اِنجیلِ یوحنا 1:46 - کتاب مقدس به زبان مازندرانی - گویش شرقی

⁴⁶ نَتَنائیل وه ره بااوته: «مَگه بونه ناصرهِ جِم هم خوارِ چی بیرون بِیّه؟» فیلیپُس جِواب هِدا: «بِرو و بَوین.»

گیله ماز

⁴⁶ نَتَنائیل اونه باَگوته: «مَگِه بونه ناصِره یه جی هَم خُجیرِ چی دِرگا بیه؟» فیلیپُس جَواب هَدَه: «بیِه و بَوین.»

کتاب مقدس به زبان مازندرانی - گویش غربی

⁴⁶ نَتَنائیل وِرِه بُتِه: «مَگِه وونِه ناصِره ای جا هَم خِبِ چی دیرگا بیِه؟» فیلیپُس جِواب هادا: «بِرِه و بَوین.»

اِنجیلِ یوحنا 1:46 Iomraidhean Croise

اِنجیلِ مَتّی 10:3

فیلیپُس و بَرتولما، توما و مَتّیِ خراجگیر، یَعقوب حَلفیِ ریکا و تَدّای

اِنجیلِ مَتّی 2:23

یوسِف بُورده و یِتا شَهرِ دِله، که وه اسم ناصره بییه زِندِگی هاکارده. این طی، اون پیشگویی که پِیغَمبِرون هاکارده بینه اِنجام بَرِسیه که: «وه ناصری بااوته بونه.»

لوقا 12:57

«چه شه اونچیِ خَوِری که دِرِسِ، داوِری نَکاندینی؟

اِنجیلِ یوحنا 1:44

فیلیپُس اَهلِ بِیت‌صِیْدا، آندریاس و پِطرُسِ هَمشهری بییه.

اِنجیلِ یوحنا 1:45

فیلیپُس، نَتَنائیلِ پی دا هاکارده و وه ره بااوته: «اونی که موسی، تُورات دِله و پیغمبِرونَم وه خَوِری بَنوشتِنه ره پی دا هاکاردیمی! وه عیسی، یوسِفِ ریکا، ناصرهِ شَهرِ جِم هَسه!»

اِنجیلِ یوحنا 12:21

وِشون فیلیپُس پَلی، که اَهل بِیت‌صِیْدا، جَلیلِ مَنطقه بییه، بُوردِنه و وه ره بااوتِنه: «آقا، خوامبی عیسی ره بَوینیم.»

اِنجیلِ یوحنا 14:8

فیلیپُس وه ره بااوته: «آقا، آسِمونی پییِرِ اِما ره سِراغ هاده، که هَمین اَمه وِسه وَسه.»

اِنجیلِ یوحنا 4:29

«بِئین یِتا مَردی ره بَوینین که هر اون چی تا اَلان هاکارده بیمه ره، مِ ره بااوته. مُمکن نییه وه مَسیحِ موعود بوئه؟»

اِنجیلِ یوحنا 6:5

وَختی عیسی هارِشیه و بَدیئه یَته خَله جَمیِّت وه سَمت اِنِنه، فیلیپُسِ بااوته: «کجه جِم نون بَخرینیم تا این مَردِم بَخُرِن؟»

اِنجیلِ یوحنا 6:7

فیلیپُس جِواب هِدا: «اَگه شیش ماه کارگرِ دَسمِزِ اِندا هم نون بَخرینیم وِشونِ کَفافِ نَدِنه، حَتَّی اگه هر کِدوم فِقَط یه تیکه بَخُرِن.»

اِنجیلِ یوحنا 7:52

وِشون جِواب هِدانه: «مَگه تِ هم جَلیلی هَسی؟ تحقیق هاکان و بَوین که هیچ پیغَمبِری جَلیلِ جِم نِنّه.»

اوّل تِسالونیکیان 5:21

بلکه همه چی ره آزمود هاکانین؛ اونچیِ که خوارِ ره قایم بَچِسبین.