اِنجیلِ یوحنا 11:2 - کتاب مقدس به زبان مازندرانی - گویش شرقی

² مَریِم هَمون زِنایی بییه که خِداوندِ عَطرِ هِمراه عَطرهاشی هاکارده و شه گیسِ هِمراه وه لینگا ره خِشک هاکارده. اِسا وه بِرار ایلعازَر مریض بییه.

گیله ماز

² مریم همون زَنی با که خُداوَندِ عَطرِ هَمرَه عَطرپاشی هَکُردِه و خودشه گیسِ هَمرَه اونه لنگِ خُشک هَکُردِه. اَسِه اونه اَداش ایلعازَر ناخوش با.

کتاب مقدس به زبان مازندرانی - گویش غربی

² مریم هَمون زَنی وِه گه خِداوَندِ عَطری هَمرا عَطرهاشی هاکِردِه، و شی گیسی هَمرا وی لینگِ خِشک هاکِردِه. اِسا وی بِرار ایلعازَر مَریض وِه.

اِنجیلِ یوحنا 11:2 Iomraidhean Croise

مَرقُس 14:3

وَختی عیسی بِیت‌عَنْیائه روستائه دِله، شَمعونِ جِذامیِ سِره، سِفره سَر نیشته بییه، یِتا زِنا یِتا مرمری ظرفِ هِمراه که وه دِله عطری راغون دَییه عیسی پَلی بییَمو. اون عطری راغون، خالصِ سُنبلِ جِم بییه و خَله هم گِرون بییه. اون زِنا ظَرفِ بِشکِسه و عَطری راغونِ عیسیِ سَر دَشِندیه.

لوقا 7:13

عیسیِ خِداوند وَختی وه ره بَدیئه، وه دِل وه وِسه بَسوته و اون بیوه زِنا ره بااوته: «بِرمه نَکِن.»

لوقا 7:19

و این پِیغومِ هِمراه عیسیِ خِداوندِ پَلی بَفرِسیه و بااوته: «تِ همونی هَسی که وِنه بِیّه، یا یه نَفِرِ دییهِ اِنتِظارِ بَکِشیم؟»

اِنجیلِ یوحنا 11:21

مارتا عیسی ره بااوته: «آقا، اگه اینجه دَئی مِ بِرار نَمِرده.

اِنجیلِ یوحنا 11:3

پَس ایلعازَرِ خواخِرون عیسیِ وسه پیغوم بَفرِسینه، بااوتِنه: «آقا، تِ عزیزِ رَفِق مَریضِ.»

اِنجیلِ یوحنا 11:32

وَختی مریِم اونجه ای که عیسی دَییه بَرِسیه و وه ره بَدیئه، وه لینگ دَکِته و بااوته: «آقا، اگه اینجه دَئی مِ بِرار نَمِرده.»

اِنجیلِ یوحنا 12:3

هَمون مووقه، مریِم یِتا شیشه سنبلِ عطرِ گرون قیمتِ خالص که نیم لیترِ اِندا بییه ره بَییته و عیسیِ لینگِ اونِ هِمراه عطرهاشی هاکارده و شه گیسِ هِمراه خِشک هاکارده، سِره، عطرِ بوِ جِم پِر بَییه.

اِنجیلِ یوحنا 13:13

شِما مِ ره اِسّا و شه آقا صِدا کاندینی و دِرِس هم گانِنی، چوون هَسِمه.

اِنجیلِ یوحنا 13:14

پَس اگه مِن که شِمه آقا و اِسّامه شِمه لینگِ بَشُسِمه، شِما هم وِنه هَمدییهِ لینگِ بَشورین.