همین طی هم این اتِفاقِ شِهادت دانه.

گیله ماز

¹⁷ اون جَماعتی که ایلعازَر دُخوانِسَّن موقِه مَقبَرِه یه جی و اونه زندهِ هَکُردَن مَرگِ جی عیسی یِه هَمرَه دَبان، اینجوری این اتِّفاقِ شَهادَت دَنِه بان.

کتاب مقدس به زبان مازندرانی - گویش غربی

¹⁷ هون جَماعتی گه ایلعازَری داد هاکِردَنی موقه مَقبَرِه ای جا و وی زینِّه هاکِردَن مَرگی جا عیسایی هَمرا دَوِنِه، هَینجوری هَین اتِّفاقِ شَهادَت داوِنِه.

اِنجیلِ یوحنا 12:17 Iomraidhean Croise

اِنجیلِ یوحنا 1:19

اینِ یحییِ تَعمید دَهِنده شِهادت، اون مووقه که یَهودیون، مَعبدِ کاهِنون و مَعبدِ خادِمونِ، اورشَلیمِ شَهرِ جِم وه پَلی بَفرِسینه تا وه جِم بَپِرسِن که «تِ کی هسی؟»

اِنجیلِ یوحنا 1:32

و یحیی شِهادت هِدا، بااوته: «مِن خِدائه روحِ بَدیمه که کوتری واری آسمونِ جِم جِر بییَمو و وه سَر بَمونِسه.

اِنجیلِ یوحنا 1:34

و مِن بَدیمه و شِهادت دِمبه که خِدائه ریکا اینِ.»

اِنجیلِ یوحنا 11:31

یَهودیونی که مریِمِ هِمراه، سِره دِله دَینه و وه ره تَسِلی دانه، وَختی بَدینه مریِم عجلهِ هِمراه بِلِند بَییه و بیرون بورده، وه دِمبال راه دَکِتِنه. گِمون کاردِنه قبرِ سَر شونه تا اونجه بِرمه هاکانه.

اِنجیلِ یوحنا 11:42

مِن دونِسِمه که هَمِش مِ دِعا ره اِشنُنی. ولی اینِ، وِشونی وِسه بااوتِمه که اینجه اِسّانه، تا ایمون بیارِن که تِ مِ ره بَفرِسی ای.»

اِنجیلِ یوحنا 12:9

یَته خَله جَمیِّت از یَهودیون، وَختی بِشنُسِنه عیسی اونجه دَره، بییَمونه تا نا فِقَط عیسی، بلکه ایلعازَرِ که زنده هاکارده بییه ره هم بَوینِن.

اِنجیلِ یوحنا 19:35

کِسی که اینِ بَدیئه، شِهادت دِنه تا شِما هم ایمون بیارین. وه شِهادِت راسِ و وه دونده که دَره حییقِتِ گانه.

اِنجیلِ یوحنا 21:24

این هَمون شاگردِ که این چیا ره شِهادت دِنه و اینا ره بَنوِشته. اِما دومبی که وه شِهادت راسِ.

اعمال رَسولان 1:22

یعنی یحییِ تعمیدِ مووقه تا روزی که عیسی ره اَمه وَرِ جِم بالا بَوِردِنه، یِتا از این آدِمون وِنه اَمه هِمراه، عیسیِ زنده بَیِّنِ شاهد بَووه.»

اعمال رَسولان 5:32

و اِما این جَریانِ شاهِدیمی، هَمون طی که روح‌القدس هم شاهِدِ، هَمون روحی که خِدا وه ره شه مُطیعون بِبَخشیه.»

یوحنایِ مکاشفه 1:2

و وه خِدائه کِلام و عیسی مسیحِ شِهادتِ، یعنی هر اونچی که بَدیئه ره گِواهی هِدا.