اِنجیلِ یوحنا 10:32 - کتاب مقدس به زبان مازندرانی - گویش شرقی

³² عیسی وِشونِ بااوته: «پییِرِ طَرِفِ جِم خَله خوارِ کارا شِما ره سِراغ هِدامه. کِدوم یِتائه وِسه خوانِنی مِ ره سَنگسار هاکانین؟»

گیله ماز

³² عیسی اوشانه باَگوته: «پیَرِ طَرفِ جی خِیلی خُجیر کاران شِمِره نِشان هَدَم. کُدام ایتا یه وَسین خَنید مَرِه سَنگسار هَکُنید؟»

کتاب مقدس به زبان مازندرانی - گویش غربی

³² عیسی وِشونِه بُتِه: «پیری طرفی جا خِیلی خِبِ کارا شِمارِ هَم هادامِه. کِدیم یَتِه ای سِه خواینِنی مِنِه سَنگسار هاکِنین؟»

اِنجیلِ یوحنا 10:32 Iomraidhean Croise

اِنجیلِ مَتّی 11:5

کورون ویندِنه، شَلون راه کَفِنِنه، جِذامیون شِفا گِرنِنه، غولا اِشنُنِنه، مِرده ها زنده بونِنه و فَقیرونِ خَوِرِ خِش هِدا بونه.

اِنجیلِ یوحنا 10:25

عیسی جِواب هِدا: «شِما ره بااوتِمه، ولی باوِر نَکاندینی. کارایی که مِن شه پییِرِ اسمِ هِمراه کامبه، مِ وِسه شِهادِت دِنِنه.

اِنجیلِ یوحنا 10:31

اون وَخت اَت کَش دییه یَهودیون سَنگ بَییتِنه تا وه ره سَنگسار هاکانِن.

اِنجیلِ یوحنا 10:33

یَهودیون جِواب هِدانه: «خوارِ کار وِسه تِ ره سَنگسار نَکامبی، بلکه اینِ وِسه که کُفر گانی، چوون آدِمی و گانی خِدایی.»

اِنجیلِ یوحنا 10:37

اگه شه پییِرِ کارا ره اِنجام نَدِمبه، پَس مِ ره ایمون نیارین.

اِنجیلِ یوحنا 5:36

ولی مِن شِهادتی یحییِ شِهادتِ جِم گَت تِر دارمه، چوون کارایی که پییِر مِ ره بِسپارِسه تا اِنجام هادِم، یعنی همین کارایی که کامبه، مِ خَوِری شِهادت دِنه که پییِر مِ ره بَفرِسیه.

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

اعمال رَسولان 2:22

«ای یَهودیون، اینِ بشنُئین: عیسیِ ناصری، اون که خِدا، معجزات و عجیبِ چیا و نِشونه هایی که وه دَسِ هِمراه شِمه میون ظاهر هاکارده، وه حَییقَتِ گِواهی هِدا، هَمون طی که شه دوندِنی.

اوّل یوحنا 3:12

اِما نَوِسه قائنِ واری بوئیم، هَمون که اون شَریرِ جِم بییه و شه بِرارِ بَکوشته. و، چه وه ره بَکوشته؟ چوون وه اعمال بَد بییه و وه بِرارِ اعمال دِرِس بییه.