اِنجیلِ یوحنا 1:43 - کتاب مقدس به زبان مازندرانی - گویش شرقی

⁴³ فِردائه اون روز، عیسی تَصمیم بَییته که جَلیلِ مَنطقه بُوره. وه فیلیپُسِ پی دا هاکارده و وه ره بااوته: مِ دِمبال بِرو!»

گیله ماز

⁴³ فَردئی، عیسی تَصمیم بِیته جَلیل مَنطَقِه سمت بوشو. اون فیلیپُسِ پیدا هَکوردِه و اونه باَگوته: «می دُمّال بیِه!»

کتاب مقدس به زبان مازندرانی - گویش غربی

⁴³ فَردای هون روز، عیسی تَصمیم بَیتِه جلیلی مَنطقِه ای سِه بورِه. وی فیلیپُسِ بَنگیتِه و وِرِه بُتِه: «می دِمال بِرِه!»

اِنجیلِ یوحنا 1:43 Iomraidhean Croise

اِنجیلِ مَتّی 10:3

فیلیپُس و بَرتولما، توما و مَتّیِ خراجگیر، یَعقوب حَلفیِ ریکا و تَدّای

اِنجیلِ مَتّی 4:12

وَختی عیسی بِشنُسِه یحیی دَستگیر بَییه، جلیل بورده،

اِنجیلِ مَتّی 8:22

عیسی جِواب هِدا: «مِ دِمبال بِرو و بییِل مِرده ها، شه مِرده ها ره دَفن هاکانِن.»

اِنجیلِ مَتّی 9:9

عیسی اونجه جِم بُگذِشته و راهِ دِله یِتا مَردی که وه اسم متّی بییه ره بَدیئه كه خراجگیرِ دَکّهِ دِله نیشته بییه. عیسی وه ره بااوته: «مِ دِمبال بِرو.» مَتّی بِلِند بَییه و وه دِمبال بُورده.

لوقا 19:10

چوون اِنسانِ ریکا بییَمو تا گوم بَیّه ره پی دا هاکانه و نِجات هاده.»

اِنجیلِ یوحنا 1:28

این چیا بِیت‌عَنْیائه روستائه دِله، که اُردنِ رودخانهِ اون دَس بییه، اتِّفاق دَکِته، اونجه که یحیی تَعمید دائه.

اِنجیلِ یوحنا 1:29

فِردائه اون روز، یحیی عیسی ره بَدیئه که وه سَمت اِنه، بااوته: «هارِشین» این خِدائه قِروونی وَرهِ که گِناهِ دِنیائه جِم گِرنه و وَرنه!

اِنجیلِ یوحنا 1:35

فِردای اون روز، اَت کَش دییه یحیی شه دِتا شاگِردِ هِمراه اِیست هاکارده بییه.

اِنجیلِ یوحنا 1:37

وَختی اون دِتا شاگرد این گَبِ بِشنُسِنه، عیسیِ دِمبال راه دَکِتِنه.

اِنجیلِ یوحنا 1:44

فیلیپُس اَهلِ بِیت‌صِیْدا، آندریاس و پِطرُسِ هَمشهری بییه.

اِنجیلِ یوحنا 12:21

وِشون فیلیپُس پَلی، که اَهل بِیت‌صِیْدا، جَلیلِ مَنطقه بییه، بُوردِنه و وه ره بااوتِنه: «آقا، خوامبی عیسی ره بَوینیم.»

اِنجیلِ یوحنا 14:8

فیلیپُس وه ره بااوته: «آقا، آسِمونی پییِرِ اِما ره سِراغ هاده، که هَمین اَمه وِسه وَسه.»

اِنجیلِ یوحنا 2:11

این طی عیسی شه اَوِّلین نِشونه و معجِزه ره قانایِ جَلیلِ دِله اِنجام هِدا و شه جِلالِ ظاهر هاکارده و وه شاگِردون وه ره ایمون بیاردِنه.

اِنجیلِ یوحنا 6:5

وَختی عیسی هارِشیه و بَدیئه یَته خَله جَمیِّت وه سَمت اِنِنه، فیلیپُسِ بااوته: «کجه جِم نون بَخرینیم تا این مَردِم بَخُرِن؟»

اِنجیلِ یوحنا 6:7

فیلیپُس جِواب هِدا: «اَگه شیش ماه کارگرِ دَسمِزِ اِندا هم نون بَخرینیم وِشونِ کَفافِ نَدِنه، حَتَّی اگه هر کِدوم فِقَط یه تیکه بَخُرِن.»

فیلیپیان 3:12

نا اینکه تا اَلان اینا ره به دَس بیارده بوئِم یا کامل بَیمه، بلکه شه قبلتر حرکت کامبه تا اونِ به‌دَس بیارِم چوون که مَسیحْ عیسی، مِ ره شه وِسه به‌دَس بیارده.

اوّل یوحنا 4:19

اِما مِحَبَّت کامبی چوون اَوِّل وه اِما ره مِحَبَّت هاکارده.