اِنجیلِ یوحنا 11:41 - کتاب مقدس به زبان مازندرانی - گویش شرقی

⁴¹ پَس سَنگِ بَییتِنه. بعد عیسی آسِمونِ هارِشیه و بااوته: «پییِر، تِ ره شکر کامبه که مِ دِعا ره بِشنُسی.

گیله ماز

⁴¹ پس سَنگِ بِیتَن. ایما عیسی آسِمانِ بِیشییِه و باَگوته: «پیَر، تِرِه شُکر کانَم که می دعا رِه بِشنَوِسّی.

کتاب مقدس به زبان مازندرانی - گویش غربی

⁴¹ پس سَنگِ بَیتِنِه. اَزما عیسی آسِمونِ هارشیِه و بُتِه: «پیر، تِرِه شِکر کِمِّه گه می دِعارِه بِشنُسی.

اِنجیلِ یوحنا 11:41 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 11:26

اَرِه اِی پییِر، تِ خواسه که مِحَبَّتِ جِم پِرِ، این طی بییه.

اِنجیلِ مَتّی 27:60

و یِتا سَنگِ مَقبرهِ دِله که تازِه شه وِسه بَتِراشی بییه، بییِشته. بعد یِتا گَتِ سَنگ، مَقبرِ جلو غَلت هِدا و بُورده.

مَرقُس 15:46

یوسِف یِتا کَتونِ کَفِن بَخریه و جِنازه ره صلیبِ جِم جِر بیارده، اونِ کَتونِ کَفِنِ دِله دَپیته و مقبره ای که صخره دِله بَتِراشی بییه، بییِشته. بعد یِتا سَنگ، مقبرهِ دِهونهِ جلو غَلت هِدا.

لوقا 10:21

هَمون لَحظه، عیسی روح‌القدسِ دِله شاد بَییه و بااوته: «ای پییِر، آسِمون و زِمینِ صاحاب، تِ ره شکر کامبه که این چیا ره عاقلون و حَکیمونِ جِم قایم هاکاردی و کِچیکِ وَچونِ وِسه دیار هاکاردی. اره، ای پییِر، چوون این اون چی بییه که تِ ره خِشال کارده.

لوقا 18:13

ولی اون خراجگیر دور اِیست هاکارده بییه و نِخواسه حَتّی شه سَرِ آسمونِ سَمت بِلِند هاکانه، بلکه شه سینه سَر کُتِندِسه و گاته: ”خِدایا، مِنِ گِناهکارِ رَحم هاکان.“

لوقا 24:2

ولی بَدینه سنگی که مَقبره جلو دَییه یِتا گوشه غَلت هِدائه هَسه.

اِنجیلِ یوحنا 11:22

ولی دومبه که اَلان هم هر چی خِدائه جِم بِخوائی، خِدا تِ ره دِنه.»

اِنجیلِ یوحنا 17:1

وَختی عیسی شه گَبِ تِموم هاکارده، آسمونِ هارِشیه و بااوته: «پییِر، وه مووقه بَرِسیه. شه ریکا ره جِلال هاده تا ریکا هم تِ ره جِلال هاده.

اِنجیلِ یوحنا 20:1

هفتهِ اَوِّلین روز، زودِ صِواحی، مووقه ای که هَمتی هِوا تاریک بییه، مَریِمِ مَجْدَلیّه مَقبرهِ سَر بییَمو و بَدیئه که سَنگ، مَقبره دَرِ وَر کِنار بُورده.

اعمال رَسولان 7:55

ولی استیفان روح‌القُدُس جِم پِر، آسمونِ زِل بَزو، خِدائه جِلالِ بَدیئه و عیسی ره که خِدائه راسِ دَسِ وَر اِیست هاکارده بییه.

فیلیپیان 4:6

هیچیِ وِسه دلواپس نَبوئین، بلکه هر چیِ دِله، دِعا و خواهش تَمِنّا و شِکر هاکاردِنِ هِمراه، شه خواسه ها ره خِدا ره بارین.