اِنجیلِ یوحنا 11:20 - کتاب مقدس به زبان مازندرانی - گویش شرقی

²⁰ پَس وَختی مارتا بِشنُسه عیسی اونجه اِنه وه پیشواز بُورده، ولی مَریِم، سِره دِله نیشته بییه.

گیله ماز

²⁰ پس وَختی مارتا بِشنَوِسِّه عیسی اوجِه هَنه اونه پیشواز بَشه، وَلی مریم سِرِه یه دِلِه نیشتِه با.

کتاب مقدس به زبان مازندرانی - گویش غربی

²⁰ پس وختی مارتا بِشنُسِه عیسی اوجِه اِنِه وی پِشواز بوردِه، ولی مریم خِنِه ای دِلِه نیشت وِه.

اِنجیلِ یوحنا 11:20 Iomraidhean Croise

اِنجیلِ مَتّی 25:1

« اون روزا، آسِمونِ پادشاهی دَه تا اَذِبِ کیجا ره موندِنه که شه لَمپا ره بَییتِنه و دومادِ پیشواز بُوردِنه.

اِنجیلِ مَتّی 25:6

«نِصفِ شو، یه نَفِر داد زوئه گاته: ”دوماد دَره اِنه، وه پیشواز بُورین!“

اِنجیلِ یوحنا 11:30

عیسی هَمتی دهِ دِله نَشی بییه، بلکه همونجه ای دَییه که مارتا وه بَدیئِنِ وِسه بُورده بییه.

اعمال رَسولان 10:25

وَختی پِطرُس سِره دِله بییَمو، کُرنِلیوس وه پیشواز بورده و وه لینگ دَکِته، وه ره پَرَسِش هاکارده.

اعمال رَسولان 28:15

اونجهِ بِرارون بِشنُسه بینه که راه دِله دَرِمبی، پَس تا آپیوس و «سه مِیخِانهِ» بازارِ دِله بییَمونه تا اَمه پیشواز بِیّن. پولُس وَختی وِشونِ بَدیئه، خِدا ره شکر هاکارده و وه دِل قِوَّت بَییته.

اوّل تِسالونیکیان 4:17

بعد، اِما که زِندِمی و به جا بَمونِسیمی، وِشونِ هِمراه اَبرهائه دِله بالا بَوِرده بومبی تا خِداوندِ هوائه دِله بَوینیم، و این طی هَمِش خِداوندِ هِمراه دَرِمبی.