اِنجیلِ یوحنا 11:48 - کتاب مقدس به زبان مازندرانی - گویش شرقی

⁴⁸ اگه بییِلیم همین طی پیش بُوره، همه وه ره ایمون یارنِنه، و رومیون اِنِنه، اَمه مَعبِدِ و اَمه قومِ اَمه دَسِ جِم گِرنِنه.»

گیله ماز

⁴⁸ اَگه بَنیم هَمینجور پِیش بوشو هَمِه اونه ایمان هارنَن و رومیان هَنِن اَمیِ مَعبَد و اَمیِ قومِ اَمیی دَسِّ جی گیرنَن.»

کتاب مقدس به زبان مازندرانی - گویش غربی

⁴⁸ اگه بِلیم هَمینجور پِش بورِه هَمه وِره ایمون اُرِنِه و رومیِن اِنِنِه اَمِه مَعبَد و اَمِه قومِ اَمِه دَسی جا گیرِنِه.»

اِنجیلِ یوحنا 11:48 Iomraidhean Croise

اِنجیلِ مَتّی 22:7

پادشاه عَصِبانی بَییه و شه سربازونِ بَفرِسیِه و قاتِلونِ بَکوشته و وِشونِ شَهرِ تَش بَکِشیه.

اِنجیلِ مَتّی 22:9

پَس کَر و کوچهِ دِله بُورین و هر کی ره پی دا هاکاردینی، آروسی دَعوت هاکانین.'

اِنجیلِ مَتّی 24:15

«پَس اون وحشتناکِ چی که دانیالِ پِیغمبِر وه خَوِری بَنوِشته ره بَوینین که مِقَدَّسِ جائه دِله بَرپا بَییه (اونی که خوندِنه وه ره حالی بَووه)

اِنجیلِ مَتّی 27:25

تِمومِ مَردِم جِواب هِدانه: «وه خون اَمه گَردِن و اَمه وَچونِ گَردِن دَووه!»

لوقا 11:52

وای بر شِما ای توراتِ مَلِّمون! چوون شِما حَییقَتِ مَردِمِ جِم قایم کاندینی نا شه اونِ قبول دارنِنی و نا اییِلنِنی دییَرونی که خوانِنه، اونِ ایمون بیارِن.»

لوقا 8:12

اون تیمایی که راهِ دِله کَفِنِنه، اونایینه که خِدائه کِلامِ اِشنُنِنه، بعد از اون ابلیس اِنه و اونِ وِشونِ دلِ جِم دِزِنه، تا نَتونِن ایمون بیارِن و نِجات بَیرِن.

اِنجیلِ یوحنا 1:7

وه یِتا شاهدِ واری بییَمو، تا اون نورِ وِسه شِهادت هاده، تا همه، وه طَریقِ جِم ایمون بیارِن.

اعمال رَسولان 5:28

«اِما شِما ره سَخت قَدِغَن هاکاردیمی که دییه این اِسمِ هِمراه تَعلیم نَدین؟ با این حال شِما اورشَلیمِ شَهرِ شه تعلیمِ جِم پِر هاکاردینی و خوانِنی این مَردیِ خونِ اَمه گَردِن دِم هادین.»