اِنجیلِ یوحنا 11:9 - کتاب مقدس به زبان مازندرانی - گویش شرقی

⁹ عیسی جِواب هِدا: «مَگه روز، دِوازده ساعت نیه؟ اگه کِسی روزِ دِله راه بوره، وه لینگ جایی نَینه و بنه نَخارنه، چوون این دِنیائه نُورِ وینده.

گیله ماز

⁹ عیسی جَواب هَدَه: «مَگِه روز، دَوازدَه ساعَت نیِه؟ اگه کسی روزِ دِلِه راه بوشو، سَر سُم نَزِنِه و زَمین نُخارنِه، چون این دُنیایِ نورِ دینِه.

کتاب مقدس به زبان مازندرانی - گویش غربی

⁹ عیسی جِواب هادا: «مَگِه روز، دِوازِه ساعَت نیِه؟ اگه کسی روزی دِلِه راه بورِه، سَرسِم نَیرنِه و بِنِه نَخارنِه، چون هَین دِنیایی نورِ وینِّه.

اِنجیلِ یوحنا 11:9 Iomraidhean Croise

اِنجیلِ یوحنا 11:10

ولی اگه کِسی شوِ دِله راه بوره، وه لینگ یه جا گِرنه و بِنه خارنه، چوون شه دلِ دِله نُورِ نِدارنه.»

اِنجیلِ یوحنا 12:35

عیسی وِشونِ بااوته: «نور اَت کم دییه شِمه هِمراه دَره. پَس تا وَختی که هَمتی نورِ دارنِنی، راه بُورین، نَکِنه تاریکی شِمه دُورِ بَیره. اونی که تاریکیِ دِله راه شونه، نَدونده کجه شونه.

اِنجیلِ یوحنا 9:4

تا روزِ وِنه بَفرِسیهِ کارا ره اِنجام هادیم؛ دَره شو بونه، که اونِ دِله کِسی نَتونده کار هاکانه.

اوّل یوحنا 2:10

هر کی که شه بِرارِ دوس دارنه، نورِ دِله موندِنه و وه دِله هیچ دلیلی لغزشِ وِسه دَنیه.