اِنجیلِ یوحنا 10:38 - کتاب مقدس به زبان مازندرانی - گویش شرقی

³⁸ ولی اگه اِنجام دِمبه، حَتَّی اگه مِ ره ایمون نیارنِنی، لااقل اون کارا ره ایمون بیارین، تا بَدونین و بِفَهمین که پییِر مِ دِله دَره و مِن پییِرِ دِله.»

گیله ماز

³⁸ وَلی اَگه اَنجام دَنَم، حَتّی اَگه مَرِه ایمان نیارنین، لااَقَل به اون کاران ایمان بیارین تا بِدانید و بِفَهمین که پیَر می دِلِه دَرِه و مَن پیَرِ دِلِه.»

کتاب مقدس به زبان مازندرانی - گویش غربی

³⁸ ولی اگه اَنجام دِمِه، حَتّی اگه مِنِه ایمون نیارِنی، لااَقَل هون کارارِ ایمون بیارین تا دِنّین و بِفَهمین گه پیر می دِلِه دَرِه و مِن پیری دِلِه.»

اِنجیلِ یوحنا 10:38 Iomraidhean Croise

اِنجیلِ یوحنا 10:25

عیسی جِواب هِدا: «شِما ره بااوتِمه، ولی باوِر نَکاندینی. کارایی که مِن شه پییِرِ اسمِ هِمراه کامبه، مِ وِسه شِهادِت دِنِنه.

اِنجیلِ یوحنا 10:30

مِن و پییِر یِتا هَسیمی.»

اِنجیلِ یوحنا 11:4

عیسی وَختی این خَوِرِ بِشنُسه، بااوته: «این مریضی، مَرگِ خَتم نَوونه بلکه خدائه جِلالِ وِسه هَسه، تا خِدائه ریکا اونِ طَریقِ جِم جِلال بَیره.»

اِنجیلِ یوحنا 14:20

اون روز فَهمِنِنی که مِن پییِرِ دِله دَرِمبه و شِما مِ دِله دَرِنی و مِن شِمه دِله دَرِمبه.

اِنجیلِ یوحنا 17:11

ویشتر از این دییه دِنیائه دِله نَموندِمبه، ولی وِشون دِنیائه دِله دَرِنه؛ مِن تِ پَلی اِمبه. ای قدّوسِ پییِر، اونایی که مِ ره هِدایی ره شه اسمِ هِمراه حِفظ هاکان، تا یِتا بَووِن، هَمون طی که اِما یِتا هَسیمی.

اِنجیلِ یوحنا 3:2

وه یِتا شُو عیسی پَلی بییَمو و وه ره بااوته: «اِسّا، دومبی تِ مَلِّمی هسی که خِدائه طَرِفِ جِم بییَموئه، چوون هیچ کی نتونده این نِشونِها و معجِزاتی ره که تِ هاکاردی ره هاکانه، مگه این که خِدا وه هِمراه دَووه.»

اِنجیلِ یوحنا 5:36

ولی مِن شِهادتی یحییِ شِهادتِ جِم گَت تِر دارمه، چوون کارایی که پییِر مِ ره بِسپارِسه تا اِنجام هادِم، یعنی همین کارایی که کامبه، مِ خَوِری شِهادت دِنه که پییِر مِ ره بَفرِسیه.

اعمال رَسولان 2:22

«ای یَهودیون، اینِ بشنُئین: عیسیِ ناصری، اون که خِدا، معجزات و عجیبِ چیا و نِشونه هایی که وه دَسِ هِمراه شِمه میون ظاهر هاکارده، وه حَییقَتِ گِواهی هِدا، هَمون طی که شه دوندِنی.

اوّل یوحنا 3:24

هر کی وه اَحکامِ عَمِل هاکانه، خِدائه دِله مُوندِنه و خِدا هم وه دِله موندِنه. اینجه جِم دومبی وه اَمه دِله موندِنه یعنی اون روحِ هِمراه که اِما ره هِدا.